Hugljúf saga fyrir svefninn

  Þessi saga er sögð vera sönn.  Hún segir frá Sallý sem var að keyra heim til sín eftir sölutúr um Norður-Arizona.  Þá kom hún auga á aldraða Navajo-indíánakonu sem gekk hægt eftir vegarkantinum.  Sallý stoppaði bílinn og bauð Navajo-konunni far.  Hún kinkaði kolli án þess að segja neitt og settist þakklát inn í bílinn.

  Sallý reyndi að hefja samræður en sú gamla var ekki ræðin.  Hún svaraði játandi með því að kinka kolli eða neitandi með því að hrista höfuðið.  Hinsvegar virti hún áhugasöm innréttingu bílsins fyrir sér hátt og lágt,  líkast til óvön að sitja í fínum bíl.  Skyndilega varð þeirri gömlu starsýnt á brúnan bréfpoka sem var skorðaður við hliðina á ökumannssætinu.  Forvitni hennar leyndi sér ekki.  Sallý benti á pokann og sagði:  "Þetta er koníaksflaska sem ég fékk fyrir kallinn minn."

  Navajo-konan varð undrandi á svipinn.  Svo kinkaði hún samþykkjandi kolli og sagði:  "Góð skipti."

 

Athugasemdir

[Sigrún Óskars, 31.8.2009 kl. 00:10]

góð saga fyrir svefninn

[Óskar Þorkelsson, 31.8.2009 kl. 00:21]

ha ha , takk takk

[Hannes, 31.8.2009 kl. 00:40]

Hehehe. Ég mun alltaf taka vindil og Koníak fram yfir pyntargarvélar (konur) enda ekkert nema vesen sem fylgir þeim.

[Steingrímur Helgason, 31.8.2009 kl. 01:48]

Alltaf gaman að zjá góðar færzlur vel endurunnar...

[Fríða Eyland, 31.8.2009 kl. 10:14]

[jonsi (IP-tala skráð) 31.8.2009 kl. 10:24]

og hva svo?

[Jens Guð, 31.8.2009 kl. 19:10]

  Sigrún,  takk fyrir innlitið.

[Jens Guð, 31.8.2009 kl. 19:11]

  Óskar,  takk fyrir innlitið.

[Jens Guð, 31.8.2009 kl. 19:17]

  Hannes,  það er nefnilega svo heppilegt með vindla og koníak að þeim fylgja engin vandamál.

[Jens Guð, 31.8.2009 kl. 19:20]

  Steingrímur,  ég fékk þessa sögu senda og þótti hún krúttleg.  Ég hef ekki heyrt söguna áður. 

[Jens Guð, 31.8.2009 kl. 19:21]

  Fríða,  takk fyrir innlitið.

[Jens Guð, 31.8.2009 kl. 19:28]

  Jónsi,  síðan reyndi Navajo-konan að skipta á sínum kalli og koníaksflöskunni.  Sallý var ekki til í það.  Þetta endaði með rifrildi og Sallý henti þeirri gömlu út úr bílnum.  Svo þjösnalega að sú gamla handleggsbrotnaði.  Um leið og Sallý ók burt náði gamla konan að grýta steini í gegnum afturrúðuna í bílnum.  Það gerði hún ekki með brotnu hendinni heldur hinni.

[laggi (IP-tala skráð) 31.8.2009 kl. 19:38]

Góð saga.

[Jens Guð, 31.8.2009 kl. 20:06]

  Laggi,  þetta er svona notaleg saga frá útlöndum.

[Hannes, 31.8.2009 kl. 22:14]

Þar er ég sammála þér. Eini gallin er krabbi og hjartasjúkdómar sem fylgja vindlunum en konur geta líka drepið mann.

[Halla Rut , 2.9.2009 kl. 01:17]

Ha ha