Hver er besta íslenska smáskífan? Skoðanakönnun - takið þátt!

  Aðdragandi þess að ég hef sett hér í gang leit að bestu íslensku smáskífunni er að tónlist.is,  rás 2 og Félag hljómplötuútgefenda eru að leita að 100 bestu íslensku plötunum.  Eins og í fyrri opinberu könnunum um bestu íslensku plöturnar eru smáskífur útundan.  Margar af merkilegustu íslensku hljómsveitunum sendu aldrei frá sér stóra plötu.  Fyrir bragðið eru þær hljómsveitir afskiptar á listum yfir bestu íslensku plöturnar sem miðast við stórar plötur.

  Í umræðu um þetta hvatti Doddý mig til að setja upp þessa könnun sem nú er í gangi.  Ég óskaði eftir tillögum frá ykkur.  Útkoman er listinn hér fyrir neðan.  Skilyrði fyrir því að smáskífa sé gjaldgeng í þessari skoðanakönnun eru eftirfarandi:

  1.  Að smáskífan standi sem sjálfstæð útgáfa.  Hafi ekki verið kynningarefni fyrir stóra plötu sem inniheldur lögin á smáskífunni.

  2.  Að titillag/aðallag smáskífunnar sé ekki útlend kráka (cover). 

  3.  Lag sem einungis hefur komið út á safnplötu með ýmsum flytjendum - og þess vegna einnig á smáskífu - er gjaldgengt.

  Í einhverjum tilfellum er smáskífa eða lag á gráu svæði.  Til að mynda  Ammæli / Köttur  með Sykurmolunum.  Ammæli  var vissulega á fyrstu stóru plötu Sykurmolanna.  Rökin fyrir því að þessi smáskífa sé með eru þau að  Köttur  sé ekki síðra lag og eigi ekki að gjalda þess að  Ammæli  var upphitun fyrir stóru plötuna.  Hvað heldur þú?  Ósanngjarnt?  Ég er á báðum áttum með að leyfa þátttöku  Ammæli / Köttur.

  Önnur smáskífa á gráu svæði er  Söknuður  með Roof Tops.  Það er erlend kráka.  Ef ég man rétt var þetta 4ra laga plata og hin 3 lögin frumsamin. 

  Hvert og eitt ykkar má hámark kjósa 5 smáskífur.  Ef ykkur þykir bara ein smáskífa skara fram úr er í fínu lagi að kjósa aðeins eina.  En hámarkið er 5.

  Þær 10 - 15 smáskífur sem hljóta flest atkvæði verða sett upp í formlega könnun í skoðanakönnunarkerfi bloggsíðunnar.  Fjöldi titlanna fer eftir því hvort atkvæði hrúgast á fáar smáskífur eða dreifast á margar.  Í þeirri uppstillingu verður ekki látið staðar numið fyrr en 1000 atkvæði eru í húsi. 

  Listinn hér fyrir neðan er niðurstaða úr tilnefningum sem ég óskaði eftir frá ykkur.  Það er í góðu lagi að bæta við þennan list.  Sú viðbót er alveg jafn rétthá þeim útnefningum sem þegar eru komnar. 

  

Einar Ólafsson:  Ég vil ganga minn veg

Megas:  Spáðu í mig

Jóhann G. Jóhannsson:  Don´t try to fool me

Óðmenn:  Spilltur heimur

Flowers:  Glugginn

Tatarar:  Dimmar rósir

Sigurður Karlsson:  Beirut

Tívolí:  Fallinn

Eik:  Mr. Sadness

Flosi Ólafsson:  Það er svo geggjað

Roof Tops:  Söknuður

Ljósin í bænum:  Tunglið, tunglið taktu mig

Óðmenn:  Tonight

Roof Tops:  Lífið

Guðmundur Haukur:  Mynd

Þeyr:  A life transmission

Kristín Ólafsdóttir:  Koma engin skip í dag?

Hljómar:  Fyrsti kossinn

Fræbbblarnir:  False Death

Gyllinæð:  Kristjana

Póló og Bjarki:  Glókollur

Jón Rafn:  Ég syng fyrir vin

Pétur Kristjánsson:  Vitskert veröld

Mánar:  Fresli

Spilafífl:  Playing fool

Logar:  Minning um mann

Dátar:  Leyndarmál

Hljómsveit Magnúsar Ingimarssonar:  S.O.S. ást í neyð

Ævintýri:  Illska

Ríó tríó:  Við viljum lifa

Hljómsveit Þorsteins Guðmundssonar:  Hanna litla

Ellý Vilhjálms:  Hugsaðu heim

Hljómar:  Let it Flow

Svanfríður:  Kalli kvennagull

Sextett Ólafs Gauks:  Bjössi á Hól

Rúnar Júlíusson:  Come into my Life

Ómar Ragnarsson:  Úr þorskastríðinu

Lola:  Fornaldarhugmyndir

Utangarðsmenn:  Rækjureggí

Fræbbblarnir:  Bjór

Purrkur Pillnikk:  Tilf

Mosi frændi:  Katla kalda

Dátar:  Gvendur á Eyrinni

Roof Tops:  Tequila samba

Trúbrot:  Starlight

Daníel Ágúst:  Það sem enginn sér

Haukur Morthens:  Gústi í Hruna

Þeyr:  The Walk

Pelican:  Time

Svanhildur og Sextett Ólafs Gauks:  Húrra nú ætti að vera ball

Þuríður Sigurðardóttir:  Ég á mig sjálf

Hljómsveit Magnúsar Ingimarssonar:  Það ert bara þú

Óðmenn:  Bróðir

Pónik og Einar:  Herra minn trúr

Change:  Yakketty yak,  smacketty smack

Tatarar:  Gljúfrabarn

Viðar Jónsson:  Sjóarinn síkáti

Icy:  Gleðibankinn

Póló og Erla:  Lóan er komin

Ari Jónsson:  Fyrirheit

Pelican:  Jenny darling

Geislar:  Skuldir

Johnny Triump:  Luftgítar

Sykurmolarnir:  Ammæli / Köttur

Kukl:  Söngull

Örkuml:  Edrú / Elskaðir

Purrkur Pillnikk:  No time to Think

Sigur Rós:  Dánarfregnir og jarðarfarir

Reykjavík!:  Dirty Weekend  

Bubbi:  Skapar fegurðin hamingjuna?

