Stórfurðulegur göngumáti

  Þessi vesalingur ólst upp á óróleika jarðskjálftasvæði.  Fyrir bragðið lærði hann ekki að ganga eins og annað fólk.  Þess í stað færir hann sig um set með þeim furðulega hætti sem sjá má í meðfylgjandi myndbandi.  Þetta vekur kátínu hjá þeim sem á vegi hans verða.  Það er að segja öðrum en þeim sem hann bókstaflega hittir fyrir.  Þeir árekstrar geta orðið blóðugir og ljótir.  Af tillitssemi við börn og viðkvæma hafa þannig senur verið klipptar úr myndbandinu.  Maðurinn er stórhættulegur umhverfi sínu og ástæða til að vara fólk við að reyna að leika háttsemi hans eftir.     

Athugasemdir

[Númi (IP-tala skráð) 4.10.2009 kl. 00:45]

Ég sem varla get farið kollhnís án þess að fá kúlu.Kraftar í kögglum þarna.

[Jens Guð, 4.10.2009 kl. 00:50]

  Númi,  þetta eru vissulega hressileg tilþrif hjá kauða.

[Hulda Haraldsdóttir, 4.10.2009 kl. 05:35]

Við getum nú ekki kallað þetta göngumáta Jens, kannski ferðamáta í besta falli     og varðandi greiðsluverkallinu Jens minn þá get ég reddað óheppni þinni alveg í hvelli bara spurning hversu miklar skuldir þú viljir fá,  alveg minnsta mál í heimi, það er svo leiðinlegt fyrir þig að geta ekki verið með okkur hinum aumingjunum

[Jens Guð, 4.10.2009 kl. 10:26]

  Hulda,  hvernig gengur?  Sögnin að ganga vísar til hreyfingar í víðtækri merkingu:  Laxinn gengur í ána;  síldin gengur austurfyrir land;  klukkan gengur;  námið gengur vel;  strætó gengur á 20 mín.  fresti;  kjaftasaga gengur á milli manna;  jörðin gengur umhverfis sólina;  fólk lætur dæluna ganga;  svínaflensa gengur...

  Þú ert sennilega með í huga orðið  fótgangandi.   

  Ég kann ekkert á skuldir og er dauðhræddur við svoleiðis fyrirbæri.  Reglan hjá mér er að staðgreiða alla hluti eða borga þá fyrirfram.  Ég hef hvatt syni mína og annað ungt fólk til að stofna ekki til skulda.  Hvorki vegna húsnæðiskaupa eða bílakaupa.  Nú hrósa þeir happi sem fóru að mínum ráðum.

[Linda Linnet Hilmarsdóttir, 4.10.2009 kl. 13:24]

Innlitskvitt og ljúfar kveðjur.....

[Jens Guð, 4.10.2009 kl. 13:38]

  Linda mín,  knús á þig.

[Hannes, 4.10.2009 kl. 13:59]

Gaman að sjá einhvern skoppa svona á milli staða. Ég myndi bara hálsbrjóta mig.

Má bjóða þér að fá íbúðarlánið mitt?  Það er ekki í vanskilum eða neitt og hefur alltaf verið greitt á réttum tíma. Verðtryggt hjá íbúðarlánasjóði.

[Sigurbjörg Sigurðardóttir, 4.10.2009 kl. 13:59]

váaaaa,hvað er hægt að gera með líkamanum,og ég sem sit alltaf í stólnum og er líka löt.Jammm skammast mín pínulítið.

[Jens Guð, 4.10.2009 kl. 14:05]

  Hannes,  vegna þeirrar grundvallarreglu minnar að skulda ekki er betra að þú haldir íbúðarláninu.  Ég skal hinsvegar þiggja íbúðina. 

[Jens Guð, 4.10.2009 kl. 14:08]

  Sigurbjörg,  það er í raun enginn vandi að hoppa svona eins og kjáni út um allt.  En áreiðanlega frekar þreytandi.  Enda sefur þessi maður eins og ungbarn megnið af sólarhringnum.  Það er að segja í barnavagni og með snuð.

[Hannes, 4.10.2009 kl. 14:12]

Jens þú getur fengið lánið en ekki íbúðinna nema þú takir lánið og borgir 6-7miljónir á milli.

[Sigurbjörg Sigurðardóttir, 4.10.2009 kl. 14:33]

[Jens Guð, 4.10.2009 kl. 15:04]

  Hannes,  ég get ekki brotið gegn grundvallaratriðunu:  Að skulda ekki.  Hitt grundvallaratriðið er að þiggja það sem að mér er rétt;  hvort sem það er bjór,  sviðakjammi eða íbúð.

[Jens Guð, 4.10.2009 kl. 15:05]

  Sigurbjörg,  það er slatti af flottum lögum í tónspilaranum þínum.

[J. Einar Valur Bjarnason Maack , 4.10.2009 kl. 15:51]

Parkour er æðislegt sport og ógeðslega gaman að því.

Þetta er eins og þegar maður stytti sér leið gegnum garða sem krakki, nema með mun meiri krafti...

[Jens Guð, 4.10.2009 kl. 17:38]

  Einar Loki,  það er sem sagt til nafn á þessum gangi.

[J. Einar Valur Bjarnason Maack , 4.10.2009 kl. 20:09]

Parkour/street jumping/free running. Er franskt fyrirbæri að uppruna. Það hafa verið gerðar heilu bíómyndirnar um menn sem stunda þetta, sbr arfa slaka heilatyggjóið Yamakazi  frá upphafi þessarar aldar.

http://www.youtube.com/watch?v=x98jCBnWO8w <-þarna má sjá upphafsmann þessarar íþróttar, sem best má lýsa sem götufimleikum sýna listir sínar.

 Ég vil frekar horfa á svona íþróttir en t.d. formúluna.

[Jens Guð, 4.10.2009 kl. 20:46]

  Einar Loki,  bestu þakkir fyrir þennan fróðleik og hlekkinn.  Ég hafði aldrei heyrt á þetta minnst (svo ég tæki eftir).

[Hulda Haraldsdóttir, 4.10.2009 kl. 23:53]

OK.  segjum það 

[Hannes, 4.10.2009 kl. 23:59]

Jens ég reyni að forðast skuldir eins og heitan eldinn enda er eina lánið sem ég hef tekið um ævina íbúðarlánið.