Hulunni svipt af leyndarmálinu

  Næst síðasti forseti Bandaríkja Norður-Ameríku heitir Georg W.  Brúskur.  Margar sögur eru til af símtölum hans við bandaríska embættismenn og útlenda stjórnmálamenn.  Flestar eiga þær sammerkt að þær einkenndust af misskilningi á misskilning ofan.  Fyrir það fyrsta var rödd Brúsks eins og í fjarlægð.  Í annan stað áttu viðmælendur erfitt að greina hvort eða hvenær Brúskur var að svara spurningum þeirra eða hvort hann var að tala um eitthvað allt annað.

  Íslenskir stjórnmálamenn lentu ítrekað í vandræðalegum símtölum við Brúsk.  Þeir sömdu við hann um að hafa tiltekinn fjölda herþotna á Miðnesheiði um ókomna framtíð.  Íslenskir fjölmiðlar voru ekki fyrr búnir að slá frétt þessa efnis upp en Brúskur kallaði herþoturnar frá Íslandi.

  Því næst sömdu íslenskir stjórnmálamenn við Brúsk um að bandarískur her yrði í Keflavík næstu áratugi.  Fréttatilkynningar um að Brúskur hafi tekið erindinu vel höfðu ekki fyrr birst í fjölmiðlum en Brúskur fjarlægði bandaríska herinn frá Íslandi.

  Nú hafa ljósmyndir lekið í umferð sem útskýra hvers vegna símtöl við Brúsk voru út í hött.  Hér er eitt dæmi:

  Brúskur er einnig þekktur fyrir að sjá aldrei annað en myrkur þegar hann horfir í kíki.  Þetta vandamál hefur fylgt honum frá unglingsárum:

  Nú er spurning hvort Barack Hussein Obama og Hillary brúka þessi flóknu verkfæri öðruvísi? 

Clinton bjartsýn á lausn í Afganistan

Athugasemdir

[Ásthildur Cesil Þórðardóttir, 20.10.2009 kl. 08:40]

Mér hefur líka sýnst á myndum að hann lesi teiknimyndabækur og það á hvolfi. 

[Inside Bilderberg (IP-tala skráð) 20.10.2009 kl. 17:02]

Mikið rétt, hann var að lesa fyrir börnin úr bók á hvolfi þegar honum voru færðar fréttirnar af því að allt væri samkvæmt áætlun með árásirnar á tvíburaturnana, teningunum væri kastað. http://www.youtube.com/watch?v=Sm73wOuPL60&feature=fvw

[Jens Guð, 20.10.2009 kl. 23:53]

  Ásthildur,  Brúskur sagði sjálfur að það besta við bækur sé að í sumum þeirra séu stundum skemmtilegar myndir.  Það hefur aldrei skipt hann máli hvernig bækurnar snúa.  Myndirnar eru líka skemmtilegar á hvolfi.

[Jens Guð, 20.10.2009 kl. 23:58]

  Inside,  Brúskur þurfti ekki að snúa bókinni rétt.  Hann kunni söguna "Mary Had a little Lamb".  Þetta er uppáhalds sagan hans.  Einkum þykir honum gaman að skoða myndirnar,  hvort sem er á hvolfi eða á hlið.  Skemmtilegast þykir honum þó að lita myndirnar.