Bubbi:  Skytturnar

Bubbi:  Maður hefur nú

Bubbi:  Bíódagar

Bubbi:  Foxtrott    

Bubbi:  Mér líkar það (með upphafslaginu  Það þarf að mynda hana) 

Bubbi:  Sumarið í Reykjavík

Alfreð Clausen:  Ömmubæn

Klink:  Death by Auto

Úr Járnhausnum eftir Jónas og Jón Múla Árnason í flutningi Hljómsveitar Svavars Gests og söngvaranna Ellýar Vilhjálms,  Ragnars Bjarnasonar og Ómars Ragnarssonar:

- Undir stórasteini

- Án þín

- Hvað er að?

- Við heimtum aukavinnu

- Stúlkan mín

- Sjómenn íslenskir erum vér

Stjörnukisi:  Flottur sófi

Magnús og Jóhann:  Mary Jane

Celsíus:  Poker 

Pal Brothers:  Candy girl

Poker:  Driving in the city

Spilafífl:  Talandi höfuð

Tatarar:  Sandkastalar

Mánar:  Útlegð

Sólstafir:  Ásareiðin

Tilvera:  Lífið

Helena Eyjólfsdóttir:  Hvítu mávar

Óðinn Valdimarsson:  Einsi kaldi

Vonbrigði:  Ó Reykjavík

Bodies:  Where are the bodies

Þeir:  Killer boogie

Þorvaldur Haldórsson:  Á sjó

Sykurmolarnir:  Einn mol´á mann

Rúnar Gunnarsson:  Við söng og gleði

Utangarðsmenn:  45 rpm (upphafslagið er  Fuglinn er floginn  sem Óli Palli hefur sagt vera sitt uppáhaldslag með Utangarðsmönnum.  Ég man þegar Utangarðsmenn kynntu þessa Ep-plötu á blaðamannafundi og Bubbi sagði  Fuglinn er floginn  vera útúrsnúning úr  Help  lagi Bítlanna)

Thor´s Hammer:  Umbarumbamba

Ham:  Hold

Þeyr:  Yður til fóta

Þeyr:  Útfrymi

Sjálfsfróun:  Lollipopp

Megas:  Dufl

Athugasemdir

[Sigurður Þórðarson, 13.4.2009 kl. 23:32]

Ég myndi velja Óðmenn af því að ég hélt alltaf mest uppá þá.

Annað hvort Tonight eða Spilltur heimur

[Þórður Björn Sigurðsson, 13.4.2009 kl. 23:40]

Óðmenn:  Spilltur heimur
Eik:  Mr. Sadness
Utangarðsmenn:  Rækjureggí
Icy:  Gleðibankinn
BG og Ingibjörg:  Góða nótt minn litli ljúfur

Bendi áhugasömum jafnframt á 4 lög með Sveimhuga sem er að finna á blogginu mínu.  Einhvertíma mun ég klára þetta verkefni... það er að segja Hljómplötusafnið.

[Brattur, 13.4.2009 kl. 23:43]

Nr. 1 Don´t try to fool me.

[Sigfús Sigurþórsson., 13.4.2009 kl. 23:54]

Þessi listi sem komin er upp hjá þér Jens, er hrein og bein snilld. nokkuð mörg lög þar sem ég mundi vekja.

[Sigfús Sigurþórsson., 13.4.2009 kl. 23:54]

velja, sorry.

[Jens Guð, 14.4.2009 kl. 00:21]

  Siggi,  takk fyrir það.  Ég merki við smáskífur Óðmanna.

[Jens Guð, 14.4.2009 kl. 00:22]

  Þórður,  takk fyrir þátttökuna.  Ég ætla að tékka Sveimhuga á blogginu þínu.

[Jens Guð, 14.4.2009 kl. 00:25]

  Brattur,  ég merki við  Don´t try to fool me.  Ég man eftir því þegar ég heyrði það lag í fyrsta skipti og hugsaði:  "Þetta er fyrsta íslenska lagið sem hljómar eins og alþjóðlegt gæðapopp."

[Jens Guð, 14.4.2009 kl. 00:28]

  Sigfús,  þessi listi er ekki samsettur af mér heldur tilnefningum sem bárust inn á athugasemdakerfi bloggs míns.  Mig langar til að fá marktæka niðurstöðu og blanda mínum persónulegu skoðunum ekki inn í dæmið.  Þær eru enda að uppistöðu til bundnar af pönki. 

  En endilega taktu þátt með því að merkja við 5 bestu smáskífurnar.

[Jóna Kolbrún Garðarsdóttir, 14.4.2009 kl. 00:33]

1. Change -Yakketty yak,  smacketty smack

2. Pelican - Jenny darling

3. BG og Ingibjörg:  Góða nótt minn litli ljúfur

4. Jóhann G. Jóhannsson:  Don´t try to fool me

5. Hljómsveit Ingimars Eydal:  Í sól og sumaryl

Þannig er minn listi. 

[Sigfús Sigurþórsson., 14.4.2009 kl. 00:34]

Já ég vissi það Jens minn, tók bar asvona til orða, og segi bara aftur að mér finst þessi listi góður,,, fyrir minn smekk.

Já kjósa, ekki þýðir annað.

