Bestu gítarleikarar rokksögunnar?

  Sumir halda ranglega að gæði gítarleiks ráðist af hraða og fingrafimi.  Þetta á ekki síst við um gítarleikara sem ráða yfir færni í hraða.  Jú, jú.  Það getur alveg verið gaman að heyra í þannig flinkum gítarleikara.  En aðeins í hófi.  Miklu hófi.  Fátt er leiðinlegra en sólógítarleikari sem þarf stöðugt að trana sér fram og sýna hvað hann getur spilað hratt.

  Bestu gítarleikarar eru þeir sem upphefja lagið og meðspilara sína óháð fingrafimi og hraða.  Einn gítartónn hjá BB King gerir meira fyrir lag en allir hraðskreiðustu sólógítarleikarar rokksins til saman.  Einhver orðaði það á þessa leið.  Man ekki hver. 

  Tímkaritið Woman Tales hefur tekið saman lista yfir bestu gítarleikara rokksögunnar.  Ég er glettilega sammála niðurstöðunni.  Hún er þessi:

1.  Jimi Hendrix.  Rökin eru m.a. þau að hann fullkomnaði áður óþekktan leik með enduróm (feedback).  Jafnframt spilaði hann hljóma sem fyrirrennarar hans vissu ekki að væru til.  Margt fleira mætti telja upp sem stimplar Hendrix inn sem besta gítarleikara rokksögunnar. 

Gott dæmi um það hvernig Hendrix umbreytti góðu lagi í meiriháttar snilld er túlkun hans á "All Along the Watchtower".  

2.  Eric Clapton.  Hann kann öll trixin í bókinni.  En líka að kunna sér hófs án stæla. 

3.  Jimmy Page (Led Zeppelin).  Hann gerði svo margt flott án þess að trana sér. 

4.  Chuck Berry bjó til rokk og rollið. Og rokkgítarleikinn.

5.  Eddie Van Halen

6.  Keith Richards

7.  Jeff Back

8.  B. B. King

9.  Carlos Santana

10. Duane Allman

11. Prince

12. Stevie Ray Vaughn

13. Pete Townshend  (The Who)

14. Joe Walsh

15. Albert King .

16. George Harrison

17. John Lennon

18. Kurt Cobain

19. Freddie King

20. Dick Dale

21. Buddy Holly

22. Slash  (Guns N Roses)

23. Joe Perry  (Aerosmith)

24. David Gilmour  (Pink Floyd)

25. Neil Young

26. Frank Zappa

27. Tom Petty og Mike Campell  (Heartbreakers)

28. Muddy Waters

29. Scotty Moore

30. Billy Gibbons  (ZZ Top)

31. The Edge  (U2)

32. Bobby Krieger  (The Doors)

33. Brian May  (Queen)

34. Angus Young (AC/DC)

35. Tom Morello (Rage Against the Machine / Audioslave / Bruce Springsteen & the E-Street Band)

Athugasemdir

[Ingólfur Sigurðsson, 3.12.2021 kl. 04:04]

Mér finnst Mark Knopfler alveg meiriháttar. Hvað hann getur spilað afslappað hratt og flókinn hljómagang, nema hans sóló virka stundum svipuð, það er eini gallinn. Af okkar mönnum finnst mér Björgin Gíslason mjög eftirminnilegur, þótt margir aðrir séu góðir líka. 

Jimi Hendrix verður ekki oflofaður. Sem dæmi um það hefur Bob Dylan látið sína gítarleikara á hljómleikum oft reyna að spila líka útgáfu og Hendrix gerði fræga, og þetta er eitt mest spilaða tónleikalag á hans ferli, og einhverntímann sagði hann í viðtali að alltaf minntist hann Hendrix þegar hann væri að flytja það.

[Jens Guð, 3.12.2021 kl. 08:46]

Ingólfur.  Ég tek undir hver þitt orð. 

[Sigurður I B Guðmundsson, 3.12.2021 kl. 11:13]

Eitt flottasta gítarsóló allratíma held ég að sé þegar Jimi Hendrik spilaði þjóðlag bandaríkjanna á Woodstock. 

[Jens Guð, 3.12.2021 kl. 12:23]

Sigurður I B,  það er mögnuð snilld!

[Guðni (IP-tala skráð) 3.12.2021 kl. 17:21]

Skemmtilegur listi. Mér finnst samt bæði David Gilmour og Frank Zappa eiga að vera miklu ofar. Gilmour er einmitt þessi gítarleikar sem þú talarð um: kemur með áhrifamikla tóninn á háréttu augnabliki og lyftir tónlistinni upp í hæðir. Paul MacCartney er líka glettilega góður gítarleikari, en styrkur John Lennons er sem rythma-leikari, ekki sóló. Svo var Henry McCullough (Wings) af mörgum talinn hafa spilað flottasta sóló sögunnar í "My Love". Næst eru það bassaleikarar, og trommarar!

