Ég er meðalmenni

  Mér - og vonandi flestum - hefur alltaf þótt ég vera dálítið skrýtinn.  Það er gaman.  Það eru forréttindi að vera kynlegur kvistur í mannlífsflórunni.  Nú bregður hinsvegar svo við að ég er orðinn meðalmenni.  Þannig háttar að Fréttablaðið leitaði til fjörtíu manns undir því yfirskini að fá úr því skorið hver væri besti bassaleikari,  trommari,  gítaristi,  hljómborðsleikari,  söngvari og söngkona íslensku poppsögunnar.

  Útnefna átti 3 einstaklinga á hverju sviði og raða í sæti.  1. sætið gaf 3 stig og 3ja sætið 1 stig.  Niðurstaðan er birt í Fréttablaðinu í dag.  Þar kemur í ljós að allir hljóðfæraleikararnir sem ég setti í 1. sæti tróna í 1. sætinu.  Ég er því meðalmenni.  Hef sama viðhorf til hljóðfæraleiks og þverskurður fjögurra tuga músíkdellufólks.

  Nánar má lesa um úrslitin hér:  http://vefblod.visir.is/index.php?s=3476&p=81857

Athugasemdir

[Gjagg (IP-tala skráð) 24.10.2009 kl. 15:58]

Gud...thú ert einstakur...eins og allir adrir reyndar.

[TARA ÓLA/GUÐMUNDSD., 24.10.2009 kl. 18:14]

Til hamngju, þú lifir lengi á þessu, kannski endalaust og gleymist jafnvel ekki eftir dauðann ;)

[Jens Guð, 24.10.2009 kl. 22:07]

  Gjagg,  það er mikið til í þessu hjá þér.

[Jens Guð, 24.10.2009 kl. 22:21]

  Tara,  þetta er dálítið tvíbent.  Í aðra röndina er gaman að heildarniðurstaða 40 manns skili sömu útkomu og mitt álit á bestu hljóðfæraleikurum poppsögunnar.  En það væri meira töff að vera allt öðru vísi en þetta lið.   

[TARA ÓLA/GUÐMUNDSD., 24.10.2009 kl. 22:30]

Æ fyrirgefðu elskan, en af hverju, verum bara við sjálf.

[Jens Guð, 24.10.2009 kl. 22:58]

  Tara,  það er ekkert að fyrirgefa (þó ég geti það samt líka).  Ég kann meira að segja textann:  "Vertu þú sjálfur / Gerðu það sem þú vilt..."

[Ingvar Valgeirsson, 25.10.2009 kl. 20:10]

Þessi listi var alveg eins og aðrir svipaðir - flest er ásættanlegt, en sumt annað finnst manni alveg út úr kú.

Þó ekki jafnsúrt og þegar Kurt Kobain lenti í 1. sæti yfir bestu gítarleikara sögunnar.

[Jens Guð, 25.10.2009 kl. 21:53]

  Ingvar,  svona listar eru skemmtilegur samkvæmisleikur.  Meira til gamans gerðir en eitthvað sem á að taka hátíðlegt.  Eitt það skemmtilega við þá er einmitt að sumt er út í hött.  Og vissulega er verulega út úr kú að staðsetja Kurt Cobain sem besta gítarleikara sögunnar.

  Ég er að uppistöðu til sáttur með listann hjá Fréttablaðinu.  Og er pínulítið drjúgur yfir að hafa valið í 1. sæti alla hljóðfæraleikarana sem höfnuðu í 1. sæti.  Ég sá nefnilega val nokkurra þátttakenda þar sem þeir völdu yfirleitt aðra í 1. sætið en áttu það sameiginlegt að setja sigurvegarana í önnur sæti en heildarsamtektin skilaði þessari niðurstöðu.

[Jóna Á. Gísladóttir, 26.10.2009 kl. 00:01]

Ég leitaði að nafninu þínu á lista álitsgjafa. Hafði mestan áhuga á að vita hvort þú hefðir verið í þeim hópi.

En það er eitt í þessu sem ég bara get ekki skilið; hvernig er hægt að setja upp lista yfir bestu söngvara þjóðarinnar og Björgvin Halldórsson er ekki á honum? Burt séð frá því hvort menn hafa smekk fyrir þá tónlist sem Bjöggi hefur flutt í gegnum tíðina, eður ei... 

[Jens Guð, 26.10.2009 kl. 00:12]

  Jóna,  það er fastur liður að ég sé í hópi álitsgjafa þegar svona mikið er í húfi.  Annars væru skekkjumörk í niðurstöðunni meiri en góðu hófi gegnir.

  Þegar upptalning er afmörkuð við 3 einstaklinga í hverjum flokki verða margir útundan sem eiga erindi á svona lista.  Kannski hefði verið sanngjarnara að birta nöfn 10 í hverjum flokki.  Það má spyrja um Bo,  Bubba,  Krumma,  Óðinn Valdimarsson,  Ragga Bjarna,  Birki Fjalar í I Adapt,  Jens í Brain Police,  Bigga í Gyldrunni,  Eirík Hauks,  Bóas í Reykjavík,  Sigga Pönk í Forgarðinum,  Pálma Gunnars o.s.frv.