Einföld aðferð til að afhjúpa óheiðarlega

  Mótel eða gistiheimili eru ódýr og ágætur kostur fyrir einhleypa.  Mánaðarleiga á herbergi er 20 - 40 þúsund kall (fer eftir stærð og staðsetningu).  Herbergin eru búin helstu húsgögnum.  Eldhús,  setustofa,  þvottavél,  baðherbergi,  sturtur og þess háttar eru sameiginleg.  Stundum myndar hópur leigjenda einskonar eina stjóra fjölskyldu.  Fólk hlustar saman á músík,  skiptist á tölvuleikjum,  fer saman í bíó eða á pöbbinn,  eldar saman;  kunningjahópar viðkomandi sameinast og svo framvegis.  Fólk lánar hvert öðru pening,  bjór,  DVD,  bíl og þess háttar.

  Inn á gistiheimilin slæðist einnig óheiðarlegt fólk.  Það stelur úr ísskápum,  stelur skóm,  tímaritum í áskrift og fleiru.  Það er til einfalt ráð sem afhjúpar óheiðarlega fólkið:  Margir geyma sjampóbrúsana sína í sturtuaðstöðunni.  Óheiðarlega fólkið stelst í sjampó annarra.  Trixið er að hræra háreyðingarkremi saman við sjampóið.  Ekki miklu háreyðingarkremi.  En nóg til þess að hár óheiðarlega fólksins þynnist frekar hratt.  Þá leynir sér ekki hver er óheiðarlegur.  Þetta er pottþétt og virkar alltaf.  Og mjög fyndið að auki.

Athugasemdir

[Jóna Kolbrún Garðarsdóttir, 2.10.2009 kl. 20:44]

Þetta er þjóðráð hjá þér Jens

[Jens Guð, 2.10.2009 kl. 21:09]

  Jóna Kolbrún,  þetta ráð er líka bráðskemmtilegt.  Óheiðarlegt fólk skemmir svo svakalega fyrir félagsskap sem annars getur verið mjög ánægjulegur.  Eftir að ég skildi fyrir nokkrum árum fór ég á gistiheimili og hugsaði það til bráðabirgða.  Reynslan af gistiheimili er hinsvegar svo góð að ég hætti við að hugsa það sem bráðabirgðadæmi. 

  Eitt sinn leigði ég í gistiheimili á Funahöfða 7.  Þar lék þjófur lausum hala.  Hann var svo kræfinn að þegar einn var að steikja sér tvær kjötsneiðar á pönnu og brá sér frá í hálfa mínútu var búið að stela annarri kjötsneiðinni er hann snéri til baka.  Ég var snöggur að finna út hver viðkomandi var með ofangreindri aðferð.  Sá drengur varð gott aðhlátursefni þegar hár hans þynntist hratt og ég upplýsti aðra á gistiheimilinu hvað var í gangi.

[Hannes, 2.10.2009 kl. 23:25]

Skemmtileg hugmynd hjá þér Jens og ég þarf að setja skeggeyðingarkrem í sjampóið þitt.

[Jens Guð, 2.10.2009 kl. 23:41]

  Hannes, það vill svo skemmtilega til að ég er bæði að selja sjampó (hágæða Fruit of the Earth Aloe Vera) og háreyðingakrem.  Ég er á heimavelli í þessu dæmi.  Af reynslu mæli ég þó frekar með að við sköfum skegg burt með hefðbundinni Gillette sköfu.  Ég ætla þó að að halda yfirvararskegginu.  Hitt er of mikið "moj".   

[Hannes, 2.10.2009 kl. 23:48]

Jens ég myndi frekar nota brennisteinssýru en sköfu en mun hvorugu hleypa nálagt mínu skeggi,

[Jóna Kolbrún Garðarsdóttir, 3.10.2009 kl. 00:53]

Hér er annað þjóðráð, ef matur hverfur t.d súrmjólkin væri tilvalið að bæta smá laxerolíu í hana og sökudólgurinn væri fundinn á klósettinu ekki löngu seinna. 

[Gjagg (IP-tala skráð) 3.10.2009 kl. 10:33]

Sveinn Pálsson

Sveinn hinn Ungi

Fannst thetta svolítid fyndid hjá SHU

[Ómar Ingi, 3.10.2009 kl. 13:05]

Þetta er jafn sorglegt og SHU.

[Jens Guð, 3.10.2009 kl. 13:51]

  Hannes,  ég þekki ekki hvernig brennisteinssýra virkar á skegg.  Að óreyndu er ég hræddur við hana.

[Jens Guð, 3.10.2009 kl. 13:53]

  Jóna Kolbrún,  þetta er gott ráð.  Mig rámar í að fyrir nokkrum áratugum hafi þjófur í verbúð úti á landi verið veiddur í svona gildru.

[Jens Guð, 3.10.2009 kl. 13:54]

  Gjagg,  þetta er sniðugt hjá Hinum unga.

[Jens Guð, 3.10.2009 kl. 13:55]

  Ómar Ingi,  þetta er sorglegt en fyndið.

[Hannes, 3.10.2009 kl. 14:45]

Jens ég myndi persónulega ekki nota brennisteinssýru á andlitið. Það eina sem ég hef notað hana í nýlega var til að leysa stíflu. Stíflueyðirinn var 96% Brennisteinsýra og eg heyrði hana éta sig gegnum stífluna.

