Umtalað myndband: Grunnskólakrakki veitist að rútubílstjóra

  Bloggheimur vestan hafs logar vegna þessa myndbands.  Á því sést grunnskólakrakki í Michigan í Bandaríkjunum ráðast á kvenbílstjóra skólarútunnar.  Aðdragandi árásarinnar heyrist og sést ekki nógu vel á myndbandinu.  Hann er sá að konan skipar dregnum að setjast.  Þegar hann hlýðir ekki ekur kerla út í kant og bremsar. 

  Strákurinn ber því við að konan hafi stofnað lífi hans í hættu með því að bremsa á meðan hann stóð.  Viðbrögð sín hafi verið þau sömu og annarra sem verða fyrir kaldrifjaðri morðtilraun:  Að snöggreiðast og berja frá sér. 

  Sumir hallast að því að strákurinn hafi gengið of langt í sínum ósjálfráðu varnaviðbrögðum.  Konan fingurbrotnaði og er blá og marin á höfði.  Auk þess var henni illa brugðið.  Hún hefur þekkt stráksa frá því hann var kornabarn.  Hann hefur aldrei áður ráðist á hana.  En er þekktur fyrir frekjulega framkomu og vera "wannabe gangsta" (langar að vera gangster).  Hann virðist þó hafa tapað allri ímynd sem harður nagli með því að ráðast á konuna.  Það er engin reisn yfir því.  Þvert á móti.  Uppátækið þykir sýna væskilslega og lágkúrulega framkomu. 

  Svo eru það sumir sem fullyrða að konan hafi ekki snögghemlað.  Alls ekki.  Hún hafi stöðvað bílinn á mýktinni.  Enn aðrir segja að það skipti engu máli.  Árás drengsins sé jafn óafsakanleg hvernig sem konan stöðvaði bílinn.

  Foreldrar drengsins hafa sagt í sjónvarpsviðtali að þeim þyki þetta leitt.  Þau óttast að litli strákurinn sinn fari í fangelsi ef konan heldur kæru til streitu.  Hann verður færður fyrir dómara 3. apríl.

Athugasemdir

[Björn Jónsson, 7.3.2009 kl. 22:29]

Þetta er ljótt að sjá, því miður held ég að hægt væri að sýna svonalagað frá fleiri löndum ef allstaðar væru svona myndavélar.

[doddý, 7.3.2009 kl. 23:29]

ja hérna - ég heyri ekki betur en krakkaasnanum sé minnst 10 sinnum sagt að setjast áður en hann trylltist. þennan þarf að rassskella og foreldrana líka. kv d

[Róbert Björnsson, 7.3.2009 kl. 23:51]

Viss um að þetta sé ekki á Selfossi?    Samkvæmt fréttum ku þetta reyndar vera í 6. skiptið sem þessi 16 ára piltur er kærður fyrir líkamsárás og þaraf í fjórða skiptið sem hann ræðst á konu.  Foreldrarnir bera við geðröskunum sem er nokkuð augljóst.

[Jens Guð, 8.3.2009 kl. 00:11]

  Björn,  svona gerist víða um heim.  Kannski ekki alveg eins.  En eitthvað í þessa veru.  Fyrir 2 árum fékk kona í Hafnarfirði dóm fyrir að ráðast á strætóbílstjóra.  Hún keyrði á ólöglegum hraða eftir einni götu bæjarins þegar strætóinn ók út frá stoppustöð þannig að kerla þurfti að hægja á bíl sínum.  Hún elti strætóinn og stökk upp í hann á næstu stoppustöð.  Þar réðist hún með barsmíðum á strætóbílstjórann.  Honum til happs varð að hann var stór og stæðilegur en konan nett.  Honum var því létt verk að pakka kerlu saman og henda út úr vagninum.  Myndbandsupptaka hefði komið sér vel.  En var ekki bráðnauðsynleg því farþegi vitnaði um atburðinn og var samstíga bílstjóranum um málavexti.

  Doddý,  það eru kannski góða hliðin á þessu máli að strákurinn verður tekinn úr umferð um stundarsakir.

  Róbert,  það er hvíld frá fréttum af ofbeldi og einelti á Selfossi að fá fréttir frá öðrum stöðum á jarðkringlunni.  Mér skilst að strákurinn í Michigan hafi fyrst verið kærður fyrir ofbeldi þegar hann var 9 eða 10 ára.  Já,  og einmitt í flestum tilfellum réðist hann á kvenfólk.  Sumir hafa rakið árás stráksa á kvenbílstjórans til þess að fyrirmynd hans (idol), frægur söngvari gekk fyrir nokkrum dögum í skrokk á kærustu sinni,  sem er fræg söngkona.  Mér virðist af ferilsskrá drengsins að vandamálið sé djúpstæðara. 

