Skúbb! Framboðslisti í Reykjavík norður

 

   Ég var að koma af fjörlegum félagsfundi kjördæmafélags Frjálslynda flokksins í Reykjavík norður.  Mæting var góð.  Eða næstum hálft hundrað manna.  Eftir snarpar umræður og mótframboð var framboðslistinn sem stjórn kjördæmafélagsins lagði fram samþykktur.  Ég ætlaði ekki að fara nánar út í það en sé að þetta er komið fram á www.xf.is:  Að Viðar Helgi Guðjónssen,  formaður LUF,  bauð sig fram í 1. sæti gegn Karli V.  Matthíassyni.  Framboðslistinn sem var samþykktur er eins og að neðan greinir.  Karl V.  Matthíasson þarf ekki að kynna.  Helga er vinsæll kennari og systir Sigurjóns Þórðarsonar sem í prófkjöri var kosinn í 2.  sæti í NV kjördæmi og var farsæll þingmaður FF á þarsíðasta kjörtímabili.  Karl Sigurðsson og Margrét Kristín Þorgrímsdóttir eru fulltrúar ungu kynslóðarinnar.  Karl Sigurðsson sá um margra ára skeið um vinsæla útvarpsþætti á Útvarpi Suðurlands og á rás 2,  Ungmennafélagið  og fleiri slíka þætti.  Tók einnig þátt í dagskrárgerð sjónvarpsþátta á borð við 0. Samdi leikrit sem var fært upp af MS og naut vinsælda.  Þannig mætti áfram telja upp afrek þessa 20 ára drengs. 

1   Karl V.  Matthíasson,  þingmaður (www.kallimatt.blog.is)

2   Helga Þórðardóttir,  kennari (www.helgatho.blog.is)

3   Karl Sigurðsson,  forseti nemendafélags MS

4   Margrét Kristín Þorgrímsdóttir,  barnshafandi

5   Hallgrímur Magnússon,  læknir

6   Diana P Rostan Viurrarena frá Úrúgvæ

7   Árni Grétar Jóhannsson,  tónlistarmaður frá Tálknafirði.  Var í hinni mögnuðu teknópönkhljómsveit Equal

8   Matthías Leifsson

9   Reynir Gunnarsson

10 Inga Valdís Heimisdóttir

11 Daníel Ívar Jensson,  gítarleikari Gyllinæðar (sjá tónlistann hér til vinstri)

12 Ásdís Sigurðardóttir

13 Erlingur Þorsteinsson

14 Jóhann Sigfússon,  formaður félags leigubílstjóra

15 Guðlaug Þorkelsdóttir

16 Reynir Árnason

17 Róbert Bjargarson

18 Jens Guð

19 Laufey E. S. Þorsteinsdóttir

20 Gunnar Hólm Hjálmarsson

21 Laufey Kristjánsdóttir

22 Kjartan Halldórsson,  sægreifi

Athugasemdir

[Magnús Geir Guðmundsson, 31.3.2009 kl. 22:42]

18?

Þetta "Skúbb" er nánast áfall fyrir mig og væntingar mínar um pólitíska sigurför pönksins í samfloti með guðsorðamanninum!

[Ómar Ingi, 31.3.2009 kl. 22:51]

18 sæti  hummmm

[Steingrímur Helgason, 31.3.2009 kl. 23:01]

Jenz átjándi, baráttusætið ?

[Jens Guð, 31.3.2009 kl. 23:04]

  Maggi,  eftir að Karl V.  Matthíasson kom til sögu og féllst á að leiða listann sá ég enga ástæðu til að láta undan gífurlegum þrýstingi um að ég myndi taka 1.  sætið.  Karl er frábær náungi.  Ég geri að næstum því að mínum þau orð sem Helga Þórðardóttir lét falla á fundinum:

  "Síðustu 2 vikur hef ég unnið mikið og náið með Karli.  Ég hef ekki áður unnið með jafn þægilegum manni og manni sem hefur eins góða nærveru."

  Fulltrúar pönksins á listanum eru áberandi:  Árni Grétar,  Daníel Ívar og gamli maðurinn í 18.  sæti.  Á kosningaskrifstofunni mun hljóma í bland við íslenskt pönk lög með Atari Teenage Riot,  Sex Pistols,  The Clash og The Ramones. 

[Jens Guð, 31.3.2009 kl. 23:10]

  Ómar,  sem stjórnarmaður kjördæmafélagsins og þar af leiðandi þátttakandi í að stilla upp á lista þótti mér við hæfi að vera neðarlega á listanum - þrátt fyrir rosalega mikinn þrýsting um að vera í efstu sætum.  Ég hefði einfaldlega verið óhæfur og þurft að segja mig frá skemmtilegri vinnu við að raða á listann ef ég hefði fallist á að vera í efstu sætum.