[Guðmundur Jónsson, 3.12.2021 kl. 18:28]

Þú hefur gleymt Brian May  og  Glen Campell  Jens Þeir eiga klárlega að vera í topp 10.

[Richard Þorlákur Úlfarsson, 4.12.2021 kl. 07:17]

Ég sagði þetta með hraðann um Santana en ekki BB King. Reyndar finnst mér BB King lélegur og Santana kann ekki að spila blús. Ég er algerlega sammála þér í að tónlist er fyrst og fremst tilfinningar og ekki tækni. Þú getur mælt tænki en ekki tilfinningar. Þessvegna eru bestir í tónlist listar auðvitað bara álit viðkomandi einstaklinga. Ég er svakalegur gítarsóló aðdáandi og fæ ofsalega mikið útúr því að hlusta á gítarsóló. Eftirfarandi listi er yfir þá sem hafa veitt mér mesta ánægju.

Santana

Eric Clapton

Gary Moore

Jimmy Page

Rory Gallagher

Jimi Hendrix

Stevie Ray Vaughan

Kirk Hammett

[Jens Guð, 4.12.2021 kl. 10:48]

Guðni,  takk fyrir innleggið.  Ég get alveg fallist á þitt viðhorf.

[Jens Guð, 4.12.2021 kl. 10:55]

Guðmundur,  þetta er ekki minn listi.  Það er að segja hann er ekki tekinn saman af mér heldur tímaritinu Woman Tales.  Brian May er þarna í 33ja sæti.  Glen er góðra gjalda verður. 

[Jens Guð, 4.12.2021 kl. 11:03]

Richard Þorlákur,  takk fyrir vangavelturnar.  Þinn listi á fullan rétt á sér.  Til gamans:  Fyrir nokkrum árum skrapp ég til Írlands.  Á sama gistiheimili og ég var maður frá öðru landi.  Mig minnir Þýskalandi.  Við spjölluðum um músík.  Hann fræddi mig á því að Oasis-bræður væru ofurvinsælir á Írlandi.  Í nálægri plötubúð væri heill rekki lagður undir sólóplötur þeirra.  Daginn eftir kíkti ég í plötubúðina.  Þar var rekkinn góði kyrfilega merktur Gallagher.  Þegar betur var að gáð voru þarna bara plötur með Rory Gallagher.  Engar með Liam Gallagher eða Noel Gallagher. 

[Magnús Sigurðsson, 4.12.2021 kl. 12:13]

"Bestu gítarleikarar eru þeir sem upphefja lagið og meðspilara sína óháð fingrafimi og hraða." -segirðu Jens.

Þá ætti Keeith Rishards að vera á listanum, en hann á kannski ennþá góðan séns, enn að túra um heiminn.

https://www.youtube.com/watch?v=TbFoxUyBrQM

[Jens Guð, 4.12.2021 kl. 12:25]

Magnús,  Keith er í 6. sæti og á það svo sannarlega skilið.

[Magnús Sigurðsson, 4.12.2021 kl. 13:43]

Þakka þér fyrir ábendinguna Jens, mér líður strax betur. Ég er bara svo svakalega lesblindur að þegar ég var búið að stafa mig í gegnum pistilinn sá ég bara myndirnar. Auðvitað hlaut Keith að vera þarna einhverstaðar 

[Jens Guð, 4.12.2021 kl. 15:49]

Magnús (# 13),  maður þarf ekki að vera lesblindur til að svona fari framhjá manni.  Ég lendi oft í þessu þegar ég renni í gegnum langa lista.  Ég var mjög ánægður að sjá Keith þetta ofarlega á listanum.  Mér hefur löngum þótt gítarleikur hans í Symphaty for the Devil vera einn sá magnaðasti í rokksögunni.

https://youtu.be/GgnClrx8N2k

[Símon Pétur frá Hákoti (IP-tala skráð) 4.12.2021 kl. 17:19]

Meðan hvorki Rory Gallagher

(sem Hendrix svaraði aðspurður hvernig væri að vera besti gítarleikari í heimi, "spyrjið Rory")

né Allen Collins (úr gömlu Skynyrd) eru á þessum top 30 lista, þá er hann lítils virði.

Minni einnig á less is more gítarleikara Free, Paul Cossoff.

Gítarleikur Duane Allman á Hey Jude útgáfu Wilson Picket þótti Eric Clapton það góður að betur væri ekki hægt að gera.

En auðvitað er David Gilmour sá albesti.

