Útvarpskona sem aðrir ættu að taka sér til fyrirmyndar

 

  Ein margra ágætra dagskrárgerðarmanna rásar 2 er Margrét Erla Maack.  Hún velur og kynnir músík í síðdegisþættinum Popplandi á virkum dögum og í kvöldþætti á fimmtudögum.  Margt má telja upp Margréti Erlu til ágætis sem dagskrárgerðarmanns.  Mestu munar þó um að hún talar um  krákur  í stað orðskrípa á borð við  kóverlög,  tökulög  og  ábreiður.  Þetta er til eftirbreytni.  Aðrir dagskrárgerðarmenn - og fjölmiðlamenn almennt - eiga að taka sér Margréti Erlu til fyrirmyndar. 

Athugasemdir

[Björn Jónsson, 3.3.2009 kl. 16:48]

Hjartanlega sammála þér.

Óli Palli hefur þarna einn besta útvarpsmann landsins í dag, auðvitað standa þeir fyrir sínu ,, GÖMLU " kapparnir í popplandinu en Erla Maack er hreint frábær.

Bloggin þín Jens Guð standa alltaf fyrir sínu takk fyrir.

[Björn Jónsson (IP-tala skráð) 3.3.2009 kl. 16:56]

Sammála nafna mínum hvað Erlu og þig varðar

[SKK (IP-tala skráð) 3.3.2009 kl. 18:44]

Kráka og krákur eru snjöll orð yfir það sem Enskurinn kallar "cover songs". 

[Þorsteinn Briem, 3.3.2009 kl. 18:46]

Margrét Erla er langbesti útvarpsmaðurinn á Íslandi hvað tónlist snertir.

Og með svo sexí rödd að ég fæ alltaf standpínu þegar ég heyri í henni.

Get ekki sagt það sama um Óla Palla.

[Ómar Ingi, 3.3.2009 kl. 19:20]

Jens minn guð minn góður hvað þetta var aum færsla hjá þér

En Erla er samt alveg ágæt

[Jens Guð, 3.3.2009 kl. 22:17]

  Björn Jónsson og Björn Jónsson,  hingað til hef ég ekki áttað mig á að þið séuð tveir sem "kommentið" undir sama nafni.  Þið eruð líka svo sammála.  En það er gott að vera búinn að gera sér grein fyrir því að þið eruð ekki sami maðurinn.  Héðan í frá þekki ég ykkur sundur á því að annar auðkennir sig með teiknimynd.

  SKK,  mikið rétt.

[Jens Guð, 3.3.2009 kl. 22:37]

  Steini,  þessi var góður

  Ómar,  færslan er nauða ómerkileg.  Erindið er hinsvegar brýnt.  Ég hef löngum kvartað undan því að fólk sé endalaust að vandræðast með ómöguleg orð yfir það þegar flytjandi tekur lag sem aðrir hafa samið og flutt áður.  Sumir tala um að  kóvera lög  og  kóverlög.  Aðrir tala um  tökulög  eða  ábreiður  en vantar þá sagnorð yfir fyrirbærið.

  Steini Briem stakk í fyrra upp á því að tala um  krákur  og  að kráka.  Það var mjög góð uppástunga.  Orðin hljóma líkt ensku orðinu  cover.   Þau gefa jafnframt vel til kynna hvað um er rætt.  Vísa til hermikrákunnar. 

  Ég tók uppástungu Steina fagnandi og hef hvatt fólk til að brúka þessi orð.  Það er byrjað að vinda upp á sig.  Núna síðast hefur www.glamur.blog.is tekið þetta upp.  Sérlegt fagnaðarefni er að Margrét Erla skuli einnig vera búin að tileinka sér það.

[Bubbi J. (IP-tala skráð) 4.3.2009 kl. 07:14]

Yfirleitt "kommenta" ég undir Bubbi J en mér fannst tilvalið að það kæmu tveir nafnar í röð þannig að ég notaði fullt nafn hér að ofan. En við nafnar erum klárlega ekki sami maðurinn svo það sé á hreinu. Hann er ekki ég og ég er ekki hann??!!!

[Jens Guð, 5.3.2009 kl. 00:59]

  Bubbi,  ég kveikti ekki að perunni að þú værir annar af ykkur tveim.  Takk fyrir að svipta hulu af því.

  Þetta rifjar upp þegar Guðmundur Hallvarðsson,  vinur minn og fyrrverandi þingmaður Sjálfstæðisflokksins,  varð fyrir því að alnafni hans,  tónlistarmaður,  fararstjóri og ljóðskáld fór að kveða sér hljóðs með blaðagreinum.  Sá síðarnefndi var á vinstri væng stjórnmála og gagnrýndi Sjálfstæðisflokkinn.

  Sá fyrrnefndi sendi þá frá sér yfirlýsingu sem var eitthvað á þennan veg:

  "Að gefnu tilefni vil ég taka fram að Guðmundur Hallvarðsson sem hefur verið að senda frá sér greinar undir nafninu Guðmundur Hallvarðsson er ekki ég.

  Virðingarfyllst,

  Guðmundur Hallvarðsson"

  Lengri og ítarlegri var sú yfirlýsing ekki.

[Jens Guð, 5.3.2009 kl. 01:07]

  Lesendur voru að sjálfsögðu engu nær.  Hinsvegar bættum við stuðningsmenn Guðmundar Hallvarðssonar alþingismanns Sjálfstæðisflokksins honum upp það sem á hallaði með því að mæta á kosningavöku hans með dauðapönkssveitina Gyllinæð sem flutti verkalýðsslagara á borð við "Working Class Hero" og "Power to the People" eftir John Lennon.  Gott ef "Stál & hnífur" flaut ekki með.  Það var mikið fjör,  heilmikið af bjór og Guðmundur Hallvarðsson flaug inn á þing.  

[Jens Guð, 5.3.2009 kl. 01:14]

  Eyjó,  ég var rosalega ánægður þegar þú tókst upp á því að skrifa um krákur.  Bestu þakkir fyrir það.  Mig rennir í grun um að Viðar þessi sem benti Margréti á kráku sé pabbi söngvara I Adapt,  Birkis Fjalars.  Hafi þau bæði kærar þakkir fyrir.

[Margrét Erla (IP-tala skráð) 5.3.2009 kl. 11:13]

Þakka falleg orð í minn garð Jens.

Hlustandinn hét Viðar og hafði fundið þetta orð á einhverjum af stjörnubloggum landsins.

Bestu kveðjur,

Margrét

[Jens Guð, 6.3.2009 kl. 00:06]

  Margrét,  Viðar hefur sennilega pikkað þetta upp af bloggsíðunni www.glamur.blog.is.  Mestu máli skiptir að þú hefur tekið þetta til greina.  Hafðu bestu þakkir fyrir.

[Berndsen (IP-tala skráð) 10.3.2009 kl. 10:14]

Hún er bara alvöru talent þessi blómarós

[Jens Guð, 10.3.2009 kl. 23:02]

  Berndsen,  ég kvitta undir það.