Bestu plötur ársins 2008

  Fréttablaðið fékk nokkra tónlistarmenn og áhugafólk um tónlist til að velja bestu íslenskar plötur ársins 2008.  Útkoman er verulega áhugaverð.  Ekki síst vegna þess að nokkrar íslenskar plötur sem komu út á árinu eru jafnframt áberandi í áramótauppgjöri helstu tónlistarblaða heims.  Samkvæmt niðurstöðu Fréttablaðsins eru eftirfarandi plötur þær bestu sem komu út hérlendis 2008:

1.   Sigur Rós:  Með suð í eyrum við spilum endalaust

2.   FM Belfast:  How to make Friends

3.   Dr.  Spock:  Falcon Christ

4.   Lay Low:  Farewell Good Night´s Sleep

5.   Mammút:  Karkari

6.  Sin Fan Bous:  Clangour

7.  Emilíana Torríni:  Me and Amini

8.  Retro Stefson:  Montana

9. - 10.  Celstine:  At the Borders of Arcadia

9. - 10.  Reykjavík!:  The Blood 

11.  Bang Gang:  Ghosts from the Past

12. - 13.  Bragi Valdimar & Memfismafían:  Gilligill

12. - 13.  Jeff Who?:  Jeff Who?

14.  Morðingjarnir:  Áfram Ísland!

15. - 17.  Bob Justman:  Happiness and Woe

15. - 17.  Motion Boys:  Hang on

15. - 17.  The Viking Giant Show:  The Lost Garden of the Hooligans

  Gaman væri að hlera viðhorf ykkar til bestu platna ársins 2008.  Ég var einn af álitsgjöfum Fréttablaðsins og er afar sáttur við niðurstöðuna.  Hún er mjög svo til samræmis við mína skoðun á bestu plötunum.  Ég veit ekki alveg hvernig á að meta eða taka því að ég er lang elstur álitsgjafanna.  Kominn vel á sextugsaldur á meðan hinir álitsgjafarnir eru nýlegar fermdir krakkar.  En samt gaman að fá að vera með. 

  Ég kvitta glaður undir allar plöturnar í 10 efstu sætunum.  Ég ætlaði að hafa plötu Celestine á mínum lista.  En klúðraði því.  Ég hef grun um að platan hafi ekki verið í Plötutíðindum þannig að mér yfirsjást hún þegar á reyndi.  Þeim mun meira gaman er að hún skuli hafa náð inn á Topp 10.  Frábær hljómsveit og frábær plata.

  Plata Dr.  Spock var í 1.  sæti hjá mér og plata Sigur Rósar nr.  2.  Spockararnir eru yndislega hressilegir og pönkaðir rokkarar.  Ég er mikill Sigur Rósar aðdáandi en fyrir minn smekk poppaðist hljómsveitin um 1 gráðu með nýju plötunni.  Samt ekki um of.  Stórkostleg hljómsveit á heimsmælikvarða.  Og platan er hjá mér inni á Topp 5 lista yfir bestu plötur heims ársins 2008.

  Í DV í dag var birtur listi yfir bestu plöturnar 2008. Hann var skemmtilega samhljóða listanum í Fréttablaðinu.  Ég hlakka til að sjá lista Morgunblaðsins yfir bestu plöturnar.  Mér segir svo hugur að hann verði sömuleiðis til samræmis við lista Fréttablaðsins.

Athugasemdir

[Siggi Lee Lewis, 30.12.2008 kl. 22:57]

Það hefur alveg gleymst að setja þarna inn plötuna Push Push með Marbie Mann. Helvíti töff plata.....

[Sigríður Jósefsdóttir, 30.12.2008 kl. 23:01]

Sæll Jens minn, og gleðilega jólarest. Vildi bara leiðrétta hjá þér 12. - 13. sæti, Bragi þessi heitir Valdimar að millinafni og er Skúlason.  Man eftir honum vestur í Hnífsdal hér á árum áður.  Það hefur ræst glettilega úr stráksa, textarnir hans algjör snilld.

[Linda Linnet Hilmarsdóttir, 30.12.2008 kl. 23:09]

Gleðilegt nýtt ár

[Jens Guð, 30.12.2008 kl. 23:12]

  Siggi Lee,  nú er ég eitt spurningarmerki.  Hef aldrei heyrt um Marbie Mann.  Ég á plötu með Herbie Mann.  Enn hann hefur ekki sent frá sér íslenska plötu.

  Sigríður,  kærar þakkir fyrir leiðréttinguna.  Ég er búinn að laga hana í færslunni.

  Kæra Linda,  gleðilegt komandi ár og bestu þakkir fyrir frábær samskipti á árinu sem er að kveðja.

[Kristján Kristjánsson, 31.12.2008 kl. 00:51]

Fínn listi. Get kvittað undir flestar plötur þó röðin verði aðeins öðrvísi. Ég ætla að bæta Ómar Guðjóns og Kiru Kiru inná minn lista og Agent Fresco þó hún sé frekar stutt og telst varla "long play" plata. Finst hún vera ferskur vindur inní plötuflóruna. Motion Boys og Gilla Gill detta út hjá mér. Annars er árið búið að vera mjög gott að mínu viti og margar góðar plötur á árinu.