[Almar (IP-tala skráð) 14.4.2009 kl. 00:36]

Vantar klárlega Reykjavík!, "Dirty weekend"

[Jens Guð, 14.4.2009 kl. 00:47]

  Jóna Kolbrún,  bestu þakkir fyrir þína þátttöku.

[Jens Guð, 14.4.2009 kl. 00:50]

  Sigfús,  ég var rosalega ánægður með góð viðbrögð við tilnefningum.  Að vísu þurfti ég að mínusa margar tilnefningar vegna þess að þær uppfylltu ekki skilyrði.  Eftir stendur mjög stór listi.

  Endilega taktu þátt með því að greiða atkvæði til þó ekki sé nema einnar smáskífu eða hámark 5.

[Jens Guð, 14.4.2009 kl. 00:52]

  Almar,  takk fyrir þetta.  Ég vissi ekki af þessari smáskífu Reykjavík!  Engu að síður frábær hljómsveit.

[Sveinn (IP-tala skráð) 14.4.2009 kl. 00:53]

"Kristjana" með Gyllinæð.  Ekki spurning.

[Hörður Jónasson, 14.4.2009 kl. 01:04]

Hæ. ég er nú frekar lítið inn í þessu, en t.d. mundi ég kjósa Can´t walk away með Herbert Guðmundsyni og eins Don´t try to fool me.

Man ekki hvort Bubbi Morthens sé með eihverja smáskífu, en þar er t.d. lagið: Aldrei fór ég suður. sem ég fíla vel.

Kveðja, Hörður.

[Anna Ólafsdóttir Björnsson, 14.4.2009 kl. 01:05]

Nóg af snilldinni, ég veit reyndar ekkert hvað kemur út á smáskífum en sakna þess að fá ekki gott íslenskt rapp til að kjósa um. Á reyndar bara heila ,,LP" diska í þeirri kategóríu og svo tonlist.is - en alla vega:

1. Luftgítar - Johnny Triumph
2. Dimmar rósir - Tatarar
3. Dánarfregnir og jarðarfarir - Sigur Rós
4. Tonight - Óðmenn

[Anna Ólafsdóttir Björnsson, 14.4.2009 kl. 01:14]

Jamm, ein enn (fyrst Stikluvik kom ekki út á smáskífu):

5. Jenny Darling - Pelikan.

Smá rökstuðningur: Luftgítar er auðvitað eitt af frábærustu stuðlögum síðustu aldar og Jenny Darling er það líka. Dimmar rósir sló nýjan tón og var mystískt og þunglyndislegt, Söknuður (Roof Tops) hefði reyndar átt heima þarna líka út á skemmtilega hikandi byrjun en Dimmar rósir eru einfaldlega enn meira seiðandi. Tonight með Óðmönnum er barnslega einfalt og grípandi lag (naive) og ég var farin að trúa því að það væri misminni hjá mér að lagið hefði verð til (þott ég kynni textann frá a til ö) þar til Sixties dustuðu rykið af þvíog tonlist.is staðfesti tilvist þess í kjölfarið. Þetta er reyndar lag sem minnir mjög á upprunalegu útgáfuna á Crying Game með Dave Berry. Varðandi Dánarfregnir og jarðarfarir þá er það bara voldugt og magnað og eitt af þeim bestu úr herbúðum Sigur Rósar. Takk fyrir frumkvæðið.

[Anna Ólafsdóttir Björnsson, 14.4.2009 kl. 01:16]

Eitt enn: Er lagið sem ég skildi treglega eftir - Söknuður með Roof Tops ekki flokkað sem tökulag eða er það bara mér sem finnst það eins og ,,Try a little tenderness"?

[Jens Sigurjónsson, 14.4.2009 kl. 01:21]

1. B.G og Ingibjörg........Góða nótt minn litli ljúfur
2. Hljómar .....................Fyrsti Kossinn
3. Tatarar......................Dimmar Rósir
4. Flowers.....................Glugginn
5. Svanfríður..................Kalli kvennagull.

[Sigríður Þórarinsdóttir, 14.4.2009 kl. 01:35]

Af þessum lista eru þetta lögin sem mér finnst skemmtilegust. Annars eru þarna mjög ólík lög og mörg  í eldri kantinum en mér finnst eftirfarandi lög flott:

Don´t try to fool me,   Glugginn,      Rækjureggí

[Halldór Carlsson (IP-tala skráð) 14.4.2009 kl. 02:30]

auðvitað Söngull með Kuklinu.

því á B-hliðinni var hið sígilda Pökn fyrir byrjendur

eftir Van Houtens Kókó

[Óskar Arnórsson, 14.4.2009 kl. 07:56]

Búin að kjósa Jens Guð! ;)

[Sóldís Fjóla Karlsdóttir, 14.4.2009 kl. 08:03]

Diskurinn m/ Vilhjálmi Vilhjalms er í sérflokki og síðan Trúbrot.

[ThoR-E, 14.4.2009 kl. 08:16]

Sigur Rós:  Dánarfregnir og jarðarfarir

Icy:  Gleðibankinn

Johnny Triump:  Luftgítar

Trúbrot:  Starlight

Ellý Vilhjálms:  Hugsaðu heim

Af þessum lista eru þessar smáskífur í uppáhaldi.

[gretar (IP-tala skráð) 14.4.2009 kl. 08:41]

Engin spurning í mínum huga, Gvendur á eyrinni.

Síðan kemur upp í hugann tik takk margar góðar sögur.

Sennilegast er það cover eins og þú kallar það en fræddu mig.

Kv..