[Gjagg (IP-tala skráð) 3.10.2009 kl. 15:24]

Hraedileg tilfinning ad hnupla í verslun....óviljandi.  Ég var staddur í Grikklandi í litlum bae sunnarlega í landinu.  Thetta var frekar snemma morguns og ég var ekki almennilega vaknadur eftir skemmtilegt kvöld.  Vid vorum ad fara í pikknikk og ég thurfti ad kaupa ýmislegt í sambandi vid thad.  Yfir öxl mína hafdi ég hlidartösku.  Fór inn í verslun svipada ad staerd og Bónusverslun.  Tók innkaupakörfu med mér.  Tók kavíartúbu úr hillunni og stakk henni beint í TÖSKUNA!! ...thad leid ein sekúnda og hvílíkt sjokk sem ég fékk thegar ad ég áttadi mig á thví havad ég hafdi gert...í miklu taugaveiklunarlegu ástandi hrifsadi ég kavíartúbuna upp úr töskunni og setti í innkaupakörfuna.  Thetta var skelfileg reynsla...sem ég held ad ég einn hafi verid vitni ad...en ég var samt rosalega skömmustulegur thegar ég stód vid kassann og borgadi fyrir vörurnar.

[Finnur Bárðarson, 3.10.2009 kl. 17:06]

Það léttir lund að koma hingað, þetta með brennisteinssýruna er magnað :):):)

[Jens Guð, 3.10.2009 kl. 18:47]

  Hannes,  mér virðist sem öruggast sé að halda sig fjarri brennisteinssýru.  Rannveig Rist fékk dropa af einhverri svona sýru undir annað augað í vikunni,  sýran át sig strax í gegnum holdið og skilur eftir ævilangt ör.

[Jens Guð, 3.10.2009 kl. 18:50]

  Gjagg,  ég stal slatta úr búðum þegar ég var unglingur.  Aðallega hljómplötum.  Það kom sér vel síðar þegar ég rak plötubúð.  Þá kannaðist ég við taktana og trixin.

[Jens Guð, 3.10.2009 kl. 18:50]

  Finnur,  hér er fjörið.

[Hannes, 3.10.2009 kl. 19:09]

Jens. Maður á ekki að kaupa sýru eða meðhöndla nema maður þurfi á henni nauðsýnlega að halda.

[Þorsteinn Briem, 3.10.2009 kl. 20:25]

Á kinn hún vel var kysst,
kella upp þar hrist,
og rúnum nú er rist,
reið með Oliver Twist.

[Jens Guð, 3.10.2009 kl. 23:49]

  Hannes,  mjólkursýra (mysa) er undantekning.  Hún er virkilega svalandi.  Þegar ég var krakki í útjaðri Hóla í Hjaltadal fjarri gosdrykkjum var fátt betra á heitum sumardögum en mysa.

[Jens Guð, 3.10.2009 kl. 23:50]

  Steini,  það er frábært að þú sért aftur farinn að yrkja vísur hér.  Vísurnar þínar eru alltaf mikil skemmtun.

[Sigurbjörg Sigurðardóttir, 4.10.2009 kl. 14:02]

[Jens Guð, 4.10.2009 kl. 14:10]

  Sigurbjörg,  takk fyrir innlitið.

[Ingvar Valgeirsson, 7.10.2009 kl. 14:13]

Jens, ég gerði þetta einu sinni. Bjó á svona gistiheimili á Háteigsveginum og þar sem annaðhvort var svarthol í sjampóbrúsanum mínum eða þjófur í einu herberginu brá ég á þetta ráð, en háreyðingakremið fékk ég hjá stúlku í næsta herbergi - ég var viss um að hún var ekki bófinn, því hún brúkaði sérinnflutt hampsjampó (hampó?). Frönsk stúlka á einu herberginu varð gríðarþunnhærð og ógeðfelld samdægurs. Ég viðurkenndi þetta að sjálfsögðu ekki og harðneitaði, sagðist aldrei myndi beita svona lúalegu bragði... og hló inni í mér meðan hún grenjaði úr sér augun.

Það var reyndar ekki sjampóþjófnaðurinn sem í upphafi gerði mig fúlan, heldur það að bjórinn minn í sameiginlegum ísskáp íbúa hvarf ískyggilega oft og samskonar bjórdósir birtust tómar í rusli úr herbergi þeirrar frönsku. Sem sýnir að það er hreinlega óhollt að stela bjór af tónlistarmönnum.

[Jens Guð, 7.10.2009 kl. 19:06]

  Ingvar,  það er nefnilega þetta með sjampóið:  Sjampó er ódýr vara.  Þannig lagað.  Einn gusa í hárið kostar kannski 1 - 2 krónur.  Manni er þess vegna ekki sárt um að einhver stelist í sjampóbrúsann.  Hinsvegar er þjófnaður á sjampó tákn um virðingaleysi gagnvart eignum annarra og frekja.  Sá sem stelur sjampói stelur nefnilega líka bjór og ýmsu öðru.  Og er ótrúlega bíræfin/n.

  Fátt er meira pirrandi en eiga 10 dósa kassa af bjór inn í ísskáp,  vera kominn í réttu stemmninguna fyrir að fá sér nokkra kalda en uppgötva að 5 - 6 dósum hefur verið stolið.