Pönkveisla ársins

 

   Það verður ekkert smá gaman á laugardagskvöldið,  4ða apríl.  Klukkan 22:00 hefst pönkveisla ársins á Grandrokk.  Vænn kjarni úr mörgum helstu pönksveitum áranna um og upp úr 1980 sameinast um að flytja mögnuðustu pönkperlur áranna 1976 - 1979.   Meðal þeirra sem leggja hönd á plóg eru liðsmenn Fræbbblanna,  Q4U,  Taugadeildarinnar,  Tappa tíkarrass,  Snillinganna og fleiri hljómsveita.

  Breidd á lagavali spannar allt frá Crass til Blondie og sitthvað sem var áberandi hluti af pönkstemmningunni án þess að vera beinlínis pönk.  En hryggjalengjan verður sígildu pönkslagararnir.

  Svona pönkhátíð var haldin á Grand Rokk fyrir ári.  Hún tókst rosalega vel og var gífurlega mikil skemmtun.  Lagalistinn nú er ekki alveg sá sami og í fyrra.  En lofar magnaðri dagskrá.  Sjá:


Anarchy In The UK - Sex Pistols
Police And Thieves - Clash
So What? - Crass
Gotta Getaway - Stiff Little Fingers
Sheena Is A Punk Rocker - Ramones
Barbed Wire Love - Stiff Little Fingers
EMI - Sex Pistols
Into The Valley - Skids
New Rose - Damned
Sex & Drugs & Rock & Roll - Ian Dury
Sound Of The Suburb - Members
Alternative Ulster - Stiff Little Fingers
What Do I Get? - Buzzcocks
I'm So Bored With The USA - Clash
Suspect Device - Stiff Little Fingers
Public Image - PiL
Johnny Was - Stiff Little Fingers
Ever Fallen In Love - Buzzcocks
Holidays In The Sun - Sex Pistols
Denis - Blondie
Pretty Vacant - Sex Pistols
A Bomb In Wardour Street - Jam
My Perfect Cousin - Undertones
Safe European Home - Clash
Get Over You - Undertones
Swallow My Pride - Ramones
White Man In Hammersmith Palais - Clash
Watching The Detectives - Elvis Costello
Spanish Bombs - Clash
The KKK Took My Baby Away - Ramones
Radio Radio - Elvis Costello
No More Heroes - Stranglers
Teenage Kicks - Undertones
Down In The Tube Station At Midnight - Jam
Real World - Buzzcocks
Marquee Moon - Television
Five Minutes - Stranglers
Roots, Radicals, Rockers And Reggae - Stiff Little Fingers
Get A Grip On Yourself - Stranglers
In The City - Jam
White Riot - Clash
God Save The Queen - Sex Pistols
Rockaway Beach - Ramones
Janie Jones - Clash
Blitzkrieg Bop - Ramones
If The Kids Are United - Sham 69

  Svo sérkennilega vill til að þetta sama kvöld rifjar diskópakkið upp diskótímabilið eins og það var í Hollywood í Ármúla.  Tilviljun? 

Athugasemdir

[Lissy (IP-tala skráð) 2.4.2009 kl. 21:03]

A bunch of my brother's favorite songs in there - wish he could make it!

[Jens Guð, 2.4.2009 kl. 21:10]

Lissy,  I hope he can make it.  This will be his greatest evening of 2009.

[Magnús Geir Guðmundsson, 2.4.2009 kl. 21:15]

Það vekur óneitanlega athygli, en gleður oss jafnframt mjög, hve Stiff Little Fingers er gert hátt undir höfði!

Vonandi verður þetta svo bara taumlaus skemmtan og engin leiðindi eða ömurlegheit líkt og varð fyrir einn mann fyrir ári!

[Magnús Geir Guðmundsson, 2.4.2009 kl. 21:17]

Og þá á ég auðvitað ekki við viðburðin sjálfan, heldur það sem gerðist að honum loknum.

[doddý, 2.4.2009 kl. 21:37]

... og ég í vinnu kddkkdkjklfdflksfdjlksaf

[Ómar Ingi, 2.4.2009 kl. 21:45]

Diskópakkið HAHAHAHAHAHAHA

Hvað heldurðu að það kalli ykkur

Gaman að þessu

[Jens Guð, 2.4.2009 kl. 22:01]

  Maggi,  þetta vakti líka athygli mína og gleði.  Fyrirfram hafði ég ekki gert mér vonir um að þetta mörg SLF lög yrðu á prógramminu í ár.  Hafa má í huga að SLF fór fljótlega framúr Sex Pistols í fjölda útgefinna platna.  Einnig tengi ég PIL við afgreiðsluna á Sex Pistols/Johnny Rotten.  Ég er virkilega ánægður með þennan lagalista og hlakka mikið til.

  Ég áttaði mig á að þú varst að vitna í árásina á Árna Daníel eftir hljómleikana.  Það var ljóta dæmið. 

[Jens Guð, 2.4.2009 kl. 22:02]

  Doddý,  þú tekur bara frí.  Svona pönkveisla er bara einu sinni á ári.

