Ég spyr og Rannveig svarar

 

  Rannveig Höskuldsdóttir,  flokkssystir mín í Frjálslynda flokknum og á sæti í kjördæmafélagi Reykjavíkur suður (en ég í norður),  bryddaði í gær upp á nýjum fleti á blogginu:  Hún lagði fyrir mig spurningu í bloggfærslu hjá sér og ég svaraði í sömu bloggfærslu.  Þetta kom af stað fjörlegri umræðu (www.rannveigh.blog.is) sem rataði inni í "Heitar umræður" á blogginu.  Núna lagði ég fyrir Rannveigu spurningar sem hún svarar hér.  Mínar spurningar eru:

  Hvaða tilgangi þjónar rándýrt loftrýmiseftirlit í nokkra daga á margra mánaða fresti? Hver er óvinurinn? Hver er hættan? Eftir að bresk yfirvöld hafa skilgreint okkur sem óvin og sett á bekk með hryðjuverkasamtökum hversu nálægt landráði jaðrar við að leggja landvarnir okkar í hendur breskum hersveitum?

  Svar Rannveigar:

  Ég held að enginn sjái tilgang í nokkurra daga loftrýmiseftirliti á margra mánaðar fresti nema til að uppfylla einhverjar Nato skyldur.  Við þessar aðstæður er það bæði siðlaust og til að vekja enn meiri reiði almennings.
  Auðvita eru alltaf til snaróðir menn úti í heimi sem gera óskunda í sögulegu samhengi.  Ég nefni t.d. son Margretar Thatcher sem reyndi valdarán í Cinea- Bissa sem er smáríki í Afríku. Eftir að Bretar settu okkur á bekk með hryðjuverkasamtökum sé ég enga skynsemi í því að þeir séu að verja okkur - nema fyrir okkur sjálfum.  Þetta snýst upp í einhverskonar andhverfu.  Erum við ekki hryðjuverkapakkið,  samkvæmt skilgreiningu Breta?  Þjóðin er reið og finnst þetta lítilsvirðing sem utanríkisráðherra býður upp á núna. Við verðum að muna að þarf ekki nema heimskan yfirmann í breska hernum til að breyta loftvarnareftirliti í innrás.

Athugasemdir

[Róbert Tómasson, 13.11.2008 kl. 23:33]

Var að horfa á það í fréttum þegar þingheimur í einhverju af gömlu sovetríkjunum slóst og heylsuðust að sjómannasið eins og Árni Johnsen orðaði það forðum, og seinna í sama fréttatíma sáust mótmæli utan úr heimi þar sem reiðir latínó kanar mótmæltu því að hafa verið féflettir af einhverju píramída fjárfestinga fyrirtæki.  Við gætum lært mikið af þessum uppá komum.  Hvað varðar vernd þessara þokumygluðutegutlara varðar er ég hjartanlega sammála því að það er siðleysi.

Þeir geta haldið sig heima hjá sér með sínar járnfraukur og drottningar peð.

[Ómar Ingi, 13.11.2008 kl. 23:57]

[Skattborgari, 14.11.2008 kl. 00:16]

Ef ég ætlaði að hertaka Ísland og vildi ekki mæta orrustuþotum þá myndi ég annaðhvort flýta eða seinka árásinni þannig að þær væru ekki viðstaddar á meðan ég tæki landið yfir.

Þetta loftrýmiseftirlit er bara þvæla og má leggja niður. Ef það ætti að gera gagn þá yrði það að vera 365daga á ári.

Eitt enn. Ég efa að óvinaríki fari að ráðast á Ísland nema Bretland kannski. Helsta hættan fyrir utan að Bretar ráðist á okkur er að hryðjuverkamenn detti það í hug að gera árás á okkur eða hertaka landið og við þær aðstæður þá eru þoturnar vita gagnlausar. En líkurnar á að annað hvort af þessu skeði eru mjög litlar en ég tel samt vera ívið meiri líkur á að Bretar ráðist á okkur eða 1 á móti 5000.

Kveðja Skattborgari.

[Óskar Þorkelsson, 14.11.2008 kl. 00:26]

frekar lamað hjá ykkur.. eigið þið ekki aðvera að gera þetta á fundum hjá FF ? 

[Árni Gunnarsson, 14.11.2008 kl. 00:29]

Ég sé nú fyrir mér að þetta "loftrýmiseftirlit!" geti orðið til nokkurs gagns fyrir fámenna sauðfjárhreppa. (Aldeilis magnað nýyrði sem minnir mig á orðið "snertilöfugsvipfræði" og var á sínum tíma galdrað fram af málspekingum í tengslum við einhvern andskotann sem ég er búinn að gleyma.) Já, semsagt- mér finnst fljótfærni að afþakka þetta og horfi þá til eftirleitar á Síðumannaafrétti í vetrarbyrjun. Þarna er leitótt með afbrigðum og mörg dæmi um að kindur hafi ekki náðst af fjalli í haustleitum.

[Jens Guð, 14.11.2008 kl. 02:15]

 Robbi,  mér eru líka minnisstæðar sjónvarpsfréttir frá þingi í Ísrael og Tævan þar sem þingheimur slóst með hnúum og hnefum.  Það voru alvöru kýlingar.  Gott ef þingmaður í Tævan gerði sér lítið fyrir og át þingfrumvarp upp á nokkrar blaðsíður og drakk vatn á eftir. En hlaut nokkur kjaftshögg í staðinn. Í fréttaviðtali á eftir bar hann því við að lýðræði væri svo nýtt í þessum heimshluta að hann væri rétt svo að byrja að átta sig á því. Hann væri hinsvegar ákveðinn í því að borða ekki fleiri þingfrumvörp.

  Ómar,  takk fyrir innlitið.

  Skattborgari,  er dæmið nokkuð flóknara en svo að enginn er líklegur til að ráðast á Ísland?  Nema kannski vanstilltur Breti sem skilgreinir okkur sem óvinveitta hryðjuverkaþjóð.  Og fyrir hverjum er hann þá að verja okkur?

  Óskar,  hvað áttu við?

  Árni,  hafa blessaðar kindurnar ekki alltaf skilað sér til byggða án aðstoðar Breta í stríðsleik?

[Skattborgari, 14.11.2008 kl. 19:34]

Jens Ég held að það séu mjög litlar líkur á árás og þá tek ég líka mið af vanstiltum Bretum.

Kveðja Skattborgari.

[Kolbrún Hilmars, 14.11.2008 kl. 19:56]

Sem betur fer er nú búið að slá af þetta fyrirhugaða loftvarnaeftirlit breta; lagt upp sem afar diplómatískt og allt í "samráði" við NATO  en áreiðanlega taka sumir til sín sneiðina. 

Svo sjáum við bara til hverjir notfæra sér varnarleysið til þess að hernema landið.  Síðast voru það bretarnir sjálfir...