[Hannes, 8.3.2009 kl. 00:31]

Ég verð nú að segja að þessi strákur hefði gott af því að kynnast fullorðinsfangelsi innanfrá því að hann er að stefna þangað með sinni hegðun.

[Jóna Kolbrún Garðarsdóttir, 8.3.2009 kl. 01:16]

Þetta myndband er alveg ógeðslegt, drengurinn er gjörsamlega sturlaður. 

[Jens Guð, 8.3.2009 kl. 01:47]

  Hannes,  umræðan vestan hafs snýst að hluta um vangaveltur varðandi hvort hægt verði að dæma strákinn í fullorðinsfangelsi.  Hann er víst alveg á óljósum mörkum (16 ára).  Mér skilst að það velti á því hvernig mál hans verður afgreitt hvoru megin við línuna málið fellur.  Hann er næstum því of gamall fyrir unglingafangelsi en dansar á línunni.  Af bloggum vestan hafs má ráða að ef hann lendir í fullorðinsfangelsi verði hann umsvifalaust skilgreindur það sem er kallað "tík".  Sem er að sögn ekkert gaman og fjarri því hlutverki sem "wannabe gangsta" vill lenda í.

  Jóna,  það hefur vakið athygli að tveir skólafélagar drengsins reyna að hemja hann.  En drengurinn virðist hafa einbeittan vilja til að berja konuna.

[Kristján Sigurður Kristjánsson, 8.3.2009 kl. 10:34]

Það sem er kostulegt er hve strákurinn er grannur.

[Ari (IP-tala skráð) 8.3.2009 kl. 12:31]

Já þetta er ungt og leikur sér.

[Hannes, 8.3.2009 kl. 13:25]

Ég held að hann hefði gott af því að verða tík einhvers því að það myndi örugglega vera góður skóli og fá hann til að hugsa sinn gang allhressilega.

[eir@si, 8.3.2009 kl. 15:54]

Vá, ég hafði ekki geð í mér til að horfa á þetta allt.  Foreldrar hans óttast að hann verði sendur í fangelsi.  Ég óttast að svona fólk skuli ganga laust án þess að nokkuð sé gert í málinu, hvort sem fangelsi sé endilega rétta lausnin.  Líklega var heppni miðað við bandarískt þjóðfélag að strákurinn var ekki vopnaður!

[Jens Guð, 8.3.2009 kl. 21:49]

  Kristján,  strákurinn er nettur.  Það sést best þegar skólafélagar hans koma til skjalanna.  Það varð konunni til bjargar að strákurinn er ekki höggþungur.

  Ari,  lítið er ungbarns gaman. 

[Jens Guð, 8.3.2009 kl. 22:04]

  Hannes,  ef stráksi verður dæmdur í fangelsi er vonandi að dvölin verði honum betrunarvist.  Einhverra hluta vegna hef ég samt grun um að stráksi þurfi einhverja allt aðra meðferð til að hrökkva í lag.  Hef samt ekki hugmynd um hver hún ætti að vera.

  Tryggvi,  þegar rennt er yfir umræðuna á bloggi vestan hafs eru ekki margir (engir reyndar sem ég hef séð) er verja árás stráksins.  Hinsvegar eru margir sem deila hart á konuna.  Lýsa henni sem óhæfum ökumanni og gera mikið úr því að hún hafi átt að stöðva bílinn um leið og drengurinn stóð upp.  Það sé bannað með lögum að keyra skólabílinn á meðan einhver stendur.  Ef konan geti ekki varið sig fyrir grunnskólakrakka sé hún óhæf í starfið.  Það megi alltaf búast við eitthverju þessu líkt og bílstjórinn verði að vera hæfur til að ráða við aðstæður.   

[Jens Guð, 8.3.2009 kl. 22:08]

  eir@si,  mér skilst að í þeim skóla sem drengurinn sækir sé vopnaburður nemenda bannaður.  Að vísu var stráksi þarna á leið í skólann.  En eftir því sem næst verður komist var árásin ekki undirbúinn heldur braust fram vegna óvæntra aðstæðna.

[Hannes, 8.3.2009 kl. 22:11]

Jens fangelsi hefur 2 hlutverk að bæta menn og að halda hættulegum einstaklingum frá almennum borgurum og báðar ástæðurnar eiga við í hans tilfelli.