[Magnús Geir Guðmundsson, 31.12.2008 kl. 00:55]

Hm, verð að játa jens, að eigi margar íslenskar hafa náð í mín eyru þetta árið. EMma T. er fín, en ég er pðinu hissa að sjá ekki 4 nagla Bubba þarna miðað við hversu platan var lofuð í hástert í sumar. Mér fannst og finnst hún mkög góð, en allt neikvæða umtalið um karlinn vegna hans aðkomu í bankakreppunni kann að spila inn í og að sagt er að platan hafi ekki selst vel í jólavertíðinni!? Svona eru menn er ekki þarna heldur og skil það vel í þínu tilfelli hehe,hann á rólegri nótunum þarna líkt og á Paradís til að mynda, en hún höfðar meir og meir til mín.

SVo er nú bara tilbrigði í það minnsta við hneyksli, að sú afbragðsgóða "Knússkífa" Hvanndalsbræðra, skuli ekki ná inn á listana, hörkuskemmtileg samsuða "Sveitalubbasveiflu" og pönks með léttgrófri lýrík að hætti Rögga og hinna bræðranna!(svei mér Jens ef má ekki meira að segja heyra pínu pogueskeim m.a. svífa þarna yfir vötnum!)

Þetta vildi ég nú sagt hafa!

[Kristján Kristjánsson, 31.12.2008 kl. 00:57]

Já og nýja Skakkamanage fer líka inn á minn lista. Góð skífa.

[Magnús Geir Guðmundsson, 31.12.2008 kl. 01:00]

Svona eru menn með KK, átti nú að standa þarna!

Og svo má ég til með að gleðja vin vorn Einar Braga, dansverkið hans, Draumar, mjög fallegt! Þessi plata kom út í suamr,mönnum hefur löngum hætt til að gleyma einmitt sumarútgáfunum í svona uppgjörum og það þótt þær séu mjög góðar!

[Kristján Kristjánsson, 31.12.2008 kl. 01:01]

Úps og Singapore Slim platan nýja fer líka inná minn lista. Það fer að vera erfiðara að pikka út plötur af listanum :-)

[Jens Guð, 31.12.2008 kl. 01:01]

  Kiddi rokk,  ég er sammála að Motion Boys og Gilla Gill eru ekki á mínum lista.  Ef við förum út í Ómar Guðjóns þá má plata Tómasar R.  líka vera þarna. 

  Maggi,  Hvanndalsbræður eru oft flottir.  Ég hef skemmt mér konunglega á hljómleikum hjá þeim.  Ég er samt ekki tilbúinn að kvitta undir að þeir eigi heima á Topp 15.

[Jens Guð, 31.12.2008 kl. 01:03]

  Kiddi rokk,  Singapore Slim eiga að minnsta kosti að vera  inni á Topp 20.  Þeir krauma undir. 

[Ómar Ingi, 31.12.2008 kl. 01:12]

Fínn listi mætti bæta við Steed Lord

og setja Emmu Torrini , Lay Low og Motion boy´s ofar þá væri ég nokkuð sáttur .

[Kári (IP-tala skráð) 31.12.2008 kl. 07:29]

Hvernig tónlist spilar Celestine?

[Tommi (IP-tala skráð) 31.12.2008 kl. 08:18]

Kom Esja út á þessu ári? Ef svo er þá er ég á því að hún ætti kannski heima á þessum lista frekar en Bang gang eða Retro S...

[Siggi Lee Lewis, 31.12.2008 kl. 12:30]

Ég meinti plötuna Push Push með Herbie Mann

[Einar Bragi Bragason., 31.12.2008 kl. 18:41]

Takk fyrir Magnús að nefna mig(er sko alveg sammála he he....veit samt ekki um Jens) en vil líka minna á Ómar Guðjóns sem er snilld.....Sigurrós og E. Torrini og já FM Belfast....eiga líka að vera á þessum lista....Þursar live...Mezzoforte DVD...ofl....

[Jens Guð, 1.1.2009 kl. 02:04]

  Ómar,  platan með Emilönu er nr. 1 hjá Mogganum.  Steed Lord er ekki minni pakki en klárlega fín plata fyrir sína deild.

  Kári,  Celestine býður upp á þokkalega þungt rokk.  Sennilega það þyngsta rokk á íslenskum plötumarkaði.

  Siggi Lee,  nú man ég eftir plötunni.  Umslagið dúkkar alltaf upp á listum yfir kjánalegustu plötuumslögin. 

  Einar Bragi,  ég hef ekki heyrt plötuna í heild.  Bara 3 lög (fremur en 2) að ég held.  Það sem ég hef heyrt hljómar betur en lög með Stjórninni.  Hehehe!.  Maggi er í því að gleðja á jólunum.  Ómar er oft snilld.  En ég er ekki hugfanginn af öllu sem hann gerir.  Mér finnst hann stundum ofgera. 

[Jens Guð, 1.1.2009 kl. 02:09]

  Tommi,  platan með Esju kom út á þessu ári.  Á henni er sumt flott og ég er áhugasamur um allt sem Krummi gerir í músík.  En platan í heild er ekki alveg nógu sterk.  Samt fín plata.