[Jens Guð, 31.3.2009 kl. 23:12]

  Steingrímur,  já,  ég féllst á að skipa baráttusætið.  Nú er bara að bretta upp ermar og búa sig undir varaþingmannssætið.

[Gunnsi (IP-tala skráð) 31.3.2009 kl. 23:21]

Með fullri virðingu, þýðir ekki "hálft hundrað manna" sirka fimmtíu? Og það eru 22 á listanum sem þið samþykktuð? Endaði sirka annar hver maður sem mætti á lista?

Anyway, til hamingju með að hafa gengið frá listanum, hversu óþarflega langur sem hann kann að vera :)

[Gunnsi (IP-tala skráð) 31.3.2009 kl. 23:22]

p.s. hefði kosið ykkur ef Sægreifinn væri í fyrsta :)

[Jens Guð, 1.4.2009 kl. 00:10]

  Gunnsi,  mér taldist til að 47 hafi verið á fundinum.  Þeir sem tóku sæti á listanum eru ekki allir í kjördæmi RN.  Til að mynda hvorki Karl V.  Matthíasson né Helga Þórðardóttir.  Þau greiddu því ekki atkvæði.  32 voru atkvæðabær.  Fæstir á framboðslistanum voru á fundinum.  Kannski þriðjungur eða svo. 

  Það var og er ekki okkar að ákvarða neitt með lengd listans.  Landslög kveða á um að framboðslisti telji 22. 

[Jens Guð, 1.4.2009 kl. 00:13]

  Sægreifinn gaf ekki kost á sér í annað sæti en 22.  Sá höfðingi ætlar sér ekki stærra pláss á listanum.  Vissulega hefði samt verið gaman að stilla honum upp mun ofar.

[Jens Guð, 1.4.2009 kl. 00:14]

  Gunnsi,  þér er samt velkomið að sýna Sægreifanum samstöðu og virðingu með því að kjósa XF.

[Jón Halldór Guðmundsson, 1.4.2009 kl. 08:24]

Til hamingju með þetta. Flottur listi og gaman að sjá sterk kratísk áhrif í þessum flokki sem maður óttaðist að væri að leiðast út í útlendingahatur á tímaboili.

[Ásthildur Cesil Þórðardóttir, 1.4.2009 kl. 08:46]

Til hamingju með þennan flotta lista.

[Þorsteinn Briem, 1.4.2009 kl. 13:12]

Þetta er greinilega fléttulisti, karl í fyrsta og þriðja sæti.

[Guðrún Þóra Hjaltadóttir, 1.4.2009 kl. 15:57]

Glásin öll af nýju og frambærilegu fólki á listanum. Spennandi. Hvar ætlið þið svo að hafa skrifstofuna svo maður geti tekið þátt í gleðinni ?

[ThoR-E, 1.4.2009 kl. 16:07]

Viðar Helgi Guðjohnsen hefur unnið í nokkur af af heilindum fyrir flokkinn, í miðstjórn og formaður Ungra Frjálslyndra.

Hvernig stendur á því að þið takið þennan aflóga stjórnmálamann sem var hafnað í eigin flokk framfyrir t.d Viðar .. 

Þetta finnst mér ámælisvert.

Þetta er samt ekki í fyrsta skiptið sem svona vinnubrögð eiga sér stað í flokknum. Jón Magnússon og Kristinn H. Gunnarsson.. bara dæmi. Hvernig kom það út fyrir flokkinn???

Ég bara á ekki orð!

[Guðrún Þóra Hjaltadóttir, 1.4.2009 kl. 17:35]

Viðar er fínn strákur, en ég held að flokkurinn hafi ekki haft þing mann inni í Reykjavík AceR, fyrr en Jón Magnússon kom þangað. Svo alslæmt var það ekki.

[ThoR-E, 1.4.2009 kl. 17:49]

Erum við með þingmann í Reykjavík núna ??

Ekki vissi ég það :)

[Guðrún Þóra Hjaltadóttir, 1.4.2009 kl. 18:06]

Jú við fengum þingmann inn sem gafst upp á flokknum.

[Rannveig H, 1.4.2009 kl. 18:15]

Hörkulisti þetta og spennandi að fylgjast með. Er ekki komin hefð á að fá menn úr öðrum flokkum á listann (hefðarfólk) Kalli Matt er fínn ekki bara skemmtilegur svo er hann ágætur músíkkant.

