Bráðnauðsynlegt að hafa í huga

  Nú er rétti tíminn til að undirbúa jólafríið í útlöndum og skipuleggja sumarfríið.  Flestir setja stefnuna á Pakistan.  Þar er alltaf fjör og margt skemmtilegt að sjá.  Ef heppnin er með getur maður rekist á hressa Talibana.  Það væri ekki ónýtt að hitta Osama bin Ladin á djamminu og fá eiginhandaráritun hjá honum.  Mér skilst að hann sé skemmtilegur og vinalegur gaur.

  Sólin er heit í Pakistan og fólk getur sólbrunnið ef gleymist að taka Banana Boat sólvörn með.  Þá kemur sér vel að hjólbörur eru ódýrar í Pakistan og gera sama gagn.

  Pakistan er eitt bandarísk-væddasta land í þessum heimshluta.  Hægt er að kaupa nýsteikta hamborgara hvenær sem er alla 25 klukkutíma sólarhringsins.

 

  Ekkert er fínna í Pakistan en Merzedes Benz.  Þar er mikið lagt upp úr að ekki fari á milli mála að bíllinn sé Benz. 

  Mislæg gatnamót í höfuðborg Pakistan,  Islamabad,  eru í lægri kantinum.  Þegar ekið er undir brú með bíla á tveggja hæða vörubílspalli aðlagast bílarnir strax aðstæðum. 

  Pakistanar leggja mikið upp úr því að útlendum ferðamönnum sé auðveldað sem mest má að komast leiðar sinnar.  Í lyftum er tekið fram að hnappur merktur "Upp" tákni að lyftan fari upp og takki merktur "Niður" tákni að lyftan fari niður.

  Pakistanar vita að útlendir snobbaðir ferðamenn sækja í merkjavöru.  Þess vegna hafa Pakistanar á söluborðum úrval af vel þekktri alþjóðlegri merkjavöru.  Þessir vinsælu innikór eru merktir Nokia.  Ég veit ekkert um Nokia en hélt að það væri farsímavörumerki.

  Pakistanar eru vanir að lesa frá vinstri til hægri.  Þumalputtareglan er sú að röð stafanna skipti ekki máli svo framarlega sem fyrsti og síðasti stafurinn í orðinu er réttur.  Pakistanar vita að ferðamenn sæki í fatnað merktum Adidas.

  Ef ég man rétt er Adidas þýskt anti-rasisma vörumerki.  Tveir þýskir bræður framleiddu íþróttaskó.  Annar var nasisti en hinn anti-rasisti.  Sá síðarnefndi,  sem framleiddi Adidas skó,  skóaði bandaríska blökkumanninn sem sigraði í hlaupi á Ólympíu-leikum Hitlers á sínum tíma.  Ég man ekki hvaða fræga vörumerki nasistinn gerði út á.  Ég er viss um að ofbeldismaðurinn Ólafur Klemensson gengur í skóm frá honum.

 

  Í Pakistan er hægt að finna skóla sem eru barnvænir.  Þeir eru merktir sérstaklega.

  Að gefnu tilefni tek ég fram að þessari færslu er ekki ætlað að vera rasísk.  Pakistanar eru fjölmenn þjóð og að uppistöðu til gott fólk.  Vona ég.  Það er í góðu lagi að draga fram broslegar hliðar á sitthverju sem virkar þannig á fordæmafulla Vesturlandabúa.

Athugasemdir

[Halla Rut , 23.10.2009 kl. 00:02]

Búin að kaupa miða fyrir mig og alla fjölskylduna.

[Gunnar Björgvinsson (IP-tala skráð) 23.10.2009 kl. 00:03]

Gúmmístígvélin frá Nokia hafa greinilega ekki hlotið náð fyrir augum Kaupfélags Skagfirðinga....

Klassískur skóbúnaður sem ólíkt símunum þeirra er ekki orðinn úreltur eftir 6 mánuði.

[Stefán (IP-tala skráð) 23.10.2009 kl. 08:35]

Það ætti að senda þennan nasista úr Seðlabankanum ( sá stutti með leðurhanska og vindil ) til Afghanistan.

[Bjarni (IP-tala skráð) 23.10.2009 kl. 09:01]

Bræðurnir framleiddu Adidas og Puma. Puma er þá sennilega rasistamerkið.

 Kveðja, Bjarni

[Ásthildur Cesil Þórðardóttir, 23.10.2009 kl. 09:10]

Ætli ég verði ekki bara heima. 

[Ragna Birgisdóttir (IP-tala skráð) 23.10.2009 kl. 20:57]

Þú ert skemmtilegur Jens:)

[Anna Grétarsdóttir (IP-tala skráð) 23.10.2009 kl. 21:52]

Ætli maður haldi sig ekki bara við Kanarí þessi jólin....

[Jens Guð, 24.10.2009 kl. 23:00]

  Halla Rut,  til hamingju með það.  Þetta voru góð kaup.

[Jens Guð, 24.10.2009 kl. 23:04]

  Gunnar,  takk fyrir þessar upplýsingar.  Ég veit ekki hvort Nokia stígvél voru eða eru seld í KS.  Ég var bara í tékkneskum gúmmískóm.  Þeir dugðu árum saman.  Og lengur ef maður átti dekkjaslöngubætur.

[Jens Guð, 24.10.2009 kl. 23:05]

  Stefán,  honum myndi ganga betur að efna til slagsmála þar en á Austurvelli.

[Jens Guð, 24.10.2009 kl. 23:06]

  Bjarni,  þetta er áreiðanlega rétt hjá þér.

[Jens Guð, 24.10.2009 kl. 23:08]

  Ásthildur,  það er annar möguleiki.  Og ekki síðri.

[Jens Guð, 24.10.2009 kl. 23:09]

  Ragna,  Pakistanar eru miklu skemmtilegri.

[Jens Guð, 24.10.2009 kl. 23:11]

  Anna,  ég hef sannfrétt að þar séu góðir íslenskir fararstjórar.