Splunkuný mynd af Tiger Woods

  Fyrir nokkrum dögum vissi ég ekki hver Tiger Woods var.  Jú,  nafnið hljómaði kunnuglegt og ég held að ég hafi getað sett það í samhengi við golf frekar en körfubolta - ef ég hefði virkilega farið að velta fyrir mér hvers vegna nafnið var kunnuglegt.  En ég var bara ekkert að pæla í því.  Eg fékk um daginn "add" frá Tiger Woods á Fésbók.  Mér hefur verið kennt að sýna varkárni þegar "add" berst frá útlendu nafni.  Það ku vera algengt að um vírus sé að ræða.  Ég sendi skilaboð til baka þar sem ég óskaði eftir nýjustu mynd af manninum.  Ég þekkti hann ekki á myndinni sem fylgdi "addinu".  Hún var greinilega gömul.

  Nú er ég búinn að fá splunkunýja mynd af manninum.  Þetta virðist vera sami maður og er í fréttum þessa dagana fyrir klaufalegt aksturslag,  framhjáhald og annað slíkt sem fylgir gjarnan velgengni í íþróttum. 

 

Tiger segist hafa brugðist fjölskyldu sinni

Athugasemdir

[Kristborg Whitney (IP-tala skráð) 3.12.2009 kl. 14:22]

Flott mynd, sérstaklega ef sannar eru kjaftasögurnar sem eru á sveimi um hvað hann hafi verið að aðhafast up á síðkastið.

[Jón (IP-tala skráð) 3.12.2009 kl. 20:55]

Takið eftir því hvað hjónakornin eru ánægð á svipinn. Ekkert jafnast á við almennilegt uppvask og kannski hafa þau uppgvötað nýja hlið í samlífi sínu. Ef hjónabandið er farið að virka þreytulegt getur verið gott ráð að lána konunni golfsettið í smá stund og sjá hvort hún hittir holu í höggi.

[Jens Guð, 3.12.2009 kl. 21:58]

  Kristborg,  ég veit fátt um þessar turtuldúfur. Mér skilst að kallinn sé liðtækur í framhjáhaldi og konan sé sænskur skapvargur sem grípi til fleygjárns.  Annars veit ég ekkert um þetta.  Afreksfólk í íþróttum er alltaf í einhverju veseni.  Það er alltaf að reyna að skora.

[Jens Guð, 3.12.2009 kl. 22:00]

  Jón,  þau hafa efni á að vera ánægð.  Kallinn skaffar vel og konan er gullfalleg.

[Siggi Lee Lewis, 5.12.2009 kl. 03:39]

Finnst fáránlegt að níðast á Woods! Maður sem allir ættu að taka sér til fyrirmyndar! Ef allir færu eftir honum væru allir góðir í gólvi. Gólv er mjög einfalt. Maður þarf bara að eiga gólv skó og gólv kylfu....svo slær maður gólv kúlu niður í svona holu. Og þá vinnur maður!

[Jens Guð, 5.12.2009 kl. 04:52]

  Siggi Lee,  eru allir að níðast á Tiger Woods?  Eru það fleiri en sænska konan hans?

[Ingvar Valgeirsson, 6.12.2009 kl. 01:09]

Þessi sænska hefði nú átt að vita hvernig maður þetta er, þessir golfarar eru alltaf að reyna að komast sem flestar holur...

Annars hélt ég að þetta væri Alfred E. Newman á myndinni.

[Jens Guð, 6.12.2009 kl. 13:33]

  Ingvar,  þetta virðist vera rétt hjá þér með golfara.  Rétt í þessu sá ég út undan mér á einhverri fréttasíðunni að 8. viðhald þessa golfara væri komin fram í dagsljósið.  Fyrir 2 dögum var aðeins vitað um 4 viðhöld hans.