[viðar (IP-tala skráð) 14.4.2009 kl. 09:35]

Blessaður Jenni, ég gleymdi því að Klink gaf út smáskífu 2001 með 4lögum. Þar sem aðallagið er Deth by Auto. Dúndur rokk þar á ferðinni. Svo má allsekki gleyma plötunni með lögunum úr Járnhausnum, eftir bræðurna Jónas og Jón Múla í fluttningi Elly V. Ragga B. og Ómars R. + Hljómsv. Svavars G. að vísu 6 lög en á 45 snún. plötu. 1.Undir stóraseini. 2.Án þín. 3. Hvað er að? . 4 Við heimtum aukavinnu. 5 Stúlkan mín. 6 Sjómenn íslenskir erum vér. Já og lagið Superman m/Paradís er kráku dæmi.

[Þórður (IP-tala skráð) 14.4.2009 kl. 10:30]

Alveg er ég gapandi yfir smekkleysinu og að Mosi frændi skuli ekki fá stig fyrir Kötlu Köldu.

[Skarpi, 14.4.2009 kl. 13:51]

1: Megas - Spáðu í mig

 2: Dátar - Gvendur á Eyrinni

 3: Change - Yakety Yak

4: Þeyr - A Life Transmission

5: Pelican - Jenny Darling 

 Veit einhver hvort Við söng og gleði með Rúnari Gunnarssyni kom út á smáskífu? 

[Ásdís Sigurðardóttir, 14.4.2009 kl. 13:57]

Þetta er magnaður listi, takk fyrir, erfitt að velja en ég segi :  BG og Ingibjörg:  Góða nótt minn litli ljúfur.

[viðar (IP-tala skráð) 14.4.2009 kl. 14:23]

Svo er náttúrulega Stjörnukisi með Flottur sófi.

[viðar (IP-tala skráð) 14.4.2009 kl. 17:03]

Nokkrar tillögur í viðbót.

Magnús og Jóhann= Mary Jane

Celsíus = Poker 

Pal Brothers = Candy girl

Poker = Driving in the city

Spilafífl = Talandi höfuð

Tatarar = Sandkastalar

Mánar = Útlegð

Sólstafir = Ásareiðin

Tilvera = Lífið

Helena Eyjólfsdóttir = Hvítu mávar

Óðinn Valdimarsson  = Einsi kaldi

Vonbrigði = Ó Reykjavík

Bodies = Where are the bodies

Þeir = Killer boogie

Þorvaldur Haldórsson = Á sjó

[doddý, 14.4.2009 kl. 17:21]

jæjha ekkert hugljúft hér, en listinn er flottur.

ég tek undir með þórði númer 30 og nefni að sjálfsögðu

MOSI FRÆNDI - katla kalda

spilafífl sem voru svo meiriháttar í mynd friðryks

fræbbblar - bjór og false death

purrkur pillnikk - tilf (ég nefni ekki no time to think því ég man ekki eftir þessu, en eflaust gott efni)

Lola sem flutti fornaldarhugmyndir? var það eitthvað að austan? nefni það líka.

takk fyrir þetta frábæra framtak jens. kv d 

[doddý, 14.4.2009 kl. 17:24]

æji lola verður að lúffa, ég nefndi einum of marga. kv d

[Þorleifur S Ásgeirsson (IP-tala skráð) 14.4.2009 kl. 19:36]

MOSI FRÆNDI - katla kalda

Megas:  Spáðu í mig

Tatarar:  Dimmar rósir

Facon: Ég er frjáls

Hljómar:  Fyrsti kossinn

Eftirtalið er allt coverlög (krákur)

Lítið eitt:  Syngdu með                 Puff the magic dragon og fleyri Peter Paul and Mary lög

BG og Ingibjörg:  Góða nótt minn litli ljúfur sem hét: Þín innsta þrá er ítalskt eða spánskt

Vilhjálmur Vilhjálmsson:  Hlustið á mig Heitir upphaflega Hi Lully

Sigrún Harðardóttir:  Ein á ferð Hét: The Leaving of Liverpool

Hljómsveit Ingimars Eydal:  Spánardraumar Man ekki hvað þessi Costa del sol lög héetu

Vilhjálmur Vilhjálmsson:  Hún hring minn ber Hét She wears my ring ( skrýtið)

Og örugglega fleiri

KVEÐJA Leifur

[Röggi (IP-tala skráð) 14.4.2009 kl. 21:24]

1 Fræbbblarnir- Bjór 2. Fræbbblarnir- False death 3. Purrkurr pillnikk-Tilf 4.Sykurmolarnir- einn moli á mann

[Jens Guð, 14.4.2009 kl. 21:28]

  Sveinn,  ekki spurning!

[OliSt (IP-tala skráð) 14.4.2009 kl. 21:34]

1. Ekkert nema "Don't try to fool me", gargandi snilld

2. "Það er svo geggjað" - Flosi er meiriháttar

3. "Minning um mann" - Engin útilega án þess

4. "Yakketty yak, smacketty smack" - yndislega púkalegt

[Jens Guð, 14.4.2009 kl. 21:41]

  Hörður,  Can´t Walk Away  var á stóru plötunni  Dawn of the Human Revolation.

  Ég færi þitt atkvæði á  Don´t Try to Fool Me  til bókar.

  Aldrei fór ég suður  var á stóru plötunni  Dögun.  Bubbi hefur sent frá sér nokkrar smáskífur og lög sem hafa einungis komið út á safnplötu með ýmsum flytjendum.  Í fljótu bragði man ég eftir:

  Skapar fegurðin hamingjuna? (Ég hannaði umslagið)

  Skytturnar

  Maður hefur nú

  Bíódagar

  Foxtrott

  Mér líkar það (með upphafslaginu  Það þarf að mynda hana)

[Brynjar Jóhannsson, 14.4.2009 kl. 21:45]

Hvað er að þessu liði... auðvitað er það luftgítar... með sykurmolnum og sjón. 

var ekki líka smáskífa með nýdönsk sem hét Kissuber ? ... mér fanst sú spóla allaveganna mjög þétt....  

