Færeyingar trompuðu óskalög þjóðarinnar! Allir sigurvegararnir eru af færeyskum ættum!

  Íslendingar völdu um síðustu helgi óskalag þjóðarinnar.  Úrslitin komu ekki á óvart:  Óskalag þjóðarinnar er "Þannig týnist tíminn" eftir Bjartmar Guðlaugsson.  Valið var fyrirsjáanlegt. Það þurfti ekki mikla spádómsgáfu til að sjá niðurstöðuna fyrir.

  Röðin á lögunum sem röðuðust í sæti 2 og 3 var heldur ekki óvænt.  Þetta lá nokkurn veginn fyrir.  Kannski samt spurning um sæti til eða frá.  

  Í dag var ég í viðtali á Útvarpi Sögu um óskalög þjóðarinnar. http://www.utvarpsaga.is/eldri-thaettir-2.html (fletta þarf upp á Síðdegisútvarpi 1. hluta 8. desember).

 Undir lok spjallsins áttaði ég mig skyndilega á því að höfundar allra 3ja sigurlaga óskalaga þjóðarinnar eru af færeyskum ættum.  

  Höfundur óskalags þjóðarinnar,  "Þannig týnist tíminn",  Bjartmar Guðlaugsson,  er hálfur Færeyingur.  Mamma hans er Færeyingur.

  Lag Magnúsar Þórs Sigmundssonar,  Ást,  kom þétt upp að sigurlaginu.  Pabbi hans er Færeyingur.  

  Lagið sem var númer 3 er "Söknuður" eftir Jóhann Helgason.  Amma hans er Færeyingur. 

  Íslenskir söngvahöfundar af færeyskum ættum eru ekki mikið fleiri en sigurvegararnir þrír.  Íslenskir söngvahöfundar sem eiga engin tengsl við Færeyjar skipta hundruðum.  Úrslitin geta ekki verið tilviljun.     

  

______________________________________________________________________________________

    Steinn Kárason

   7. desember kl. 18:39

 

Bókin Eivør, Gata, Austurey, Færeyjar og færeysk tónlist eftir Jens Guð er skemmtileg og fræðandi bók sem ég mæli með.

Athugasemdir

[Skjóttur (IP-tala skráð) 9.12.2014 kl. 02:09]

Getur verið að Færeyingar of afkomendur þeirra séu hrifnari af ruv gamla en aðrir og því hafi þeir frekar hringt inn meðan "þjóðin" horfði á og gerði eitthvað annað? Ekki þekki ég neinn sem hringdi inn og fáa sem sáu meira en hluta úr 3 þáttum. Sjálfur get ég ekki dæmt um sigurlögin þar sem ég á eftir að sjá þættina, ég reikna með að flutningur hafi haft töluvert að segja miðað við niðurstöðuna.

Annars er undarlegt að það þarf ekki nema herbergisfylli af fólki til velja óskalag, blóm, foss, fjall, skyndibita eða hátíðardrykk þjóðarinnar. Með góðu eða illu skulum við öll vera eins.

[Bjarni Gunnlaugur (IP-tala skráð) 9.12.2014 kl. 08:53]

Stórmerkilegt!

Ég leifi mér að efa að Færeyingar hafi fylgst eitthvað sérstaklega með þessu stússi.

En hver er þá skýringin úr því að við afskrifum tilviljun og kosningar Færeyinga?

Þá er þetta annað hvort eða bæði, arfgeng tónlistarhneigð eða áhrif uppeldis.

Ég myndi veðja á hið síðara.  

Færeyingar leggja mikið upp úr sínum forna söng og dansi og innprenta þetta í þjóðarsálina. Trúlegt að færeyskar ömmur,mömmur og pabbar séu ef ekki sísönglandi yfir börnunum (ekki má vanmeta vöggusönginn) þá allavega jákvæð fyrir þessu gítargutli sem vér Íslendingar teljum að ekki verði í askana látið. 

[Jens Guð, 9.12.2014 kl. 22:35]

  Skjóttur,  ég kann ekki að lesa úr þessum tölum sem capacent mælir sjðónvarpsáhorg.

 

4

3

3

 

Rúv: 12 - 80 ára

RöðDagskrárliðurDagurRatings %Ratings (000)Reach %Reach (000)

1

Landinn

Sun.

31,5

76

38,2

93

2

Óskalög þjóðarinnar

Lau.

26,2

63

36,9

89

3

Orðbragð

Sun.

25,7

62

29,8

72

[Jens Guð, 9.12.2014 kl. 22:48]

  Eitthvað skilaði sér þetta einkennilega. Engu að síður má lesa út úr þessu að Óskalag þjóðarinnar sé næst vinsælasti sjónvarpsþátturinn á eftir Landanum.  Ég tel mig geta fullyrt að greidd atkvæði hafi verið einhver þúsund.  Öllu líklegra tugþúsundir.   

  Afkomendur Færeyinga á Íslandi eru ekki margir. Að minnsta kosti ekki hlutfallslega.  Kannski örfá hundruð af 230 þúsund manna þjóð.  Fæstir afkomenda Færeyinga á Íslandi hafa hugmynd um hvaða íslenskir tónlistarmenn eru af færeyskum ættum.  Ég er virkur í Færeyingafélaginu á Íslandi.  Ég hef aldrei orðið var við að sigurvegarar óskalags þjóðarinnar hafi sótt samkomur hjá Færeyingafélaginu. Ég tel mig geta fullyrt að Íslendingar af færeyskum ættum hafi ekki ráðið neinu til um valið á óskalagi þjóðarinnar.  Ég var búinn að spá þessum úrslitum.  Það var ekki fyrr en eftir að úrslit lágu fyrir sem ég áttaði mig á því að allir sigurvegararnir eru af færeyskum ættum.   

[Jens Guð, 9.12.2014 kl. 22:54]

  Bjarni,  ég held að þú hittir naglann á höfuðið.