Anna frænka og hraðsuðuketillinn

  Þegar móðir Önnu frænku,  Lára,  féll frá varð hún einstæðingur.  Faðir hennar féll frá einhverjum árum áður.  Hún sló á einmanaleikann með því að hringja oft og títt í innhringitíma Rásar 2.  Fyrir ofan síma hennar voru spjöld með símanúmerum nánustu ættingja.  Eitt spjaldið var tvöfalt stærra en hin.  Símanúmer Rásar 2 fyllti út í það.

  Lára var jörðuð í fjölskyldugrafreit á Hesteyri,  eins og afi minn og amma.  Að jarðarför lokinni fylgdi Anna presthjónunum inn í kaffi.  Þar setti hún hraðsuðuketil í samband.  Rafmagnsnúran var klædd tauefni.  Einhverra hluta vegna hafði hún slitnað í sundur.  Anna splæsti hana saman með álpappír.   

  Anna bauð prestfrúnni að grípa um álpappírinn. 

  "Það er svo gott að koma við hann þegar ketillinn er í gangi,"  útskýrði Anna og skríkti úr hlátri.  "Hí hí hí,  það kitlar!"

 

Athugasemdir

[Sigurður I B Guðmundsson, 23.4.2024 kl. 10:25]

Ætli "Blush" fá þarna óvænta samkeppni!!!

[Sigurður I B Guðmundsson, 23.4.2024 kl. 10:29]

Vantaði eitt i (fái)

[Jens Guð, 23.4.2024 kl. 11:24]

Sigurður I B,  góður!!!

[Sigurður Bjarklind (IP-tala skráð) 23.4.2024 kl. 12:17]

Gott til þess að vita að sú gamla komst í stuð endrum og eins. En mér þykir húsið í baksýn vera nokkuð merkileg grjóthlaðin bygging. Veistu eitthvað um það?

[Jens Guð, 23.4.2024 kl. 15:08]

Sigurður Bjarklind,  þetta er - að ég held - gamall vinnuskúr.

[Stefán (IP-tala skráð) 23.4.2024 kl. 21:33]

Meinhrekkjótt líklega blessuð konan. Hvað varðar innhringingar hennar á Rás 2, þá ætla ég að hún hafi talað af meira viti þar, en margir fastir innhringjendur útvarpsstöðva í dag. 

[Jens Guð, 24.4.2024 kl. 04:09]

Stefán,  hún hafði alltaf eitthvað skemmtilegt að segja.  Sumt broslega frumlegt.