Angurvær og hátíðlegur jólasálmur

  Nú þegar liðið er á jólasteikina hellist andagiftin yfir.  Áður en ég vissi af var skáldagyðjan búin að færa mér upp í hendur án fyrirhafnar þennan hátíðlega jólasálm.  Hann verður tekinn upp í kirkjum landsins þegar Gunnar Þórðarson og Atli Heimir verða búnir að semja lag við hann.  Í allra síðustu línunni er bein tilvísun í kveðju jólasveinsins.

  Heims um ból halda menn jól;

heiðingjar,  kristnir og Tjallar.

  Uppi á stól stendur í kjól

stuttklipptur prestur og trallar:

  Tra-la-la-la-la,

tra-la-la-la-ló.

  Tra-la-la-la-la,

tra-la-la-hó-hó!

Steikinni brennt í ræktinni

Athugasemdir

[Magnús Geir Guðmundsson, 28.12.2009 kl. 10:49]

Þú ert stórskáld Jens minn, það hef ég lengi vitað!

[Jens Guð, 28.12.2009 kl. 12:28]

  Magnús,  ef þetta væri nú eitthvað vitrænt hjá mér...  En einhverra hluta vegna fer kveðskapurinn hjá mér alltaf út í algjört bull.

[Helgi Briem (IP-tala skráð) 30.12.2009 kl. 11:52]

Það var ekki Chris Spedding sem spilaði á bassann á Never Mind the Bollocks, heldur Steve Jones gítarleikari.  Þetta hefur margsinnis verið leiðrétt. 

Jones kunni ekki hinar melódísku bassalínur sem forveri Sid Vicious, Glen Matlock, hafði samið.  Hann spilaði því bara rótartóna gítarhljómanna með stöðugum áttundapartsnótum.  Þessi einfaldi bassastill átti etv ekki sístan part í að skapa hið klassíska pönksánd sem margir urðu til að stæla og stæla enn þó það sé sjaldnast kallað pönk lengur.