[Jens Guð, 14.4.2009 kl. 22:01]

  Anna,  takk fyrir þátttökuna og frábært að fá að sjá rökin fyrir valinu.  Í bloggfærslunni skrifaði ég þetta um  Söknuð: 

  "Önnur smáskífa á gráu svæði er  Söknuður  með Roof Tops.  Það er erlend kráka.  Ef ég man rétt var þetta 4ra laga plata og hin 3 lögin frumsamin."

  Ég deili með þér hrifningu á  Stikluvík af plötunni Rímur og rapp.

[Jens Guð, 14.4.2009 kl. 22:03]

  Jens nafni minn,  takk fyrir þátttökuna. 

[Jens Guð, 14.4.2009 kl. 22:04]

  Sigríður,  takk fyrir þátttökuna.

[Jens Guð, 14.4.2009 kl. 22:06]

  Halldór,  takk fyrir það.  Ég var búinn að gleyma  Pönk fyrir byrjendur.

[Jens Guð, 14.4.2009 kl. 22:08]

  Erlingur,  ég færi til bókar atkvæði frá þér á bæði lögin.

[Jens Guð, 14.4.2009 kl. 22:09]

  Óskar,  takk fyrir það.

[Jens Guð, 14.4.2009 kl. 22:11]

  Sóldís,  takk fyrir þátttökuna.

[Jens Guð, 14.4.2009 kl. 22:13]

  AceR,  takk fyrir það.

[Jens Guð, 14.4.2009 kl. 22:16]

  Þórður,  stigunum á Kötlu köldu með Mosa frænda fer að rigna inn.  Ég á líka ljómandi skemmtilega kassettu með Mosa frænda.  Þar kráka þeir  Rækjureggíið  hans Bubba og  Where Have All the Flowers Gone?  sem er eftir Pete Seeger en varð frægast í flutningi Kingston Trio.  Að sjálfsögðu afgreiddi Mosi frændi lögin með sínu nefi.

[Jens Guð, 14.4.2009 kl. 22:25]

  Skarpi,  ég kannast ekki við þetta lag með Rúnar Gunnarssyni.  Mig rámar í að hann hafi sent frá sér smáskífu skömmu fyrir fráfall sitt.  Ég man samt ekki hvaða lög voru á henni. 

[Jens Guð, 14.4.2009 kl. 22:28]

  Gretar,  Tikk takk  lagið sem þú nefnir er sennilega  Ömmubæn  með Alfreð Clausen.  Það lag byrjar á því að sungið er "Tikk takk,  tikk takk...".  Ég held að þetta sé íslenskt lag og set það inn á listann þangað til einhver upplýsir um annað.

[Jens Guð, 14.4.2009 kl. 22:32]

  #29 Viðar,  ég bæti þessum lögum við.

[Jens Guð, 14.4.2009 kl. 22:37]

 #32 Ásdís,  takk fyrir það. 

[Jens Guð, 14.4.2009 kl. 22:41]

  #33 Viðar,  ég bæti Stjörnukisanum líka við.  Til gamans en þessu ekki alveg viðkomandi.  Einhver stal frá mér plötunni með Döðlunum fyrir nokkrum árum.  Mér til mikils svekkelsis.  Svo fann ég hana til sölu í Kolaportinu í gær!  Mikið varð ég glaður.

[Jens Guð, 14.4.2009 kl. 22:49]

 #34 Viðar,  þú ert nú meiri kallinn.  Ég hef ekki við að færa smáskífur og lög inn á listann.  En þessi viðbót frá þér á reyndar vel heima á listanum.  Bestu þakkir fyrir dugnaðinn.

[Jens Guð, 14.4.2009 kl. 22:56]

  Doddý,  það er rétt til getið:  Hljómsveitin Lóla var frá Austfjörðum.  Man ekki hvort hljómsveitin var frá Egilsstöðum eða Seyðisfirði eða bæði.  Mig hálf rámar í að Lóla hafi tekið þátt í Músíktilraunum.  Lagið  Fornaldarhugmyndir  var skemmtilega Pretenders-legt með texta sem deilir á útlitsdýrkun.  Mig minnir að lagið á B-hlið hafi líka verið fínt.  En ég á  Fornaldarhugmyndir  á einhverri safnplötu,  að ég held,  sem Andrea Jóns setti saman.

[Jens Guð, 14.4.2009 kl. 23:01]

  Þorleifur,  kærar þakkir fyrir þessar upplýsingar.  Ég hafði sterkan grun um að flest þessara laga sem þú tiltekur séu krákur.  Það var gaman að sjá þig í góðu hlutverki í þættinum  Sveitapiltsins draumur  í sjónvarpinu um helgina.  Það var sannarlega vel til fallið ævintýri að svona mikill músíkgúrú skyldi vinna dvöl í Lennon-svítunni með hvíta píanóinu.

[Jens Guð, 14.4.2009 kl. 23:03]

  Röggi,  takk fyrir þátttökuna.

[Jens Guð, 14.4.2009 kl. 23:06]

  ÓliSt,  takk fyrir það.

[Jens Guð, 14.4.2009 kl. 23:09]

  Brynjar,  sjálfum þykir mér  Luftgítar  eitt flottasta lag íslensku rokksögunnar.  Ég kannast við lagið  Kissuber  með Ný dönsk en veit ekki hvort það var á smáskífu.  Ég ákalla okkur fróðari til að upplýsa það.

[Jón G (IP-tala skráð) 14.4.2009 kl. 23:18]

Vel Gvendur á Eyrinni.

 "Við söng og gleði" kom út á smáskífu rétt fyrir andlát Rúnars.

Smá athugasemd : Í sól og sumaryl er ekki smáskífa að ég best veit. Kom út á 12 laga plötu hljómsveitarinnar sem Tóna-útgáfan gaf út.