[Guðrún Þóra Hjaltadóttir, 1.4.2009 kl. 18:20]

Það er jú einmitt það sem vantar við Austurvöllinn, góðan músikkant.

[ThoR-E, 1.4.2009 kl. 19:58]

Akkúrat Guðrún .. hann "gafst upp" á flokknum og tók þingsætið sitt sem KJÓSNDUR Frjálslyndaflokksins kusu hann í ... og fór í Sjálfstæðisflokkinn.

Er eitthvað í þessu dæmi gott fyrir Frjálslyndaflokkinn.

Gerum ekki sömu mistök aftur!

[Guðrún Þóra Hjaltadóttir, 1.4.2009 kl. 20:18]

Svona gerir fólk ekki, ég er alveg sammála þér AceR. Þetta er siðlaust, ekki spurning, en flokkurinn hafði þingmann í Rvík í nokkurn tíma. Það þarf að leggja mikið á sig til að ná inn manni í Reykjavík.

Listnn hér að ofan er svo fínn, þeim gæti tekist það.

[ThoR-E, 1.4.2009 kl. 20:23]

Vonum það besta :)

[Rögnvaldur Þór Óskarsson, 1.4.2009 kl. 21:05]

Það er áhættusamt að stóla á flokkaflakkara, það hefur sýnt sig margoft að þeim er ekki treystandi. AceR hefur rétt fyrir sér í því. Góður músíkant og grínari við Austurvöll er nú alltaf nauðsynlegur, þarf ekki endilega að vera þingmaður.

Gárungarnir segja að Samfó hafi sent Karl yfir í Frjálslynda til að jarða flokkinn, en það er nú bara illgirni.

[Jens Guð, 1.4.2009 kl. 22:32]

  Jón Halldór,  sögur af meintu útlendingahatri Frjálslynda flokksins voru og eru stórlega ýktar og eiga í raun ekki við rök að styðjast.  Nægir að benda á stefnuskrána á www.xf.is.  Þar koma viðhorf okkar til útlendinga betur fram en margt annað í umræðunni.  Sjálfur er ég mesti anti-rasisti sem ég þekki.  Það sem ruglaði marga í ríminu var grein sem Jón Magnússon,  núverandi og fyrrverandi þingmaður Sjálfstæðisflokksins,  skrifaði áður en hann gekk í FF.  Fyrirsögnin var "Ísland fyrir Íslendinga".

  Við í FF höfum kallað stefnu okkar "mannúðlega markaðshyggju".  Þar leggjum við áherslu á að staðið sé vörð um félagslega öryggisnetið samtímis því sem einstaklingsframtakið fái að njóta sín.  Það er mér alveg að skapi að skilgreina þetta viðhorf sem kratískt.  Við höfnum algjörlega hinni samviskulausu frjálshyggju sem olli efnahagshruninu.    

[Jens Guð, 1.4.2009 kl. 22:37]

  Ásthildur,  takk fyrir það.  Þetta er sterkur listi.  Við í stjórn kjördæmafélags FF í RN erum stolt af mannvalinu á listanum.

[Jens Guð, 1.4.2009 kl. 22:41]

  Steini,  það er flott að þú tókst eftir því:  Við vorum ákveðin í að Karl yrði í öðru hverju sæti í 4 efstu sætum.  Og báðir frábærir.

[Jens Guð, 1.4.2009 kl. 22:44]

  Guðrún Þóra,  kosningaskrifstofa okkar verður bæði í Skúlatúni 4 og í Sægreifanum.  Láttu endilega sjá þig á báðum stöðum. 

[Jens Guð, 1.4.2009 kl. 22:59]

  Ace,  eins og þetta snýr að mér heyrði ég lengst af talað um að Viðar Helgi færi á framboðslista fyrir Reykjavík suður.  Þar var hans kjördæmi og við í kjördæmafélagi RN ekkert að skipta okkur af því.  Þess í stað einhentum við okkur í að finna frambærilegt fólk í efstu sæti okkar framboðslista.  Við náðum heppilegri niðurstöðu með þeirri uppstillingu sem var samþykkt á opnum fundi í gær.  Fyrir fundinn í gær hafði ég einungis þær upplýsingar að Viðar Helgi myndi ekki sækjast eftir 1. sæti,  hvorki í RS né RN.  Framboð hans til 1. sætis í RN kom mér og fleirum í opna skjöldu.  Við í stjórn kjördæmafélags RN vorum þá búin að leggja fram lista sem við vorum mjög ánægð með. 

