Það er auðvelt að grennast

 

  Þessi gutti slapp í pönnukökur þegar enginn sá til.  Hann tók ekki eftir því að við hverjar 100 pönnukökur sem hann sporðrenndi á einu bretti bætti hann aðeins á sig í þyngd.  Það var ekki fyrr en hann hitti bróðir sinn fyrir tilviljun að þeir bræður tóku báðir eftir því að þeir litu ekki lengur út eins og tvíburar.  Þeir urðu hissa.

  Það var þá sem guttinn ákvað að borða frekar hefðbundinn heimilismat en 100 pönnukökur í hvert mál.  Það var eins og við manninn mælt.  Mörinn rann af kauða og hann varð grannur og spengilegur.

 

  Húðin virtist ekki taka þátt í breytingunni.  Það var ekkert mál.  Hún var bara klippt burt með einfaldri skurðaðgerð og kauði saumaður saman eins og sláturkeppur.  Hann notaði tækifærið og lét klippa á sér hárið í leiðinni - fyrst skærin voru á lofti hvort sem var.

  Núna eru þeir bræður aftur eins og tvíburar.

  Enginn þekkir þá í sundur.  Þeir aðgreina sig með því vera ekki í eins skyrtum. 

  Svona er auðvelt að kippa hlutunum í lag.

 

Athugasemdir

[Ari (IP-tala skráð) 6.5.2009 kl. 00:10]

Hrikalegt að húðin sé svona hehe.

Tvíburarnir eru ekkert mjög líkir sko.

[Róbert Tómasson, 6.5.2009 kl. 00:15]

Kínverska megrunar aðferðin svínvirkar í svona tilfellum, öll þau hrísgrjón sem þú getur í þig látið með einum prjón.

[Hannes, 6.5.2009 kl. 00:38]

Það er miklu betra að vera vel feitur heldur en grannur því að það fylgja því svo margir áhugaverðir sjúkdómar sem geta valdið ótímabærum dauðdaga t.d meiri líkur á hjartaáfalli og ekki má gleyma stærsta kostinum að maður losnar við pyntingarvélarnar.

Ég held að ég fari ekki í megrun og verði bara vel feitur enda lang þægilegast.

Kveðja Hannes.

[Jóna Kolbrún Garðarsdóttir, 6.5.2009 kl. 01:03]

Jeminn eini. 

[Ómar Ingi, 6.5.2009 kl. 02:36]

Subway´s the place

[Jóna Á. Gísladóttir, 6.5.2009 kl. 18:56]

Stráksi er ofboðslega hugrakkur að birta allt þetta ferli á vefnum. Segi ekki annað. Og þetta er þjálfarinn hans en ekki bróðir hans... hvað þá tvíburabróðir

[Ragna Birgisdóttir (IP-tala skráð) 6.5.2009 kl. 18:59]

Ja svei mér þá.

[Víðir (IP-tala skráð) 6.5.2009 kl. 21:08]

Jens!!Hvar nærðu í þessar fréttir?? Þetta er nett sláandi.

[Jens Guð, 6.5.2009 kl. 21:33]

  Ari,  þeir eru frekar ólíkir á myndinni þar sem þeir heilsast.

[Jens Guð, 6.5.2009 kl. 21:34]

  Róbert,  þessi kínverska aðferð hljómar eins og pottþétt!  Hehehe!

[Jens Guð, 6.5.2009 kl. 21:36]

  Hannes,  það er líka rosalegur kostur í vindhviðum að vera í þokkalegri stærð.  Annars fýkur fólk.

[Jens Guð, 6.5.2009 kl. 21:38]

  Jóna Kolbrún,  takk fyrir innlitið.

[Jens Guð, 6.5.2009 kl. 21:52]

  Ómar Ingi,  það er líka alltaf mánaðartilboð í Subway.  Ég fékk mér svoleiðis túnfisksbát í síðasta mánuði á 349 kall.  Afgreiðsludaman setti á sig einnota hanska um leið og hún hóf afgreiðslu.  Á meðan brauðið og osturinn voru að ristast bað stelpan við greiðslu.  Ég dró upp úr vasa mínum misóhreina tíkallahrúgu og skellti á borðið.  Stelpan sópaði peningunum saman án þess að taka af sér hanskana og taldi peningana ofan í peningakassann.  Síðan tók hún óhreina tusku og strauk af borðinu einhver óhreinindi - án þess að taka af sér hanskana.  Loks sótti hún brauðið úr ristinni og fór að hlaða í það túnfisk og grænmeti.  Og ennþá í hönskunum til að gæta ítrasta hreinlætis.

[Jens Guð, 6.5.2009 kl. 21:55]

  Jóna Á,  takk fyrir þessar upplýsingar.  Ég fékk myndirnar sendar án nokkurra upplýsinga.  Þess vegna varð ég að sjálfur að ráða í hvað var í gangi.  Það gekk vel - ef við miðum við sanngjörn skekkjumörk.

[Jens Guð, 6.5.2009 kl. 21:57]

  Ragna,  takk fyrir innlitið.

[Jens Guð, 6.5.2009 kl. 21:59]

  Víðir,  hann Viðar á Reyðarfirði sendi mér þessar myndir.

[Hannes, 6.5.2009 kl. 22:05]

Rétt er það gamli að það er best að vera þéttur í roki.

[Halla Rut , 7.5.2009 kl. 02:20]

Hvernig er hægt að gera sér þetta?

[Siggi Lee Lewis, 9.5.2009 kl. 17:33]

Jólin 2007 reyndi eins og ég gat að komast í og yfir 100kg. Það gekk ekkert. Gafst upp á milli jóla og nýárs. Náði þó 98kg. Núna er ég eins og frisbídiskur í 87kg.

[Siggi Lee Lewis, 9.5.2009 kl. 17:35]

Og talandi um kíló, þá er Flugvél, Flugfar á færeysku.