Bestu plötur Íslands

  Leit Félags hljómplötuútgefenda,  tónlist.is og rásar 2 að bestu plötum Íslands gengur vel.  Af tæplega 500 tilnefndum plötum liggur fyrir niðurstaða um þær 100 bestu.  Næsta skref er að raða þeim upp í sætaröð frá 1 upp í 50.  Af 100 bestu plötunum verða 10 kynntar í stafrófsröð alla virka daga á milli klukkan 10 og 11 á rás 2 og á www.tonlist.is/100bestu. 

  Þetta eru 30 fyrstu plöturnar:

( ) - Sigur Rós
12. ágúst '99 - Sálin hans Jóns míns
200.000 naglbítar og LV - 200.000 naglbítar og Lúðrasveit verkalýðsins
Abbababb!- Dr. Gunni og vinir hans
Allt fyrir ástina - Páll Óskar
Apparat Organ Quartet- Apparat Organ Quartet
Á bleikum náttkjólum - Megas & Spilverk þjóðanna
Ágætis byrjun - Sigur Rós
Álfar - Magnús Þór Sigmundsson
Bein leið- KK Band

Breyttir tímar - Egó
Debut - Björk
Deluxe - Nýdönsk
Drullumall -  Botnleðja
Drög að sjálfsmorði - Megas
Dögun- Bubbi Morthens
Einu sinni var - Björgvin Halldórsson og Gunnar Þórðarson
Ekki enn- Purrkur Pillnikk
Eniga meniga - Olga Guðrún Árnadóttir
Farewell Good Night's Sleep- Lay Low

Ferðasót - Hjálmar
Fingraför - Bubbi Morthens
Fisherman's Woman - Emilíana Torrini
Forever - GusGus
Fólk er fífl - Botnleðja
Fram og aftur blindgötuna - Megas
Frelsi til sölu  - Bubbi Morthens
GCD - Bubbi og Rúnar
Geislavirkir - Utangarðsmenn
Gilligill - Bragi Valdimar og Memfismafían

Athugasemdir

[Kristján Kristjánsson, 7.4.2009 kl. 21:04]

Ég kaus 10 af þessum 20 þannig að ég er mjög sáttur við byrjun á upptalningunni.

[doddý, 7.4.2009 kl. 21:18]

ég kaus 2 af þessum 20 þannig að ég er drullu ósátt við byrjun á upptalningu. kv d

[Evreka (IP-tala skráð) 7.4.2009 kl. 22:51]

Ekki byrjar það vel... varla nema 3-4 plötur þarna sem eiga skilið að vera nefndar í þessu samhengi.

Kannski eigum við einfaldlega ekki 100 góðar plötur...? - jafnvel ekki 50...?

[Jesús Kristur (IP-tala skráð) 7.4.2009 kl. 23:42]

Lengi lifi með HAM er uppáhalds íslenska platan mín.

[Jens Guð, 8.4.2009 kl. 21:49]

  Kiddi Rokk,  svo einkennilega vill til að ég kaus einnig 10 af þeim 20 fyrstu.  Og 4 af næstu 10.

[Jens Guð, 8.4.2009 kl. 21:51]

  Doddý,  þú hefur væntanlega kosið   Ekki enn  - af því að umslagið er svo flott.

[Jens Guð, 8.4.2009 kl. 21:57]

  Evreka,  ef við skoðum þessar plötur út frá því hverjar eru í flokknum 4 - 5 stjörnu (af 5) þá eru þær fleiri en 3 - 4 á þessum lista.  Þegar einnig er tekið tillit til þess hvaða áhrif tilteknar plötur höfðu á dægurlagasöguna þegar þær komu út fjölgar plötunum sem eiga heima á svona lista.

[Jens Guð, 8.4.2009 kl. 22:02]

  Jesús,  til gamans:  Fyrir mörgum árum skrapp ég til Tékklands.  Í Prag fann ég þokkalega stóra plötubúð.  Enginn í búðinni talaði ensku.  Í þessari búð fann ég plötuna  Saga rokksins  með Ham.  Mig minnir að það hafi verið eina íslenska platan sem ég fann þarna.  Þó má vera að plötur hafi verið með Björk.  En mér varð svo um að finna plötu með Ham í plötubúð í Prag að ég keypti hana til að eiga hana með tékkneskum verðmiða. 

[doddý, 10.4.2009 kl. 10:25]

... já ég kaus auðvitað ekki enn, en mínu umslagi (sem engillinn systir mín gaf mér) var stolið. kannski vegna þess að það var svo flott. dansar þú við mig á næstu paunkhátiíð?

en heldurðu að eningameninga hafi átt þátt í að breyta tónlistarlandslagi á íslandi? (bara svona í mestu vinsemd)? kv d

[Jens Guð, 10.4.2009 kl. 16:45]

  Doddý,  ég dansa við þig á næstu pönkhátíð.  Sama hvort þú mætir eða ekki.

  Ef  Eninga Meninga  kæmi út í dag þætti hún ekki mjög merkileg plata.  Á hinn bóginn markaði hún tímamót 1975.  Fyrir hennar daga settu íslenskir flytjendur sig í sérstakar stellingar þegar þeir matreiddu lög handa börnum.  Það var svona dálítið eins og þeir væru að syngja niður til heimskra barna.  Eða eitthvað svoleiðis.  Söngvarar skældu röddina og vönduðu sig ekki í útsetningum.

  Eninga Meninga  er fyrsta barnaplatan sem var auðheyranlega gerð af fyllstu virðingu fyrir börnum.  Einfaldar útsetningar Gunnars Þórðarsonar voru hnitmiðaðar og rokkaðri en áður hafði heyrst á íslenskum barnaplötum.  

  Platan sló rækilega í gegn hjá börnum.  En líka hjá fullorðnum.  Ég djammaði mikið á þessum tíma.   Ryksugan á fullu  og fleiri lög af plötunni voru þau heitustu á skemmtistöðum á borð við Klúbbinn,  Þórskaffi og Röðul,  ásamt á sveitaböllunum.  Allar helstu ballhljómsveitir urðu að vera með þessi lög á prógramminu.  Þau komu fólkinu út á dansgólfið og fengu það til að syngja með. 

  Eitthvað var um að rokkaðar unglingahljómsveitir fengu Olgu Guðrúnu til að troða upp með sér og syngja lög af plötunni. 

  Ég kannast við dæmi þess að fullorðið fólk kaupi þessa plötu ennþá og hún haldi uppi fjöri í partýum.

  Eftir 1975 hafa flestallar íslenskar barnaplötur tekið mið af  Eninga Meninga.

[doddý, 11.4.2009 kl. 11:00]

.. óóókei. hlakka til að ári. kv d