Í sviðaveislu hjá mótorhjólagengi

  Í gærkvöldi var mér boðið í sviðaveislu hjá kærri vinkonu,  Rannveigu Höskuldsdóttur, og til langs tíma félaga mínum í Frjálslynda flokknum.  Mér skilst á henni að hún sé nú búin að yfirgefa flokkinn.  Það breytir ekki því að Rannveig er jafn frábær manneskja fyrir því og hefur í engu breytt afstöðu gangvart baráttu gegn kvótakerfinu.

  Þegar á reyndi kom í ljós að sviðaveisla Rannveigar var samfundur mótorhjólagengis.  Það var gaman að kynnast í persónu Ingva Högnasyni,  mótorhjólatöffara og stríðnispúka á blogginu.  Ég biðst forláts á að hafa jafnóðum gleymt nöfnum annarra mótorhjólatöffara í sviðaveislunni.  En sviðin voru eðal góð veisla með rófum.  Bestu þakkir fyrir mig.  Við Siggi "ginseng" vorum þeir einu í veislunni sem vitum ekkert um mótorhjól en hlustum þeim mun meira á hljómsveitina Motorhead og mótorhjólalög á borð við  Born to be Wild með Steppenwolf.

   

 

Athugasemdir

[Sigurður Þórðarson, 18.4.2009 kl. 13:09]

Það var frábært að heimsækja eðalvinkonu okkar hana Rannveigu, sjá hvað hún býr vel og kynnast góðum og skemmtilegum vinum hennar í sviðaveislunni.  Rannveig þú ert frábærust

Takk

[Siggi Lee Lewis, 18.4.2009 kl. 15:35]

Djö..! Af hverju sagðirðu mér ekki frá þessu? Ég hefði mætt! Ég geng á átta. Einn af þeim eru þrír mótorhól!

[Magnús Geir Guðmundsson, 18.4.2009 kl. 20:34]

Haha, loksins komstu þá til Rannveigar í mat, búið að standa ansi lengi til!

Ég er já sannfærður um, að Rannveig er þyngdar sinnar virði í gulli og rúmlega það!

[Jens Guð, 18.4.2009 kl. 21:29]

  Siggi Þórðar,  ég tek undir hvert orð.

[Jens Guð, 18.4.2009 kl. 21:30]

  Siggi Lee,  ég hélt að þú værir í þessu mótorhjólagengi.

[Jens Guð, 18.4.2009 kl. 21:36]

  Maggi,  um daginn bauð Rannveig mér í kjötsúpu.  Þá tókst ekki betur til en svo að ég gleymdi að mæta.  Það var hrikalegt klúður.  Eina afsökun mín var að hún dagsetti kjötsúpuna með of margra daga fyrirvara.  Ég á erfitt með að muna lengra en tvo daga fram í tímann.

[Rannveig H, 18.4.2009 kl. 22:44]

Takk fyrir komuna Jens og Siggi. Maggi minn þá fyrst væri ég orðin eiguleg á þessum krepputímum ef ég væri þyngdar minnar virði úr gulli

[Jens Guð, 19.4.2009 kl. 02:04]

  Rannveig mín kæra,  bestu þakkir fyrir síðast.  Það var rosalega gaman.  Höldum líka til haga að þú átt Íslendingasögurnar prentaðar 1895 og glæsilegt þrívíddarmálverk frá því snemma á síðustu öld. 

[Siggi Lee Lewis, 19.4.2009 kl. 17:47]

Takk fyrir það Rannveig. Hef sjaldan skemmt mér eins mikið!