[Jens Guð, 2.4.2009 kl. 22:05]

  Ómar Ingi,  ég orðaði þetta svona upp á djókið að gera.  Til að rifja upp stemmninguna og skerpa á minningunum um pönkið og diskóið.

[Steingrímur Helgason, 2.4.2009 kl. 22:41]

Jamm, skemmtileg tilviljun að á meðan þið gallaklæddu sóðalegu nælustúngnu rennilázarnir verið þarna þrjátíu saman sveittir í púngstað undir gaddavírzgarginu, þá verðurm við fallega fólkið 80'tíz spariklætt í sleik við konudýr náunganz á Broadway með Jackson ~Beat'It á blazti~.

[Jens Guð, 2.4.2009 kl. 23:16]

  Steingrímur,  það er næsta víst að klæðnaður og útlit þeirra sem rifja upp diskóið annarsvegar og hinsvegar okkar sem rifjum upp pönkið verður verulega frábrugðið.  Mér segir svo hugur að á Broadway verði fólk með blásið hár,  farða í andliti og íklætt skærlitum bleikum og grænum glimmerbúning með ýktum herðapúðum.  Já,  og í þar til hönnuðum dansskóm.

  Ég ætla að við sem mætum á Grand Rokk verði í látlausari og "venjulegri" fötum.  Sjálfur hef ég aldrei elt neina tísku.  Nema ef vera skildi á unglingsárum þegar hippastemmningin gekk út á sítt hár og skegg.  Á pönkárunum tók ég ekki þátt í gaddaólum,  hanakamb,  nælum eða slíku.  Var - að ég held - ósköp venjulegur í klæðaburði og útliti.  Ég efast um að nokkur hafi lesið út úr útliti mínu að ég var á kafi í pönkinu.  Það átti við um flesta sem voru í pönkinu.  Samt vorum við pönkararnir miklu flottari en diskópakkið.  Það var miklu hallærislegra frá A-Ö.

[Jens Guð, 2.4.2009 kl. 23:22]

  Eða afkárlegra,  sem er kannski nákvæmari lýsing.

[Sveinn (IP-tala skráð) 3.4.2009 kl. 00:42]

Ekkert diskópönk?  Gang of Four?

[Sveinbjörn (IP-tala skráð) 3.4.2009 kl. 03:19]

Sæll

Það vantar nú Dead Kennedys, Ian Dury, Clash, New Order ofl. Lagavalið er samt gott.

Kv.

Sveinbjörn

[Einar B Bragason , 3.4.2009 kl. 08:29]

Er síðasti útburður landsins en að reka Grandið ?

[Stefán (IP-tala skráð) 3.4.2009 kl. 09:47]

Skyldi Árni Johnsen ræflarokkari af Alþingi mæta þarna geltandi og syngja ,, Paradísarfuglinn hló og gelti " til heiðurs hvolpunum í Sjálfstæðisflokknum sem gelta nú hátt út í loftið á Alþingi ?  

[Finnur Bárðarson, 3.4.2009 kl. 09:58]

Stefán: Árni er upptekinn í söngleiknum Málþófinu og mætir ekki.

[Stefán (IP-tala skráð) 3.4.2009 kl. 11:50]

Málþóf Sjálfstæðismanna er hallærislegasti, leiðinlegasti og umfram allt FALSKASTI söngleikur sem hér hefur verið settur upp, enda hrynur fylgið af Sjálfstæðisflokknum. Fleiri og fleiri sjá í gegn um skrípaleikinn. Stuttbuxnadeild Birgis Ármanns, Sigurðar Kára og Ragnheiða Elínar sér um það.  

[Ómar Ingi, 3.4.2009 kl. 13:55]

hehehehe  Nei alls ekki afsaka gaman af því þegar fólk úr mismunandi stefnum er að drulla yfir smekk hvors annars.

Það köllum við skemmtilegar umræður

[J. Einar Valur Bjarnason Maack , 3.4.2009 kl. 22:11]

Ég hefði alveg verið til í að heyra minnst á the Exploited...

...en þeir voru bara rétt stofnaðir það ár.

...en hvað með the Adicts? Stofnaðir '78, helvíti skemmtilegir og melódískir og merkilegt nokk enn starfandi með sama mannskap (+2).

[Jens Guð, 3.4.2009 kl. 23:32]

  Sveinn,  Gang of Four komu til leiks í lok þessa tímabils sem pönkveislan er að afgreiða.  Vissulega frábær hljómsveit í upphafi ferils þó framhaldið hafi ekki verið eins merkilegt.

[Jens Guð, 3.4.2009 kl. 23:34]

  Framhaldið varð eiginlega ansi ómerkilegt vil ég bæta við.

[Jens Guð, 3.4.2009 kl. 23:41]

  Sveinbjörn,  þú hefur skautað all léttilega yfir lagalistann.  Á honum vantar ekkert upp á afgreiðslu á The Clash.  Mér telst til að það séu 7 lög af "katalóg" The Clash.  Og Ian Dury er einnig afgreiddur.