[Símon Pétur frá Hákoti (IP-tala skráð) 4.12.2021 kl. 17:39]

En er þessi listi frá Womens Tales ekki bara eins og Smartland myndi sjóða saman lista um einhverja sem einhverjir sögðu einhvern tíma að einhverjir segðu góða?

Mér er létt að þetta er ekki þinn listi Jens, heldur bara samsuða frá Womens Tales.

[Jens Guð, 4.12.2021 kl. 17:51]

Simon,  gaman að þú rifjir upp skemmtilegt tilsvar Hendrix.  Svona listi er alltaf snúinn og getur jafnvel breyst frá degi til dags. Jú, jú,  Gilmnour er toppur.  Fyrir margt löngu las ég viðtal við hann þar sem hann tók fyrir sð vera góður gítaristi. Sagðist vera ofmetinn vegna frægðar Pink Floyd.  Sagðist til að mynda ekki ráða við að spila hratt í sólóköflum.  Nokkru síðar heryrði ég hann taka þrusu í Bluejean bop með Paul McCartney.  Kallinn á heldur betur flugi.        https://youtu.be/SvvN8vyHz90

[Jens Guð, 4.12.2021 kl. 17:53]

https://www.youtube.com/watch?v=SvvN8vyHz90

[Jens Guð, 4.12.2021 kl. 17:59]

Simon Pétur (# 16),  ég hef lítið verið í því að setja saman svona lista.  Hinsvegar þykir mér gaman að sjá svona lista setta saman af öðrum.  Það er mjög gaman og kallar á vangaveltur og endurtskoðun.  Oftast er ég sammála með þeim fyrirvara að ég myndi jafnan hynika til örfaúm sætum til og frá.  Þetta er fyrst og fremst léttur samkvæmisleikur sem ekki má taka of hátíðlega. 

[Símon Pétur frá Hákoti (IP-tala skráð) 4.12.2021 kl. 18:09]

Já, Jens, við erum svo sannarlega  sammála um Gilmour og snilli hans.

Hann er í mínum huga ígildi sígilds lárviðarskálds.  Getur allt, þó hin svífandi mannlega og fagra ljóðræna sé hans aðalsmerki.  Auk hógværðar hans.

Takk fyrir ábendinguna.  Hafði ekki fyrr heyrt þetta lag spilað af honum.  Já, hann hefur einnig þrumuna þegar hún á við.

[Björn. (IP-tala skráð) 4.12.2021 kl. 18:54]

Alltaf góður Jens.Það vantar klárlega Peter Framton,Garry Moore og Buck Dharma á topp tíu.Þarna eru líka nokkrir sem eiga ekki skilið að vera a þessum lista td.Joe Walsh algjörlega ofmetin gítaristi hann var ekki einu sinni gítaristi no.one hjá Eagles.

[Stefán (IP-tala skráð) 4.12.2021 kl. 19:20]

Það má sjálfsagt deila endalaust um veru gítarleikara eða ekki á svona lista, en ég gagnrýni ekki þennan sem mér finnst bæði athyglisverður og góður. Ég er þó sammála þeim sem hér hafa nefnt meistara Rory Gallagher.  Rory var og er risi í heimalandinu Írlandi, var mjög stór í Evrópu og víða í Asíu en náði ekki eyrum íbúa Ameríku fyrr en eftir lát sitt. Svo er athyglisvert að enginn fulltrúi metal rokks er þarna á listanum, ekki einu sinni frumkvöðullinn Tony Iommi.  

[Rúnar Már Bragason, 5.12.2021 kl. 01:13]

Svona listar eru oft aldurstengdir og miðað við þinn þá vantar alveg Neil Young. Sjálfur myndi ég bæta við Johnny Marr úr The Smith, Pete Buck úr R.E.M., Thurston Moore úr Sonic Youth og Black Frances úr Pixies.

[Stefán (IP-tala skráð) 5.12.2021 kl. 03:46]

Rúnar Már, meistari Neil Young er þarna númer 25 á listanum. Þó það nú væri.

[Jens Guð, 5.12.2021 kl. 05:14]

Simon Pétur,  Gilmour er ekki aðeins frábær gítarleikari heldur líka er mikið varið í persónuna.  Sem unglingur,  ung poppstjarna,  safnaði hann sportbílum.  Átti heilan haug af þeim.  Einn góðan veðurdag gekk hann framhjá heimilislausri manneskju.  Honum var brugðið.  Hann seldi bílaflotann þegar í stað og gaf söluverðið óskipt til athvarfs fyrir útigangsfólk. 

[Jens Guð, 5.12.2021 kl. 05:25]

Símon Pétur (# 20),  um svipað leyti áttaði David sig á að hann var úr tengslum við fjölskyldu sína.  Hann sagði upp öllu þjónustufólki og tók að sér að sjá um morgunmat fjölskyldunnar,  óhreina tauið og eitthvað þannig.  Allt í einu átti hann þarna börn og barnabörn sem hann hafði bara hitt í partýum hjá Ringó eða Paul McCartney. 

