Glæsilegt uppátæki og G!Festival

 

  Karlakórinn Fjallabræður - eða Fjallabröður eins og Færeyingar kalla þá - færði Færeyingum lag að gjöf núna fyrir helgi.  Lagið heitir  Minni Færeyinga.  Höfundur þess er  Halldór Gunnar Pálsson.  Textann orti  Ásgeir Andri Guðmundsson.  Færeyingar geta halað gjöfinni niður af http://media.internet.fo/Minni%20Faereyinga.mp3.  Íslendingar geta það líka.  Lagið er sömuleiðis í tónspilaranum mínum hér við hliðina.

  Með þessu vilja Fjallabræður sýna Færeyingum þakklæti fyrir góðvild og höfðingsskap gagnvart Íslendingum í áranna rás.  Flestir Fjallabræðra koma frá Flateyri.  Þar hafa þeir fyrir augum leikskóla sem Færeyingar gáfu þorpinu eftir að snjóflóð féll þar.  Sama gerðu Færeyingar eftir snjóflóð á Súðavík.  Færeyingar brugðust skjótt við neyð Vestmanneyinga í gosinu.  Þegar íslenska bankakerfið hrundi á haustdögum voru Færeyingar fyrstir þjóða til að rétta Íslendingum hjálparhönd.

  Færeyingar munu kynnast Fjallabræðrum ennþá betur í sumar.  Síðustu helgina í júlí skemmta Fjallabræður á stærstu árlegri tónlistarhátíð í Færeyjum,  G!Festivali.  Hausmyndin á þessu bloggi er frá G!Festivali.  Mig minnir að hljómleikasvæðið í Götu taki um 6000 gesti.  Það er alltaf uppselt löngu áður en hátíðin skellur á. 

  Það er æðislega gaman á G!Festivali.  Þar koma fram helstu færeysku hljómsveitirnar.  Í ár verða það meðal annars pönksveitin  200,  þunga þungarokkssveitin  SIC,  Lena Andersen Band  og  Boys in a Band.  Allar þessar hljómsveitir hafa spilað á Íslandi við góðar undirtektir.  Söngkonan  Annika Hoydal  kemur líka fram með hljómsveit á G!Festival.  Hún var forsöngvari  Harkaliðsins  sem naut mikilla vinsælda á Íslandi um 1970 fyrir lagið um Ólaf Riddararós.

  Færeyskum nöfnum á eftir að fjölga mikið á skrá G!Festivals þegar nær dregur.  Á G!Festivalinu er einnig ætíð slatti af hljómsveitum frá Danmörku,  Svíþjóð,  Noregi og Kanada. 

  Auk Fjallabræðra verður  Bloodgroup  fulltrúi Íslands á G!Festivalinu í sumar. 

  Hér er hægt að hlusta á fleiri lög með Fjallabræðrum:   

www.myspace.com/fjallabraedur

http://www.facebook.com/pages/Fjallabraeur/44072663616

Athugasemdir

[Ómar Ingi, 8.2.2009 kl. 21:52]

[Gunnar Kristinn Björgvinsson, 9.2.2009 kl. 13:16]

Skil ekki hvers vegna þeir vilja minni Færeyinga.... 

[Siggi Lee Lewis, 9.2.2009 kl. 17:34]

Hvað þýðir Faroe Ship? Færskip? Nei sá þetta á gám í dag....

[Jens Guð, 9.2.2009 kl. 23:47]

  Ómar,  takk fyrir innlitið.

  Gunnar,  Færeyingar eru að fitna eins og aðrar vestrænar þjóðir.  Við viljum minni Færeyinga.  Þeir hafa verið flottir og eiga að vera flottir.

  Siggi Lee,  er þetta ekki enska?  Færeyska skipafélagið?

[Ari (IP-tala skráð) 10.2.2009 kl. 02:36]

sá þetta í Degi & viku á föstudaginn held ég. Mjög flott framtak.

Í fréttaþættinum var einnig fyrsta frétt að færeyingar óttast undirboð íslenskra iðnaðarmanna

Hægt er að sjá Dag & Viku þættina hér: http://www.kringvarp.fo/index.asp?s=48&t=s&slag=1

[ari (IP-tala skráð) 11.2.2009 kl. 00:40]

“- Fyrr hava íslendingar barst ímóti náttúrukreftunum og náttúruvanlukkum. Nú skal vinnast á mannaelvdum kreftum og vanlukkum. Somu royndir hava vit í Føroyum. Tjóðirnar í Norðuratlansthavi mugu samstarva á jøvnum føti og ikki kappast um stuttskygdan vinnuligan og politiskan vinning"

Hetta segði Høgni Hoydal millum annað í røðu síni fyri Vinstra-grøna flokkinum, sum hildin varð í Reykjavík leygarkvøldið í sambandi við 10 ára hátíðarhaldið hjá systirflokki Tjóðveldisins.