Heimssögulegur viðburður í kvöld

  Nú er stóra stundin að renna upp.  Hljómsveitin goðsagnakennda Mosi frændi treður upp á Grand Rokk við Smiðjustíg klukkan 21.00 í kvöld - eftir 21.  árs hlé!  Gestasöngvarar verða Páll Óskar Hjálmtýsson,  Felix Bergsson,  Hjalti Stefán Kristjánsson og Þorsteinn Joð.  Þorsteinn mun kannski ekki syngja svo mikið heldur fara með texta í laginu sívinsæla um Kötlu köldu.

  Meðfylgjandi myndbandsbútar eru úr heimildarmynd um Mosa frænda.  Hér eru fleiri bútar:  http://www.youtube.com/watch?v=2vttMxLPLks&feature=related

 

Athugasemdir

[S. Lúther Gestsson, 13.8.2009 kl. 18:04]

Heimsögulegur viðburður???....Alveg rólegur kallinn.

Þegar stæðsti hluti þjóðarinnar hefur ekki grænan grun um hverjir Mosi Frændi eru,  þá er ekki um stórviðburð að ræða. Það veit ég fyrir víst að Mosdal er frægari, reyndar eruð þið nauðalíkir s.b myndina af þér að ofan.

Nú slöppum við bara af í Thule-inum og öndum með nefinu.

[GG (IP-tala skráð) 13.8.2009 kl. 22:15]

Er þetta ekki innsláttarvillur - ætlaðirðu ekki að hafa fyrirsögnina "Heimskulegur viðburður í kvöld"?

[Jens Guð, 14.8.2009 kl. 00:17]

  Sigurður Lúther,  þegar ég setti í fyrirsögn "Heimssögulegur viðburður"  var ég undir áhrifum frá frétt af því er íslenskir guttar úr Landhelgisgæslunni duttu um gamlar ryðbrunnar bandarískar sinnepstúpur í Írak.  Kvótakóngurinn Halldór Ásgrímsson túlkaði atburðinn þannig að Íslendingar hefðu fundið meint gjöreyðingavopnabúr Íraka.  Halldór sagði við það tækifæri að hann hafi ALLTAF vitað að Írakar lumuðu á gereyðingavopnabúri.  Hann sagði þetta vera heimssögulegan viðburð.  Raunveruleikinn var hinsvegar sá að um var að ræða úrelt drasl frá stríði Íraka gegn Írönum mörgum árum áður.

  Ég ætla að flestir Íslendingar á okkar aldri kannist við Mosa frænda.  Hljómsveitin átti vinsælasta lag ársins 1988,  Katla kalda.  Lag sem enn í dag er talið eitt það besta/áhugaverðasta í íslensku rokksögunni (samanber skoðanakönnun til vinstri á bloggsíðu minni).

[Jens Guð, 14.8.2009 kl. 00:18]

  GG,  þetta var ekki innsláttarvilla.