[Jens Guð, 1.4.2009 kl. 23:09]

  Guðrún Þóra,  ég hef aldrei annað en stutt ungliða FF.  En ég gat ekki annað en kosið með þeim framboðslista sem við í kjördæmafélagi FF höfðum varið miklum tíma í að setja saman og erum stolt af.  Ég sé ekki fyrir mér hver staðan hefði orðið,  núna þegar allt er að lenda í tímahrak,  að kúvenda frá þeim lista korteri fyrir kosningar.

[Guðrún Þóra Hjaltadóttir, 1.4.2009 kl. 23:10]

Ég kem örugglega á Sægreifann, það geri ég oft og fæ mér súpu eða fisk. Ég verð aldrei fyrir vonbrigðum þar.

[Jens Guð, 1.4.2009 kl. 23:30]

  Rannveig,  Kalli Matt er frábær.  Ég vissi ekki að hann sé einnig músíkant.  Það er óvæntur bónus.

[Jens Guð, 1.4.2009 kl. 23:45]

  Ace og Guðrún Þóra,  Kalli Matt er búinn að lýsa því yfir að hann muni ekki yfirgefa FF hvernig sem mál þróast.

  Svokallað flokkaflakk þarf ekki að vera neikvætt.  Ég ætla að flest okkar hafi kosið fleiri en einum flokk og mörg okkar verið flokksbundin í fleiri einum flokki.  Guðjón Arnar var í Sjálfstæðisflokknum áður en hann gekk til liðs við okkur.  Illugi Gunnarsson var í Alþýðubandalaginu áður en hann gekk til liðs við Sjálfstæðisflokkinn.  Bara svo dæmi séu nefnd. 

  Það er frekar að vara þurfi að hafa á mönnum sem ganga ítrekað á milli flokka.  Dæmi:  Kristinn H.  Gunnarsson var í Alþýðubandalagi,  síðan Framsóknarflokknum,  þá í FF og núna síðast aftur í Framsóknarflokknum.  Hann hefur hótað því að koma aftur til leiks og hefur þegar bankað upp hjá Sjálfstæðisflokknum,  VG og L-lista Bjarna Harðar.

[Jens Guð, 1.4.2009 kl. 23:58]

  Ace,  ég vil bæta við nokkrum orðum um Karl V.  Matthíasson.  Hann hefur í 10 ár verið þingmaður Samfylkingar.  Fyrstu 2 ár sem varaþingmaður.  Allan hans þingmannsferil hefur hann verið á skjön við áherslur Samfylkingar í sjávarútvegsmálum og einbeittum vilja til inngöngu í Evrópusambandið.  Hann hefur oftar en ekki fylgt FF að málum.  Fyrir það var honum refsað í prófkjöri SF.  Þó ekki meir en svo að hann hefði átt möguleika á að endurnýja þingsæti sitt eða vera varaþingmaður (5. sæti).  Hann hefur hinsvegar metið stöðuna þannig að hans baráttu gegn kvótakerfinu hafi verið hafnað innan SF og þess vegna gekk hann til liðs við okkur.  Svo einfalt er það.

[Jens Guð, 2.4.2009 kl. 00:09]

  Rögnvaldur,  ég hef heyrt þennan brandara um að KVM sé mættur til leiks til að kasta rekum á FF.  Þar er lagt út af að KVM er prestur ríkiskirkjunnar.  Sjálfur er ég í Ásatrúarfélaginu.  Kalli hefur alveg húmor fyrir glensi.  Er reyndar frábær húmoristi og frábær náungi.  Þetta hefur lítið með flokkaflakk að gera.  Þegar við í kjördæmafélagi FF í RN ræddum við frambjóðendur kom í ljós að flestir eiga fortíð í öðrum flokkum.  Það á einnig við um þingmenn og forystumenn flokksins frá upphafi tilurðar flokksins alveg frá stofnun.  Frá því flokkurinn varð til upp úr Samtökum um þjóðareign.  Nægir að benda á Sverri Hermannson sem kom úr Sjálfstæðisflokknum,  sem og Guðjón Arnar er einnig kom úr Sjálfstæðisflokknum.

[Jens Guð, 2.4.2009 kl. 00:12]

  Smá klúður:  Hermannsson skal það vera.

[Jens Guð, 2.4.2009 kl. 00:16]

  Guðrún Þóra,  sjáumst á Sægreifanum.

[ThoR-E, 2.4.2009 kl. 12:09]

Ok Jens. Ég vona að þú hafir rétt fyrir þér. Ég tók Viðar svo sem bara sem dæmi, spurningin var hvort ekki var í þessu kjördæmi aðrir sem hefðu getað verið settir í 1. sæti listans. Kannski einhver sem hefur starfað fyrir FF í einhvern tíma .. og unnið fyrir sæti sínu.