Með kveðju og þökk fyrir framtakið

[Jón G (IP-tala skráð) 14.4.2009 kl. 23:22]

Smá aths: "Maður hefur nú" kom aldrei út á smáskífu heldur einhverri safnplötu sem Steinar Berg gaf út

Lagið "Rónarnir í Reykjavík" hlýtur að vera "Sumarið í Reykjavík".

ÞAð kom út á smáskífu. Er samið af Bubba og Gumma P. í samvinnu.

[Þór (IP-tala skráð) 14.4.2009 kl. 23:27]

Utangarðsmenn = 45 rpm

Thor´s Hammer = Umbarumbama

Ham = Hold

Þeyr = Yður til fóta

Þeyr = Útfrymi

Sjálfsfróun = Lollipopp

[Þorleifur S Ásgeirsson (IP-tala skráð) 14.4.2009 kl. 23:53]

Takk fyrir það Jens, þetta var meiriháttar ferð,

Áttu Katla Kalda / Ástin sigrar á 45 rpm?

 Eitt lag sem Bubbi syngur er að vísu á stórri plötu en eina lagið hans á henni. Það er Augað í veggnum á samnefndum frumburði Rúnars Þórs Péturssonar. Allir búnir að gleyma því.

Gleymum ekki Megasi með Dufl það var smáskífa, Annars til gamans á Megas eina massíva kráku, Það er komdu og skoðaðu í kistuna mína, Það lag er eftir Woody Guthrie og heitir I aint got no home.

Kveðja

Leifur Lennon

[Jens Guð, 14.4.2009 kl. 23:54]

  Jón G,  blíðar þakkir (eins og Færeyingar segja) fyrir upplýsingarnar.  Ég færi  Við söng og gleði  inn á listann. 

  Nú verð ég að ákalla lesendur um hvort þeir muni eftir  Í sól og sumaryl  sem smáskífu.  Mig minnir að það lag hafi verið á 2ja laga plötu með lögum eftir Gylfa Ægisson.  Þó má vel vera að ég sé að rugla því saman við að Gylfi hafi sent Ingimari Eydal 2 lög á kassettu sem komu bara út á stórri plötu.  Ég veit alla vega að lagið er á stórri plötu með Hljómsveit Ingimars Eydal.  Hafi það áður komið út á 2ja laga plötu er lagið engu að síður ógilt í þessu vali því það var gefið út á stórri plötu með Hljómsveit Ingimars Eydal.  Ég strika það út.

  Maður hefur nú  eftir Gunnar Reyni Sveinsson var sennilega aldrei gefið út á smáskífu heldur safnplötu í flutningi ýmissa flytjenda.  Plötu sem inniheldur lög úr kvikmyndum.  Sem slíkt er það gilt í þessari könnun því það var aldrei hluti af stórri plötu með flytjandanum. 

  Það mun rétt vera að lagið heitir  Sumarið í Reykjavík en ekki  Rónarnir í Reykjavík  þó svo sé sungið í viðlagi.  Ég man að eitt 3ja laga á plötunni heitir  Klóakkrossfarinn  og fjallar um Eirík Jónsson ritstjóra Séð og heyrt.  Ég laga þetta á listanum.       

[Jens Guð, 15.4.2009 kl. 00:19]

  Þór,  ég færi þessi lög á listann.  þarna eru mörg lög sem eiga heima á listanum.

[Jens Guð, 15.4.2009 kl. 00:38]

  Þorleifur,  þú ert snillingur eins og allir mestu Kinks-aðdáendur Íslands.  Ég átti  Kötlu köldu á vinyl-plötu.  Á sínum tíma þekkti ég einn af Mosunum þegar ég var með pönkplötubúðina Stuð.  Mig brestur hinsvegar minni til að muna hver það var eða hvort Mosinn spilaði á einum af okkar rómuðu pönkhljómleikum á föstudögum í búðinni.  En ég fylgdist vel með Mosanum á sínum tíma og kannaðist á þeim tíma við Þorstein J.  Viljálmsson sem á stórleik í  Kötlu köldu. 

  Það sem ég vil samt hrósa þér mest fyrir er að benda á að lagið  Komdu og skoðaðu í kistuna mína sé  I Ain´t got no Home  eftir Woody Guthrie.  Ég var ekki búinn að kveikja á perunni.  Samt á ég þetta lag bæði í flutningi Woodys og Bruce Springsteen.  Kráka Megasar er þannig flutt að í fljótu bragði er þetta ekki augljóst.  Óttar Felix Hauksson "strömmar" gítarleikinn í laginu.  Ég veit að Megas er mikill Woody Guthrie aðdáandi og kann hans stóra katalóg frá A-Ö. 

  Ég á plötuna með Rúnari Þór þar sem Bubbi syngur  Augað í veggnum.

  Ég hélt að ég þekki katalóg Megasar vel en man ekki eftir  Dufli.  Ég bæti því lagi á listann.

[Jens Guð, 15.4.2009 kl. 00:43]

  Það er búið að vera svakalegt puð að afgreiða þessa skoðanakönnun.  Núna í 3 klukkutíma hef ég gert annað en fjarlægja ógild lög og bæta við öðrum samkvæmt ykkar upplýsingum.  En samt gaman.  Frábærar þakkir þið öll fyrir þátttökuna.

[EP (IP-tala skráð) 15.4.2009 kl. 09:02]

Dimmar Rósir er náttúrulega besta Íslenska lagið frá upphafi og þessvegna óþarft að gefa fleirum atkvæði.

[viðar (IP-tala skráð) 15.4.2009 kl. 10:11]

Sæll aftur Jenni, verð að leiðrétta sjálfann mig. Lagið Söknuður með Roof Tops er upphaflega bandarískur soul standard , Try a little tenderness í útsetningu Percy Sledge. Sömuleiðis er lagið Ástin ein með Roofurunum líka ættaður frá Percy Sledge. Aftur á móti gaf bandið út tveggja laga smáskífu með lagi eftir Vigni Bergmann sem heitir Lífið og lag eftir Guðmund Hauk sem heitir Eitt lítið tár.