  New Order kom nokkuð síðar til leiks og verður harla felld undir pönk.  Dead Kennedys eru þarna á mörkunum,  ´79-´80.  Bandaríska pönkið er afgreitt bærilega með lögum The Ramones og Television.

[Jens Guð, 3.4.2009 kl. 23:43]

  Einar Bragi,  ég veit ekkert hver rekur Grand Rokk í dag.

[Jens Guð, 3.4.2009 kl. 23:47]

  Stefán,  það er næsta víst að Árni Johnsen geltir á öðrum vígstöðvum en á Grand Rokk á morgun.  Þar með er ólíklegt að einhverju verði stolið eða einhver kýldur í pönkveislunni.

[Jens Guð, 3.4.2009 kl. 23:49]

  Finnur,  Árni verður áreiðanlega uppteknari við söngþófið á alþingi.  Honum fer það betur að atast í skrípaleiknum þar.

[Jens Guð, 3.4.2009 kl. 23:52]

  Ómar,  þetta var nokkuð skemmtilegur tími þegar diskóboltarnir voru að lemja pönkarana á Hlemmi og öfugt.  Þetta fólk hafði málstað að verja og/eða berjast fyrir.  Nú er bara lognmolla.

[Jens Guð, 3.4.2009 kl. 23:58]

  Helgi,  mín er ánægjan að fá að taka þátt í að plögga þetta frábæra framtak ykkar.  Og mikið rosalega sem ég hlakka til að heyra ykkur afgreiða þetta prógramm á morgun. 

[Jens Guð, 4.4.2009 kl. 00:06]

  Einar Loki,  ég á allar fyrstu plötur Exploited.  En þeir komu ekki til leiks fyrr en á níunda áratugnum. 

  Fyrir nokkrum árum var ég í Englandi og sá að Adicts voru enn að,  ásamt Sham 69 og X-Ray Spex.  Ég fann ekki fyrir sterkri löngun til að fara á þá hljómleika.  Vil frekar muna eftir þessum hljómsveitum á blómatíma þeirra.  Það er líka stemmningin sem ég geng að sem vísri á Grand Rokk á morgun.

[Birkir (IP-tala skráð) 8.4.2009 kl. 13:34]

Gledir mig ad sja Crass a listanum.  Eg hefdi lika kreist Flux og Rudimentary inn a hann. God faersla!

[Jens Guð, 8.4.2009 kl. 22:53]

  Birkir,  ég var rosalega ánægður með að Crass var með í pakkanum.  Fræbbblarnir afgreiddu það líka af frábærri snilld.  Valli fór á kostum.  Náði að túlka æsinginn og pönk orkusprengjuna á sannfærandi hátt.  Þetta var magnaður flutningur. Þetta var harðasta lagið á prógramminu.

  Flux og Rudimentary komu nokkru síðar við sögu,  ´82 - ´83. 

[Birkir (IP-tala skráð) 9.4.2009 kl. 18:56]

Thad hefdi ekki verid leidinlegt ad vera vidstaddur. Fullt af flottum logum a programminu og eg er afar katur med hatt hlutfall af Stiff Little Fingers. Eins og thu veist tha gjommudum vid gjarnan um Stiff, a Classic a sinum tima.

En til ad halda nordismanum gangadi tha er eg nokkud viss um ad Rudimentary Peni hafi verid komin i gangi arid 80 thar sem fyrsta "smaplatan" theirra kom ut 81.

Svipad med Flux.En ad osekju tha er thad rett, badar sveitirnar attu ekki heima a lagalista kveldsins.

[Jens Guð, 9.4.2009 kl. 23:18]

  Birkir,  það má alveg vera rétt hjá þér að þessar hljómsveitir hafi verið farnar að sprikla fyrr en ég nefndi.  Ég nenni ekki að "gúgla" þær upp.  Hinsvegar rak ég á þessum árum pönkplötubúðina Stuð og varð ekki var við plötur þeirra fyrr en ´82 - ´83.  Sala á smáskífum var mjög dræm þannig að ég flutti nánast einungis inn stórar plötur nema hljómsveitirnar væru af stærðargráðu The Clash eða Dead Kennedys.

  Ójá,  ég man eftir því þegar við þrefuðum um Stiff Little Fingers á Classic.  Og skammast mín ennþá fyrir að hafa fundið þeirri frábæru hljómsveit allt til foráttu.  Sem var alveg á skjön við afstöðu mína til SLF.  Ég á sennilega um 10 plötur með SLF og hef ekki minna dálæti á hljómsveitinni en Valli í Fræbbblunum. Ég var bara í einhverjum út í hött þrefgír og greip tækifærið til að rífast við þig.  Af því að ég þekki pönkið svo vel og hef áráttu til að rífast um það.  Þegar þannig liggur á mér.  Ég biðst enn og aftur afsökunnar á að hafa verið í þessu kjánalega stuði.  Mig langaði til að rífast og vera ókurteis og þú varst til í að rífast við mig.  Auðvitað hafðir þú rétt fyrir þér í þessari rimmu.  Eins og alltaf,  kæri vinur.