Þrátt fyrir það ....   FF hafa minn stuðning 100% í þessari kosningabaráttu og komandi kosningum, legg meira að segja fram starfskrafta mína í kosningaskrifstofunni á Akranesi (NV).

kveðja

[Rögnvaldur Þór Óskarsson, 2.4.2009 kl. 21:50]

Jens, við erum þá í sama trúfélagi, það hlaut að vera, þú ert eitthvað svo viðkunnarlegur náungi, hef þetta á tilfinnungunni þó svo ég hafi aldrei séð þig.

Sverrir og Addakittagau yfigáfu sinn flokk á allt öðrum og heiðarlegri forsendum en klerkurinn. Allir virða skipstjórann og líkar vel við hann, enda traustur maður.

[Jens Guð, 3.4.2009 kl. 00:00]

  Ace,  við skoðuðum ýmis nöfn varðandi efstu sæti framboðslista kjördæmafélags RN.  Við vildum ekki togast á við önnur kjördæmafélög á höfuðborgarsvæðinu um þá sem þar komu til greina í efstu sæti.  Þess í stað vildum við raða í efstu sæti hjá okkur í samráði við hin kjördæmafélögin.  Leyfðum þeim í raun að afgreiða sína framboðslista á undan okkur í RN. 

  Ef þú skoðar framboðslista okkar þá ætla ég að þú getir verið sammála okkur um að vel hafi tekist til í niðurröðun á efstu sætum. 

  Viðar Helgi sagði mér nokkrum dögum fyrir kjördæmafélagsfundinn að hann hafi fallið frá kröfu um 1. sæti í RS og RN vegna atburðarrásar sem ég ætla ekki að fara nánar út í.  Hann var sömuleiðis búinn að gefa út yfirlýsingu á bloggi sínu um það.   Ég tók þátt í uppröðun á þeim lista sem við í stjórninni lögðum fram út frá þeim upplýsingum.  Ef ég hefði vitað um önnur áform Viðars Helga í tæka tíð fyrir fundinn hefði ég alveg verið til í að taka þau til skoðunar.  Framboð hans til 1.  sætis var óvænt og kom okkur í stjórninni í opna skjöldu.  Við höfðum ekkert svigrúm til að bregðast við því öðru vísi en halda okkur við þann framboðslista sem við höfðum þegar lagt fram.  Hafa ber í huga að við erum á síðustu stundu að afgreiða framboðslista okkar. 

  Ég tel mig ekki vera að bregðast trúnaði þó ég upplýsi að nokkrir aðilar funduðu með okkur í stjórn kjördæmafélags RN og settu fram kröfu um að vera í 1. sæti.  Þeir áttu það sameiginlegt að hafa verið skemur í FF en Karl V.  Matthíasson.  Einn kom úr Sjálfstæðisflokknum,  annar úr Íslandshreyfingunni o.s.frv. Við töldum KVM vera vænlegasta kost.  Og góðan kost.  Helga Þórðar og Karl Sigurðsson,  sem hafa langa fortíð í FF,  gáfu ekki kost á sér í 1.  sæti né aðrir sem neðar eru á listanum.

[Jens Guð, 3.4.2009 kl. 00:15]

  Rögnvaldur,  án þess að gera lítið úr Sverri eða Adda Kidda Gau þá komu þeir til liðs við okkar í kjölfar atburðarrásar sem er ekkert frábrugðin ferilsskrá KVM.  Sverrir lenti upp á kant við forystu Sjálfstæðisflokksins og var eiginlega sparkað úr Sjálfstæðisflokknum.  Guðjón Arnar féll í prófkjöri sama flokks.  Einmitt vegna andstöðu við kvótakerfið.

  KVM hefði alveg getað haldið þingsæti fyrir Samfylkingu þrátt fyrir að lenda í 5. sæti í prófkjöri.  En hann mat dæmið þannig að baráttu hans gegn kvótakerfinu hafi verið hafnað og áhugaleysi hans fyrir inngöngu Íslands í Evrópusambandið.  Það voru forystumenn í FF og þingmenn sem hvöttu hann til að ganga til liðs við okkur.  Það var ekki hann sem sóttist eftir því.  Við skulum halda því til haga.

  Ég er ekkert sérstaklega viðkunnalegur náungi.  En einhverra hluta vegna fara í mörgum tilfellum saman viðhorf ásatrúarmanna og FF.  Ég fullyrði að hlutfall ásatrúarmanna sem styðja FF sé hærra en þverskurður af landsmönnum.