[Jens Guð, 5.12.2021 kl. 14:39]

Björn (" 21),  þetta á við um alla svona lista;  að einhverra er sárt saknað og aðrir allt að því ofmetnir.  Ég játa að hafa ekki hlustað nógu mikið á Joe Walsh til að dæma hans afrek.  Ég man að hann átti góð lög í gamla daga.  Varla hafa liðsmenn risastórrar og vinsællar hljómsveitar á borð við Eagels dregið hann upp á dekk til skrauts.  Þeir hafa eitthvað séð við hann - annað en að hann sé svili Ringos. 

[Jens Guð, 5.12.2021 kl. 14:43]

Stefá,  ætli við verðum ekki að telja til fulltrúa þungarokksins Hendrix, Jimmy Page,  Slash,  Angus Young og Tom Morello?

[Jens Guð, 5.12.2021 kl. 14:45]

Rúnar Már,  þetta er góð ábendimng hjá þér.  Þessara sem þú nefnir er saknað.  Allir góðra gjalda verðir og ég á plötur með þeim öllum. 

[Símon Pétur frá Hákoti (IP-tala skráð) 5.12.2021 kl. 14:48]

Takk fyrir, Jens, að minnast á eðalmennsku David Gilmour.  Sú eðalmennska endurspeglast í gítarleik hans - en einnig í bassaleik hans, en það er svo sem önnur saga.

[Jens Guð, 5.12.2021 kl. 15:09]

Simon Pétur (# 30),  Gilmour er góður maður.  Þó að hann hafi ekki verið í Pink Floyd með Syd Barrett þá passaði hann alla tíð upp á hann.  Hélt utan um að Barrett fengi sín höfundarlaun af spilun á lögum hans á hljómleikum,  í útvarpi og á safnplötum.  Jafnframt borgaði hann mönnum fyrir að passa upp á friðhelgi Barretts.  Barrett var haldinn félagsfælni á háu stigi síðustu ár.  Hann bar út póst að nóttu og vissi ekki að hann hefði verið í Pink Floyd.  Ósvífnir fjölmiðlaljósmyndarar laumuðust til að ljósmynda hann við póstburðinn.  Gilmour réði menn í að taka í lurginn á þeim og fjarlægja filmur úr vélum þeirra.   

[Símon Pétur frá Hákoti (IP-tala skráð) 5.12.2021 kl. 15:44]

Kærar þakkir, Jens,

fyrir að segja þessa sögu.

[Stefán (IP-tala skráð) 5.12.2021 kl. 16:45]

Jens (# 28) Jimi Hendrix spilaði blues rokk,psychedelic,funk og hard rokk,en ekki heavy metal og umboðsmaðurinn og upptökustjórinn Chas Chandler stóð sig virkilega vel með honum þar. Jimmy Page spilaði blues rokk og psychedelic með Yardbirds og blues rokk,folk,hard rokk og jú stundum alvöru heavy metal með Led Zeppelin. Slash spilar hard rokk með Guns N Roses og þeir fóru jú alveg út í heavy metal, satt er það. Angus Young spilar hard rokk, blús rokk og rokk and roll með AC/DC og vissulega má færa það undir heavy metal hattinn. Tom Morello hefur víða komið við í tónlist og spilað með mörgum tónlistarmönnum og vissulega stundum farið út í heavy metal, líka funk metal,rap metal,nu metal,hardcore punk og jafnvel funk rokk. Ég kann virkilega að meta slíka fjölhæfni. En þegar ég nefni heavy metal hljómsveitir, þá á ég meira við Black Sabbath,Judas Priest,Saxon,Iron Maiden,Metallica,Megadeth,Pantera,Slipknot og slíka harðhausa sem hamra málminn. 

[Jens Guð, 6.12.2021 kl. 09:16]

Símon Pétur (# 32), ævinlega þakkir fyrir innlitið.

[Jens Guð, 6.12.2021 kl. 09:17]

Stefán (# 33), ég kaupi þín rök.

[Jóhann Elíasson, 7.12.2021 kl. 07:49]

Ég leitaði nokkuð á listanum og fann ekki þann sem er að mínu mati og margra annarra, gítarleikari sem var alveg á pari við Eric Clapton og ýmsir vilja meina að hann hafi verið betri en Clapton.  Ég ætla nú ekki að hætta mér út í þá umræðu en þessi gítarleikari var Peter Green stofnandi og gítarleikari Fleetwood Mac (þegar Fleedwood Mac var alvöru blues hljómsveit).......

[Jens Guð, 7.12.2021 kl. 08:17]

Jóhann,  góð og réttmæt athugasemd.