Frábært jólalag

 

  Einhverra hluta vegna halda margir að jólalög þurfi að vera hrikalega leiðinleg.  Annað hvort væmin og slepjuleg eða uppspennt og ofhlaðin af tilgerð.  Þetta á ekki síst við um íslensku popparana sem gera út á jólamarkaðinn.  Öldin var önnur þegar Haukur Morthens og Ómar Ragnarsson sungu inn á frábærar jólaplötur á sjöunda áratugnum.  Haukur hátíðlegur en eðlilegur og Ómar fyndinn og eðlilegur. Þá var gaman að vera barn.

  Nú hafa þau undur gerst að fram er komið splunkunýtt,  nýstárlegt og frábært jólalag.  Það heitir  Dimmrauð jól  og er samið og flutt af Jakobi Smára Magnússyni.  Lagið getur þú fundið á http://www.ruv.is/heim/vefir/ras2/poppland/jolalagakeppni/.  Það er númer 3 í röðinni.  Í leiðinni skaltu kjósa það á listanum þar fyrir neðan.  Þetta lag verður að sigra í Jólalagakeppni rásar 2.   

  Ég hlóð laginu niður í tölvuna mína og hef haft það í síspilun frá því í gær.  Og er strax farinn að hlakka til að spila það aftur um jólin 2009 og 2010.  Lengra fram í tímann hugsa ég ekki í bili.

Athugasemdir

[Egill (IP-tala skráð) 11.12.2008 kl. 19:14]

"Í leiðinni skaltu kjósa það á listanum"
Skaltu?
Þú hljómar eins og Dabbi á árum áður. Þú skalt kjósa Sjálfstæðisflokkinn!

Hvað með að leyfa fólki að hafa eigin skoðanir og frjálst val?

[Jens Guð, 11.12.2008 kl. 20:58]

  Egill,  þetta er að fyrirmynd Biblíunnar,  gamalt stílbragð gyðinga.  Manstu:  "Heiðra skaltu föður þinn og móður...",  "Þú skalt ekki stela...",  "Halda skaltu hvíldardaginn heilagan...",  "Þú skalt ekki girnast þræl nágranna þíns..."

[Ingvar Valgeirsson, 11.12.2008 kl. 22:38]

Reyndar var boðorðið bara "þú skalt ekki girnast" upphaflega. Boðorðið á eftir var að maður ætti ekki að tilbiðja íkon eða myndir af Guði. Kaþólikkar slepptu því og skiptu girndarboðorðinu í tvennt með eigin viðbótum.

Hinsvegar er þetta falleg mynd af Kobba - ég tók hana alveg sjálfur eftir að ég seldi honum þennan bassamagnara.

Ég kaus lagið hans Kobba - svo fór ég í aðra tölvu og kaus lagið með Múgsefjun, enda er það framúrskarandi band.

Far þú og gjörðu slíkt hið sama.

[Jens Guð, 11.12.2008 kl. 22:50]

  Ingvar,  flott mynd hjá þér og kappinn greinilega sáttur við hátalarann.  Ég skal tékka á laginu með Múgsefjun og,  já,  ég á aðra tölvu.  Var ekki búinn að fatta að ég get líka kosið í henni.  Gott að uppgötva það - líka upp á seinni tíma.

[Jóhannes (IP-tala skráð) 11.12.2008 kl. 23:34]

Ég á eftir að kanna þessi lög.  Takk fyrir að benda á þau.

[Ari feiti (IP-tala skráð) 12.12.2008 kl. 14:02]

Hvar er Geir Ólafsson með lagið sitt Jólamaðurinn kemur í kvöld sem sungið er á færeysku(eða tilraun til að syngja á færeysku)

http://www.visir.is/article/20081120/LIFID01/67575233

[Egill (IP-tala skráð) 12.12.2008 kl. 15:55]

Já, sææææll!

Sorrí, ég fattaði ekki að Guð á þetta blogg. Jens Guð.
Auðvitað er bloggið hans líka skrifað í sama stíl og Biblían.

[Ingvar Valgeirsson, 13.12.2008 kl. 20:15]

Jens, hvernig getur myndin klikkað þegar myndefnið er svona líka gullfallegt?

Hann var einmitt áðan í búðinni sem ég vinn í að leika nokkur jólalög á bassann. Hafði tvo aðra bössunga sér til fulltyngis. Þá var stuð.