Sannspá rokkhljómsveit

   Á síðustu öld -  nánar tiltekið fyrir 16 árum - sendi bandarísk rapp-hipphopp-fönk-pönk-metal hljómsveit,  Rage Against the Machine,  frá sér tónlistarmyndband.  Í því - og texta lagsins - er ýjað að vaxandi auðræði.  Eða eitthvað svoleiðis.  Ef að vel er að gáð má sjá í myndbandinu myndbrot þar sem boðað er framboð hálfskoska auðmannsins litríka og skemmtilega,  Donalds Trumps,  til embættis forseta Bandaríkja Norður-Ameríku.  

  Þarna,  á síðustu öld,  þótti þetta vera barnalegt sprell;  tákn um stöðuna fremur en eitthvað sem yrði raunin.  Sumum þótti hljómsveitin seilast heldur langt með fráleitu uppátækinu.  Donald hafði að vísu á þessum tíma tekið upp á því að fjárfesta í forsetaframboðum tiltekinna kandídata.  En gjörsamlega út í hött var talið að hann myndi taka upp á því að nota auðævi sín til að sækjast sjálfur eftir forsetaembætti. Gert var grín að Rage Against the Machine fyrir fara svona yfir strikið í óraunhæfu sprelli.  

  Í myndbandinu sést þetta "uppdiktaða" auglýsingaspjald (sem í dag er raunveruleiki og áberandi í heimsfréttum): 

  Alveg burt séð frá þessu og öðru sem snýr að meintu vaxandi auðræði í Bandaríkjum Norður-Ameríku (og víðar) og framboði Trumps þá er lagið dúndur flott.

  Til gamans má geta að síðustu ár hefur trommari Rage Against the Machine,  Brad Wilk,  verið einnig trommari Black Sabbath.  Gítarleikarinn,  Tom Morello,  er að auki gítarleikari Ozzy(s) Osbourne(s) (Black Sabbath) og Brúsa Springsteens.  

  

   

Vissu ekki um milljarðana

Athugasemdir

[Stefán (IP-tala skráð) 22.9.2015 kl. 10:53]

Alltaf vel máli farinn og með góða tónlist á myndböndum. Á ,, barnablaðinu " DV eru aftur á móti áberandi illa skrifandi blaðamenn í dag og stóra málið er kanadíski guttinn Jusin Bieber. DV er rusl.

[Billi bilaði, 22.9.2015 kl. 16:14]

Á 2:25 er svo Michael Moore handtekinn. c",

[Jens Guð, 22.9.2015 kl. 20:09]

Stefán,  er DV ennþá til?

[Jens Guð, 22.9.2015 kl. 20:10]

Billi,  takk fyrir ábendinguna.