Sigurvegarar ársins

  Færeysku tónlistarverðlaunin Planet Awards eru hápunktur ársins í færeysku tónlistarlífi.  Síðustu vikur fyrir afhendingu verðlaunanna snýst umræðan í Færeyjum meira og minna um verðlaunin.  Söluhæsta dagblað Fjáreyja,  Sósialurin,  lagði 16 síðna kálf undir verðlaunin um jólin.  Þau voru síðan afhent við hátíðlega athöfn í fyrradag.

  Svo skemmtilega vill til að við Íslendingar könnumst við flesta sigurvegarana.  Eivör,  Brandur Enni og Guðrið Hansdóttir hafa til að mynda öll spilað á Íslandi.  Eivör og Brandur hafa meira að segja notið mikilla vinsælda hérlendis og átt lög og plötur í efstu sætum íslenskra vinsældalista. 

  Þannig er staðið að færeysku tónlistarverðlaununum að sérstök dómnefnd (mig minnir 8 manna; þar af 2 útlendingar.  Það er hernaðarleyndarmál hverjir sitja í dómnefndinni) tínir saman 30 - 40 nöfn í hvern flokk.  Með útilokunaraðferð er nöfnum fækkað í 5.  Almenningur greiðir síðan atkvæði með sms úr farsímum.  

  

Söngkona ársins:  Eivör

Söngvari ársins:  Brandur Enni

Hljómsveit ársins:  Páll Finnur Páll

Lag ársins:  Under the Sun  með The Dreams

  The Dreams byrjaði sem pönksveit og gerði út á gömul færeysk lög.  Svo sló þessi hljómsveit í gegn í Danmörku er hún tók þátt í þarlendri hljómsveitakeppni.  Mig minnir að The Dreams hafi hafnað í 2. sæti en náði 1. sæti danska vinsældalistans aftur og aftur með sitthverju laginu.  Með tímanum hefur hljómsveitin poppast verulega,  söng á tímabili texta á dönsku en er byrjuð að syngja á ensku til að ná út fyrir danska og færeyska markaðinn.

Plata ársins:  The Sky is Opening með Guðrið Hansdóttir

Guðrið á vinsældum að fagna í Danmörku.  Ég man ekki betur en hún hafi tekið þátt í einhverri þarlendri söngvarakeppni og lent í 2.  sæti.  Eins og aðrir sigurvegarar í færeysku tónlistarverðlaununum Planet Awards 2009 semur hún sína söngva sjálf.

  

Söngkona ársins í Færeyjum

Athugasemdir

[Gjagg (IP-tala skráð) 30.12.2009 kl. 13:32]

 Gód samantekt hjá thér, Gud.

[Karl (IP-tala skráð) 30.12.2009 kl. 15:46]

Gaman að sjá hvað þú skrifar alltaf um færeyska tónlist. Ég vinn hjá færeyskum miðli (mess.fo) en er staddur á Íslandi yfir jólin. Á heimasíðu Mess er að finna myndir af þessum atburði nb :)

Kv.

Karl

[Jens Guð, 30.12.2009 kl. 20:10]

  Gjagg, takk fyrir það.

[Jens Guð, 30.12.2009 kl. 20:17]

  Karl,  mér þykir gaman að fylgjast með færeyskri músík.  Á sennilega 200 - 300 færeyskar "flögur" og hef verið að sækja þessar helstu tónlistarhátíðir á borð við G!Festival,  Asfalt,  Ólavsvökukonsertinn o.s.frv.  Mér þykir ágætt að leyfa Íslendingum að fylgjast pínulítið með færeysku tónlistarlífi í leiðinni.

[Slómó (IP-tala skráð) 1.3.2010 kl. 11:50]

Semur Labbi í Glóru með Gudrid? Hann er amk skrifaður fyrir nokkrum lögum á disknum hennar...