Veitingahússumsögn

 - Réttur:  Humar og humarsúpa

 - Staður:  Við fjöruborðið

 - Einkunn:  ***** (af 5)

  Um verslunarmannahelgina borðaði ég tvívegis á veitingahúsinu Við fjöruborðið á Stokkseyri.  Í fyrra skiptið vorum við fjögur sem fengum okkur humarsúpu.  Ég er mikið fyrir humarsúpu og hélt að ég væri búinn að smakka allar bestu útgáfur af humarsúpu,  bæði innanlands og utan.  Humarsúpan Við fjöruborðið toppaði allt.  Bragðsterk með mildu tómatbragði og góðu langvarandi eftirbragði. 

  Súpan fyrir okkur fjögur var borin fram á súpudiskum með 3 - 4 stórum humrum.  Jafnframt var borin fram súpuskál með vænum skammti af humrum svo vel útilátin að okkur var um megn að klára úr skálinni.  Meðlæti var brauð bakað á staðnum,  hvítlauksdressing og eitthvað fleira sem ég smakkaði ekki.  Þegar gekk á hvítlauksdressingu bætti þjónninn annarri skál af henni við.

  Daginn eftir var humarsúpa í forrétt og humar í aðalrétt.  Meðlæti var blandað grænmeti af ýmsu tagi í mörgum skálum,  kartöflur og fleira.  Humarinn var borinn fram í stórri skál sem við skömmtuðum okkur sjálf af.  Þegar minnkaði í skálinni var bætt við.  Þetta var "eat as much as you can".   

  Humarinn var ferskur og snöggsoðinn.  Dálítil handavinna var að "fiska" hann úr skelinni sem gerði dæmið bara skemmtilegra.  Við fengum blauta klúta til að þrífa á okkur puttana eftir frábæra máltíð.

  Við fjöruborðið á Stokkseyri er tvímælalaust einn albesti veitingastaður landsins.  Ég hlakka til að fara aftur á þennan stað og hlakka til að bjóða útlendingum upp á veitingastað sem er á heimsmælikvarða.    

www.fjorubordid.is 

 

Athugasemdir

[Hannes, 13.8.2009 kl. 00:21]

Kannski ég renni þangað við tækifæri enda fátt betra en góð humarsúpa.

[S. Lúther Gestsson, 13.8.2009 kl. 00:29]

Ég hef heyrt fólk gefa fjöruborðinu 6 stjörnur af 5, svo mér finnst þú léttvægur.

[Jóna Kolbrún Garðarsdóttir, 13.8.2009 kl. 00:57]

Ég fékk vatn í munninn við það að lesa bloggið þitt núna, svo kíkti ég á verðin og matseðlana.  Næst þegar ég fer austur fyrir fjall kem ég við þarna, humar er það besta sem ég veit, nammm, nammmm.

[Gjagg (IP-tala skráð) 13.8.2009 kl. 09:42]

Jú satt er nú thad.  Súpan tharna er rosalega gód....ég veit hvad notad er í súpuna sem gerir hana svona rosalega góda.....ég sá hvad sett var í pottinn.  Ég sá cirka 25 lítra pott á eldavélinni og sá ég thegar leyniuppskriftin var framkvaemd.

Thad kom mér nokkud á óvart hvad notad var í thessa sérstaklega gódu humarúpu.  Thad sem ég sá (enginn vissi ad ég var ad horfa á thegar súpan var eldud...en ég sá allt saman)  thad sem var notad í thessa humarsúpu var nefninlega Heinz tómatsósa og mikid af henni.  Bródurparturinn úr einni stórri Heinz tómatsósuflösku.  Gaeti trúad ad í stóra pottinn vaeri sett 0,75 l. af Heinz tómatsósu.  Thetta kom mér audvitad MJÖG á óvart....engu ad sídur...súpan var sérstaklega gód.

[Óskar Þorkelsson, 13.8.2009 kl. 13:58]

'Eg hef heyrt svipaðar sögur frá fjöruborðinu. !

tómasósa eða tómatpúrré dregur fram humarbraðið.. og mildar súpuna svo hún verður bragðgóð.  

[Jens Guð, 13.8.2009 kl. 15:05]

  Hannes,  þú færð hvergi betri humarsúpu.

[Jens Guð, 13.8.2009 kl. 15:11]

  Sigurður Lúther,  ég er að öllu jöfnu spar á stjörnur.  Sama hvort ég skrifa um músík,  kvikmyndir eða veitingastaði.  Ég finn ekkert of eða van við humarveisluna í Við fjöruborðið.  Bara fullkomin máltíð í alla staði.  Þetta er í fyrsta skipti sem ég gef veitingastað 5 stjörnur.

[Jens Guð, 13.8.2009 kl. 15:12]

  Jóna Kolbrún,  ég fær sjálfur vatn í munninn við að rifja upp humarveisluna.

[Jens Guð, 13.8.2009 kl. 15:17]

  Gjagg,  svo Heinz tómatsósa er stóra leyndarmálið á bakvið súpuna þarna.  En það er líka eitthvað krydd sem gefur skarpt bragð.  Ég þori ekki að giska á hvort það sé blanda af pipar og paprikudufti eða eitthvað annað.

[Jens Guð, 13.8.2009 kl. 15:34]

  Óskar,  þau eru ekki alltaf flókin leyndarmálin á bak við bestu réttina.

[Gjagg (IP-tala skráð) 13.8.2009 kl. 16:33]

Já herra J. Gud....thad hefur náttúrulega verid blódbergid (tímíanid) sem átti hlut í thví ad "spíssa upp" bragdid...ásamt theim kryddum sem thú nefnir hér ad ofan.

[Gjagg (IP-tala skráð) 13.8.2009 kl. 18:48]

Já og svo sá ég ad ófáir dropar af hinni ómissandi og bragdsterku Tabasco sósu var hellt í.

[Gjagg (IP-tala skráð) 13.8.2009 kl. 18:49]

ófáum dropum

[Oddi, 13.8.2009 kl. 22:10]

Fjöruborðið á Fésbókinni - http://www.facebook.com/group.php?gid=30667434962&ref=ts

[Jens Guð, 13.8.2009 kl. 22:22]

  Gjagg,  þú ert kominn langleiðina með að ljóstra upp allri uppskriftinni.  Hehehe!

[Jens Guð, 13.8.2009 kl. 22:24]

  Oddi,  bestu þakkir fyrir hlekkinn.

[Óskar Þorkelsson, 14.8.2009 kl. 01:26]

Ég fór í kvöld á Íslenska barinn við austurvöll í kvöld, fékk mér hrefnusteik.. einstaklega ljúffeng og ég get hiklaust mælt með henni.

[Jens Guð, 14.8.2009 kl. 19:57]

  Óskar,  ég þarf að leita þennan Íslenska bar við Austurvöll uppi.  Fátt er betra en snöggsteikt hrefna.

[Hannes, 14.8.2009 kl. 22:52]

Hrefnukjöt er virkilega gott kjöt og ekki dýrt heldur. Ég grilla hana yfirleitt. nammi namm.

[Jens Guð, 14.8.2009 kl. 23:11]

  Hannes,  ég hef aldrei prófað að grilla hrefnu.  Verð að prófa það. 

[Hannes, 15.8.2009 kl. 01:32]

Ég mæli með því og passa sig á að grilla hana alls ekki of mikið enda best lítið elduð.