[Jens Guð, 15.4.2009 kl. 12:02]

  EP,  Dimmar rósir var og er glæsilegt lag.  Sem betur fer geymir saga íslenskrar dægurlagamúsíkur fleiri perlur.

[ka (IP-tala skráð) 15.4.2009 kl. 12:05]

A life transmission

[Jens Guð, 15.4.2009 kl. 12:07]

  Viðar,  takk fyrir það.  Þetta skrifaði ég í færslunni:

"Önnur smáskífa á gráu svæði er  Söknuður  með Roof Tops.  Það er erlend kráka.  Ef ég man rétt var þetta 4ra laga plata og hin 3 lögin frumsamin."

  Núna þegar ég er að skrifa þetta hljómar allt í einu fyrir huga mér flutningur útlendinga á  Á sjó.  Er mig að misminna?

[Jens Guð, 15.4.2009 kl. 12:08]

  Ka,  takk fyrir þátttökuna.

[Þorleifur S Ásgeirsson (IP-tala skráð) 15.4.2009 kl. 12:30]

 Á b hliðinni á Dimmar rósir er að finna lagið Sandkastalar sem er lagið Processions af plötunni Family Entertainment með Family. Ég mað ekki betur en að þekkt stórskáld hafi samið textann fyrir Tatara. Samið og samið já. Jens berðu þá saman að gamni. :-)

Ég er mikill Family/ Streetwalkers fan.

Kveðja

Leifur

Processions

A small boy, bucket in hand
Building castles in the sand
Thinking of his life that lies ahead
An engine driver, sailor, why not a king
Of the sand castle as the gypsy woman said
Taking a ride on a dinkie rail
A green engine that's old
Could be a royal procession through
Big city streets
Waving to the crowds from a sand carpet of gold
Shaking hands of the V.I.P.'s one meets

Sailing a toyboat in a rockpool
Thinking that it could be
The Queen Mary, passing the Cape Horn tip
Something majestic, sailing world wide seas
Attention please, I'm the captain of the ship

After all these thoughts and more
The boy returned to find
That the sandcastles had been washed into the sea
Head in hands, eyes full of tears
And a mixed up mind
The gypsy woman can't foresee the years

[Þorleifur S Ásgeirsson (IP-tala skráð) 15.4.2009 kl. 14:37]

Listi yfir útgáfur SG hljómplatna

http://is.wikipedia.org/wiki/Listi_yfir_SG-hlj%C3%B3mpl%C3%B6tur

Kveðja

Leifur

[Georg P Sveinbjörnsson, 15.4.2009 kl. 15:59]

1. Þeyr:  Útfrymi

2. Purrkur Pillnikk:  Tilf

3. Sigur Rós:  Dánarfregnir og jarðarfarir

4. Þeyr:  Killer boogie

5. Megas:  Spáðu í mig

[doddý, 15.4.2009 kl. 20:08]

hæ jens - þetta verður frábær listi. hvað heitir nú platan sem hún andrea tók saman? var hold singull, ég hélt alltaf að það lag hafði komið út á einhverri perlunni. kv d (best að fara að flytja inn í eitthvað hús sem ég á ekki og elda þar súpu trarírallalala)

[Helgi Már Bjarnason, 15.4.2009 kl. 22:26]

hæhæ,  heyrðu.... það vantar allveg stóra pósta í þetta allt saman hjá ykkur.  Já eiginlega stærsu póstana.

 Björk - ansi margir singlar

 Sigurrrós - nokkrir

Gus Gus - Moss eða David

Trabant - Nasty Boy og The One

 o.fl. alvöru.

 ...og come on út úr sveitamennskunni með sum lögin þarna.  Gleðibankinn...,hehhe bara fyndið. kræst.  

[Jens Guð, 15.4.2009 kl. 23:43]

  Þorleifur,  yndislegar þakkir fyrir þetta.  Eldri bróðir minn átti smáskífuna með Töturum og ég átti Lp plötuna með Family.  Stal henni frá einhverjum á Laugarvatni á sínum tíma.

[Jens Guð, 15.4.2009 kl. 23:45]

  Georg,  vænar þakkir fyrir þátttökuna.  Ég hef áður tekið eftir að þú ert með eðal músíksmekk.

[Jens Guð, 15.4.2009 kl. 23:50]

  Doddý,  platan sem Andrea tók saman heitir  Stelpurokk  að mig minnir.  Virkilega áhugaverð plata eins og allt sem Andrea kemur nærri.  Plötusafnið mitt er lokað ofan í tugum kassa í geymslu og ég nenni ekki að sannreyna nafnið á plötunni eða hvort ég man rétt að lagið með Lólu sé á plötunni.  Ég held samt að ég sé að fara rétt með. 

[Jens Guð, 15.4.2009 kl. 23:57]

  Æ,  ég gleymdi að nefna að  Hold  með Ham var svokölluð Ep plata.  Auk titilslagsins innihélt hún 4 önnur lög.  Þetta var fyrsta plata Ham.  Mér er minnisstætt fyrsta útvarpsviðtalið sem ég heyrði við Ham.  Þá vissi ég ekki að liðsmenn væru húmoristar og keypti bullið í þeim.  Þeir voru svo alvörugefnir í viðtalinu.  Sögðust hafa kynnst í sadó-masó klúbbi í Keflavík, uppgötvað sameiginlegan músíksmekk og áhuga á að vera í rokkhljómsveit.  Ég trúði þessu lengi vel.

[Jens Guð, 16.4.2009 kl. 00:05]

  Helgi Már,  þú ert að vísa í smáskífur sem jafnframt hafa verið hluti af stórum plötum með þessum flytjendum.  Þær smáskífur er þar með ekki gjaldgengar. 

