Gott ráð

 

  Ég fór á veitingastað.  Við næsta borð sátu tvær konur.  Af aldri þeirra og orðum mátti ráða að þær væru mæðgur.  Dóttirin fékk símtal.  Auðheyrt var að hringjandinn var að boða bíl hennar á verkstæði.  Er símtalinu lauk tjáði hún mömmu sinni frá því að bíllinn færi á verkstæði daginn eftir og verði þar að minnsta kosti í tvo daga.

  "Hvernig ferðu þá að með börnin?" spurði mamman kvíðin.  Dóttirin sagðist ekki vita það.  Hún hefði engan pening til að taka leigubíl.  Þær mæðgur vandræddust yfir þessu í góða stund og veltu fyrir sér ýmsum möguleikum,  sem gengu ekki upp þegar betur var að gáð.

  Allt í einu glaðnaði yfir dótturinni og hún segir:  "Ég fæ bara bíl lánaðan á einhverri bílasölu."

  Mamman hafði efasemdir um þessa lausn.  En dóttirin var sannfærð.  Allt væri frosið á bílasölum.  Það færi illa með bílana að láta þá standa óhreyfða mánuðum saman.  Bílasalar myndu taka því fagnandi að einhver vildi liðka gamlan bíl fyrir þá.

  Konan hringdi í 118 og bað um að sér yrði gefið samband við einhverja bílasölu í Reykjavík.  Það gekk lipurt fyrir sig.  Konan kynnti sig og bar upp erindið.  Bílasalinn spurði greinilega hvort viðgerð á bíl hennar tengdist bílasölu sinni á einhvern hátt.  Nei,  bílinn var í viðgerð á verkstæði úti í bæ og hún hafði bara hringt í einhverja bílasölu af handahófi. 

  Bílasalinn tók erindinu illa.  Konan þuldi upp fyrir hann sömu rök og hún hafði áður sagt mömmu sinni.  Allt kom fyrir ekki.  Er símtalinu var lokið án árangurs stundi konan undrandi og hneyksluð:  "Djöfull sem bílasalar eru hrikalega heimskir!"

Athugasemdir

[Þorsteinn Briem, 18.8.2009 kl. 04:40]

Fólk getur tekið strætó, eins og Ómar Ragnarsson.

Að vísu tekur Ómar Ragnarsson ekki strætó en hann getur það.

Ef hann bara vill.

Þannig er það nú í pottinn búið.

[Sverrir Einarsson, 18.8.2009 kl. 09:03]

Ertu alveg brjál Steini, ef konan fer með krakkana í strætó þá gæti hún þurft að passa þá SJÁLF á meðan ferðinni stendur í staðin fyrir að geta ólað börnin niður og "haft engar áhyggjur"......skil ekkert í þér að koma með þessa tillögu.

[Gjagg (IP-tala skráð) 18.8.2009 kl. 16:35]

Já Jens....thegar menn borda stödugt á veitingastödum thurfa their ad sitja undir svona heimskulegum samtölum.  Thetta verdur kannski til thess ad thú farir ad elda heima?

Ímyndadu thér: Slappa af heima og elda og samtímis geta hlusta á pönk eda einhverja snilldartónlist frá Faereyjum.  Tala nú ekki um sparnadinn og hollustuna.

[doddý, 18.8.2009 kl. 19:49]

þarna eru þær - konurnar tvær sem sitja við borð (eftir að þær voru búnar að vera þögular). þú heppinn jens að þær væru íslenskar en ekki ítalskar, annars hefðir þú kannski misst af þessu gulli ! kv d (nema þú kunnir ítölsku og allskonar mál)

[Hannes, 18.8.2009 kl. 22:50]

Konur ekki hægt að búa með þeim og ekki hægt að drepa þær heldur. Ekki er ég hissa á að bílasalinn hafi skellt á enda ekki hans vinna að lána bílana heldur selja þá. Éf ég hefði verið bílasalinn þá hefði ég bent henni á að hringja á geðdeild landsspítalann og leggjast þar inn.

[Helga Kristjánsdóttir, 19.8.2009 kl. 01:19]

 Köld eru kvenna ráð; Neee Jens!getur þú ekki skutlast með mig.

[doddý, 21.8.2009 kl. 13:40]

sveik fannst geðdeildin notalegur staður - hann fékk ekki lánaðan bíl en var borin á milli staða og baðaður eins og ungbarn. kv d

[jonas (IP-tala skráð) 23.8.2009 kl. 16:20]

Bílasalar mega ekkert lána annarra manna bíla.

Borða heima hjá sér er líka ódýrara heldur en að borða á skyndibitastað.  Hún hefði geta tekið leigara fyrir þann pening.

kv