Bestu hljómsveitir sögunnar

 

  Þetta fékk ég sent.  Ég veit ekki hvaðan þetta er tekið en hér er listi yfir bestu hljómsveitir sögunnar að mati lagahöfundarins og gítarleikarans Noels Gallaghers í bresku hljómsveitinni Oasis.  Hugsanlega er Noel hlutdrægur þegar nálgast 7.  sætið.  Engu að síður er listinn ekki út í hött.  Alls ekki.  Þar fyrir utan þýðir nafnið Noel jól og núna eru jólin að koma eftir 15 - 16 daga (eftir því hvar maður er staddur).

1. Beatles

2. Rolling Stones

3. Who

4. Sex Pistols

5. Kinks

6. Jam

7. Oasis

8. Smiths

9. Stone Roses

Athugasemdir

[Einar Áskelsson (IP-tala skráð) 8.12.2008 kl. 14:12]

1. Beatles, 2. The Doors, 3. The Kinks, 4. Echo & the Bunnymen, 5. The Who (komast á listann eftir að ég sá þá tónleikum í Boston í des. 06), 6. The Rolling Stones, 7. The Cure, 8. ELO, 9. The Clash, 10. Hljómar (í minningu RJ)

[Ólafur Björnsson, 8.12.2008 kl. 14:19]

Þetta er nú furðu góður listi miðað við hver höfundurinn er.

Þarna vantar þó tilfinnanlega Pink Floyd enda þeir kannski full flóknir fyrir Noel.

[Dunni, 8.12.2008 kl. 14:44]

Er sammála því að þetta er athyglsiverður listi hjá Noel.  Dáldið merkilegt að hann skuli ekki vera með neina af "heavy" súpergrúppunum listanum. Purple, Zeppelin, Heep, ELP, og slíkir. Þeir Gallagherbræður vita sem er að það einfalda er oftast best.  Þess vegna hefði ég verið til í að sá The Easy Beats á listanum og þá á kostnað Rolling Stones eða Oasis.  Reyndar hef ég sára lítið hlustað á Stone Rose en man mér fannst þeir athyglisverðir þegar nemendur mínir kynntu bandið fyrir mér.

PS. Synd og skömm hvað George Harrison hafði lítið álit á þeim bræðrum sem kópíeruðu Bítlana af miklum móði.  Ei flottasta útetning af Day Tripper er einmitt í flutningi þeirra Gallagherbræðra og Paul Weller úr Jam. 

[ábs (IP-tala skráð) 8.12.2008 kl. 16:18]

Gaman að sjá Who á listanum en kemur ekki á óvart, þeim er vel til vina Who-mönnum og Oasis. Einnig er mikið vinfengi við Paul Weller í JAM. Skemmtilegur listi en ég held að Sex Pistols séu of ofarlega og Clash ættu frekar heima á listanum. Og Pink Floyd hlýtur að verðskulda það líka.

[Guðmundur A. (IP-tala skráð) 8.12.2008 kl. 21:02]

Ef maður vissi ekki betur, þá mætti áætla að hann væri Breti.

[Jens Guð, 8.12.2008 kl. 22:50]

  Einar,  ég kvitta glaðari undir þinn lista.  Ekki síst þetta með The Clash og Hljóma.  Eða öllu heldur Thor´s Hammer.

  Ólafur,  Pink Floyd eru alltof flóknir fyrir einfeldningana í Oasis.  Samt er ég ekki ósáttur við lista Noels - þó ég sé gamall PF aðdáandi og þykir alltaf gaman að sjá þá hljómsveit á svona lista.

  Dunni,  ég var á sínum tíma - og reyndar ennþá - hissa á hvað George Harrison var neikvæður út í Oasis og leyfði sér að tala niður til þeirra.  Það var eiginlega ekki líkt Harrison.  Án þess að hafa nokkuð fyrir mér í því hef ég grun um að þeir kjaftforu Gallagher bræður hafi sagt eitthvað ljótt um Harrison og það setið í honum.

  ábs,  Oasis og The Who eru með sama trommara. 

  Guðmundur,  ójá,  það leynir sér ekki að Noel er dáldið í bresku deildinni.  Kannski ekki að ástæðulausu sem músíkstíll Oasis hefur verið kölluð brit-popp.