  Til gamans:  Ég keypti á dögunum áhugaverða plötu þar sem ýmsir flytjendur ýmist endurmixa eða öllu heldur kráka lag Bjarkar  Army of Me.  Þar er margt flott.  Enda magnað lag. 

  Ég ber mikla virðingu fyrir Magnúsi Eiríkssyni og Pálma Gunnars sem tónlistarmönnum.  En ekki  Gleðibankanum.  Það lag var þó tilnefnt af lesendum bloggsins og ég get ekkert að því gert.  En það er út í hött að  Gleðibankinn  eigi heima á lista yfir bestu smáskífur.  Samt ritskoða ég ekki það sem kemur fram í þessari skoðanakönnun.

[Einar Óli (IP-tala skráð) 16.4.2009 kl. 02:16]

Hvað með Mezzoforte - Gardenparty? Var það aldrei gefið út sem smáskífa?

 A.m.k. þá er það að mínu mati eitt besta íslenska lagið. Það er alveg hryllilega hallærislegt en það er einmitt það sem ég elska við það.

[Sveinn (IP-tala skráð) 16.4.2009 kl. 06:08]

Af mörgum góðum langar mig að nefna Gluggann með Flowers. Svona í leiðinni langar mig að geta þess að í óskalagaþáttunum í gamla daga voru flytjendur Yakkety Yak, Smacketty Smack alltaf kynntir sem Magnús og Jóhann (aldrei sem Change - sem ég er ekki einu sinni viss um að hafi verið til þá).

[Jens Guð, 16.4.2009 kl. 22:34]

  Einar Óli,  Garden Party  var hluti af stórri plötu og þess vegna ekki gjaldgengt þó það hafi einnig komið út á smáskífu,  samanber eftirfarandi skilyrði:

  "Að smáskífan standi sem sjálfstæð útgáfa.  Hafi ekki verið kynningarefni fyrir stóra plötu sem inniheldur lögin á smáskífunni."

  Reyndar minnir mig að smáskífan hafi ekki verið gefin út á undan stóru plötunni heldur síðar,  eftir að byrjað var að spila lagið í breskum útvarpsþætti.  En það breytir engu.  Lagið er hluti af stórri plötu.

[Jens Guð, 16.4.2009 kl. 22:45]

  Sveinn,  eins og sést á myndinni var hljómsveitin Change skráð fyrir  Yacketty yak,  smacetty smack.  Magnús og Jóhann voru vinsæll dúett áður en fóru í útrás undir nafninu Change.  Þó Change væri fullskipuð hljómsveit var hún þeirra dæmi.  Sett saman til að flytja þeirra söngva á þeirra forsendum.  Átti að verða heimsfræg en breskir fjölmiðlar hæddu hana og uppnefndu The Girls from Iceland.

[Sveinn (IP-tala skráð) 18.4.2009 kl. 11:21]

Kærar þakkir fyrir fróðlegar upplýsingar. Þarna sýnist mér vera mynd af kynningareintaki, hugsanlega fyrir tónlistarfjölmiðla (útvarpsstöðvar og tímarit). Væri fróðlegt að vita hvað stóð á þeirri smáskífu með laginu þegar það var fyrst gefið út á meðan Magnús og Jóhann voru bara Magnús og Jóhann. Ekki ætla ég að deila um keisarans skegg, en í mínum huga er ekki rökrétt að skrifa hljómsveit, sem ekki var til, fyrir lagi þegar það var samið á sínum tíma.

[Steinn Skaptason (IP-tala skráð) 19.4.2009 kl. 04:11]

Lagið tunglið, tunglið taktu mig með Diddú og Ljósunum í bænum kom aldrei út á smáskífu og á ekkert heima á þessum lista vegna þess að það lag var gefið út á Lp breiðskífu.

Ég tel líklegt að Garden Party með Messóforte hafi verið gefið út annaðhvort á 7" plötu eða á 12" 45 snúninga plötu, eða jafnvel bæði varðandi erlendan markað, en ég er ekki alveg viss.

Ekki má gleyma 7" 4 laga plötu Taugadeildarinnar ! 

Með góðri kveðju, Steinn.

[Jens Guð, 20.4.2009 kl. 00:00]

  Sveinn,  það er rétt og leynir sér ekki að platan er merkt "kynningareintak".  Ég skrifaði um poppmúsík fyrir Alþýðublaðið á þessum tíma og fékk sem slíkur svona eintak.  Minni mitt nær samt ekki yfir sögu Change,  það er að segja hvernig eða á hvaða tímapunkti dúettinn Magnús og Jóhann breyttist í Change.  Þetta var ekki mín músík.  Ég man að ég fékk líka smáskífu frá Change með laginu  Lady, London Lady  og eftir að stóra platan með Change kom út var mér boðið á hljómleika eða dansleik með Change.  Mér þótti þetta vera of mikið sýróp fyrir minn smekk.  Og flest frá Magnúsi og Jóhanni merkilegra en það sem var gefið út undir nafni Change.   

[Jens Guð, 20.4.2009 kl. 00:03]

  Steinn,  bestu þakkir fyrir innlegg og fróðleik.  Ég tel mig muna eftir  Garden Party  bæði á 7" og 12".  Ég tel mig líka muna eftir að  Garden Party  hafi fyrst komið út á stórri plötu.  Sennilega  Surprise,  Surprise.

[Þráinn Árni Baldvinsson, 21.4.2009 kl. 23:51]

Ég verð bara að gefa Mosa frænda mitt atkvæði :) 

Mosi frændi:  Katla kalda

[Jens Guð, 22.4.2009 kl. 01:00]

  Þráinn,  takk fyrir það og gaman að fylgjast með Blóði.