Frábærlega fyndnar dýramyndir

  Þessar bráðfyndnu myndir skýra sig að mestu sjálfar.  Ég er samt ekki alveg að fatta þessa tvo svörtu hunda:  Hvers vegna er annar þeirra að bíta í skottið á hinum?  Og ofboðsleg viðbrögð þess hunds eru óvenjuleg í meira lagi.  Undarleg stelling hans ræðst af því að hinn hundurinn sleppir ekki skottinu.

  Það er sjaldgæft að dýr komi líðan sinni svona rækilega vel til skila með augnsvip og andlitsfettum.  Þessi kisi er greinilega afar ósáttur við veru sína í vatninu. 

  Snjallir hundar eiga þetta til:  Í stað þess að rölta 3 ferðir eftir jafn mörgum boltum þá sækja þeir alla boltana í einni ferð. 

  Kattarkonan er dæmi um fegrunaraðgerðir sem fara yfir strikið.  Mig minnir að þetta hafi byrjað með því að konan giftist lýtalækni.  Hún fékk hann til að gera eina og eina smálega aðgerð til að svipur yrði með henni og ketti hennar.  Svo skildu þau hjón en kella var komin á bragðið.  Hún hélt áfram að láta breyta andliti sínu í sömu átt.   

Athugasemdir

[Jens Sigurjónsson, 23.1.2009 kl. 03:49]

 skemmtilegar myndir hjá þér nafni.

[Jens Guð, 23.1.2009 kl. 13:48]

Takk fyrir það,  nafni. 

[Ari feiti (IP-tala skráð) 23.1.2009 kl. 14:37]

úff þessi kona er eins og vaxdúkka.... skyldi hún hafa tilfinningu í andlitinu :(

[Guðni Karl Harðarson, 23.1.2009 kl. 17:03]

Skemmtilegar myndir.

Þið getið rétt ímyndað ykkur að vera eins og vaxdúkka.

Ertu hættur að skoða Bloggið mitt?

[Sverrir Einarsson, 23.1.2009 kl. 17:05]

Kötturinn í vatninu er laaannngggg flottastur.

[Ómar Ingi, 23.1.2009 kl. 19:20]

Kisi kallinn að vanda sig að synda er afar hressandi

[Sveinn (IP-tala skráð) 23.1.2009 kl. 19:25]

Dýr eru æðislegir karakterar.

[Rebekka, 29.1.2009 kl. 18:30]

Flottar myndir, en ég hef grun um að myndin af kisa að synda sé fótósjopp.  Hann er allavega með grunsamlega þurran feld miðað við ólguna í vatninu .

[Íris (IP-tala skráð) 30.1.2009 kl. 16:40]

Hann hélt framhjá konunni. Þ.e.a.s kattarkonunni. Hann var mikill kattavinur og hún ákvað að breyta sér í kött til að fá hann til að elska sig aftur.

Æðislegar myndir samt af dýrunum!