Landsþing Frjálslynda flokksins varið af lögreglu

 

   Það bar til tíðinda á Landsþingi Frjálslynda flokksins - sem var haldið á Hótel Stykkishólmi - að skyndilega birtist her lögreglumanna í fullum skrúða.  Yfir mig helltust minningar úr sjónvarpsfréttum og ég bjóst við að á næstu sekúndum yrði öskrað:  "Gas! Gas!";  með tilheyrandi piparúða,  kylfum á lofti og handjárnum.

  Ekkert slíkt gerðist.  Lögreglumenn upplýstu okkur á hinn bóginn um að boðuð hafi verið mótmælastaða við hótelið.  Dreifibréf hafði verið sent í hvert hús í Stykkishólmi og nágrenni.  Þar var tilkynnt að rasistaþing yrði haldið á Hótel Stykkishólmi um helgina.  Snæfellingar voru hvattir til að mæta í mótmælastöðu fyrir utan hótelið.  Dreifibréfið var skreytt mynd af hakakrossinum í skástrikuðu bannmerki. 

  Snæfellingar almennt eru það vel upplýstir - eins og aðrir landsmenn - að þeir vita að Frjálslyndi flokkurinn er ekki rasistaflokkur.  Það er auðvelt að fletta afstöðu FF til innflytjenda upp á www.xf.is.  Boðuð mótmælastaða varð þess vegna jafn fjölmenn og blysförin að heimili Jóhönnu Sigurðardóttur á dögunum. 

Athugasemdir

[Jóna Kolbrún Garðarsdóttir, 18.3.2009 kl. 00:26]

[Hannes, 18.3.2009 kl. 01:38]

hahahahaha hvaða spaugara ætli hafi dottið þetta í hug.

[Einar B Bragason , 18.3.2009 kl. 08:17]

Góðir grínkarlar hehe !

[Stefán (IP-tala skráð) 18.3.2009 kl. 14:43]

Ef Frjálslyndi Flokkurinn vill láta taka sig alvarlega, þá þurfa talsmenn flokksins að beina öllum sínum kröftum og málflutningi gegn messtu meinsemd Íslands í dag, þ.e.s. Sjálfstæðisflokknum. Ef ekki, þá geta flokksmenn FF bara unað glaðir við sitt 2-3 % fylgi. 

[Ómar Ingi, 18.3.2009 kl. 19:05]

[conwoy (IP-tala skráð) 18.3.2009 kl. 19:35]

Hm ? Nú er það alvitað að vissar erlendar konur koma hér til lands að selja blíðu sína og koma með dóp í leiðinni . og einnig ber á þjóðerni hérlendis  sem rænir og ruplar hlutfallslega meira en önnur þjóðerni . Er það rasismi að reyna að losna við svona ófögnuð ?

[Fimmta valdið (IP-tala skráð) 19.3.2009 kl. 08:10]

Magnað hreint. Löggan fréttir að einhver hrekkjusvín plani að gera klúbbstarfi ama á sveitahóteli og flykkist þangað af sjálfsdáðum til að halda uppi góðri reglu. Er Björn Mikaelsson að reka hótelið frá varðstofunni eða hvað? Oft er nú löggan tregari en þetta til dáða þótt meira liggi við.

[conwoy (IP-tala skráð) 20.3.2009 kl. 17:03]

http://www.visir.is/article/20090319/FRETTIR01/781733639