Anna á Hesteyri - gestagangur

 

  Tveir rígfullorðnir menn heimsóttu Önnu á Hesteyri einn heitan sumardag.  Anna bauð þeim í bæinn að venju og gaf þeim kaffi.  Spjall var hinsvegar þeim annmörkum háð að Anna stillti útvarpið,  rás 1,  á botn skammt frá þeim.  Það var "sinfóníugaul" í útvarpinu,  eins og annar gestanna orðaði það er hann sagði mér söguna.  Þeim þótti þetta óþægilegt og margbáðu Önnu um að lækka í útvarpinu.  Anna sagðist vera að hlusta á útvarpið,  væri farin að tapa heyrn og yrði að hafa útvarpið á hæsta styrk.  Anna sagði þetta vera góða músík.  Enginn sem til Önnu þekkir veit til þess að hún hafi fyrr né síðar haft áhuga á klassískri músík.

  Annað þótti gestunum einkennilegt.  Heitt var í veðri og hlýtt inni í húsinu.  Um leið og gestunum var boðið í bæinn hljóp Anna á milli ofna og hækkaði hita í botn.  Áður en leið á löngu sátu þau þrjú öll í svitakófi eins og í gufubaði.  Þegar gestirnir báðu Önnu um að skrúfa fyrir ofna neitaði hún því.  Sagði að það væri kuldahrollur í sér.  Þó rann svitinn niður andlitið á henni.  Hún er venjulega kappklædd.  Í þetta sinn fækkaði hún fötum og var léttklædd á hennar mælikvarða.

  Vegna hávaðans frá útvarpinu og hitastækjunnar varð heimsóknin styttri en efni stóðu til.

  Nokkru síðar varð Anna uppvís af því að hafa falið kindur sem átti að vera búið að farga vegna riðuveiki á svæðinu.  Mennirnir áttuðu sig þá á því að útvarpið gegndi því hlutverki að jarm frá kindunum heyrðist ekki.  Hitastækjan gegndi því hlutverki að stytta heimsókn gestanna.

  Meira um földu kindurnar hennar Önnu Mörtu síðar.

  Aðrar sögur af Önnu:

- Slóst við mömmu

www.jensgud.blog.is/blog/jensgud/entry/622422

- Farandssali

www.jensgud.blog.is/blog/jensgud/entry/606305

- Sendi lögguna

www.jensgud.blog.is/blog/jensgud/entry/463661

- Einkennilegt aksturslag

www.jensgud.blog.is/blog/jensgud/entry/423296

- Meira af einkennilegu aksturslagi

www.jensgud.blog.is/blog/jensgud/entry/409355

- Samanbrotinn konfektkassi

www.jensgud.blog.is/blog/jensgud/entry/398785

- Nupo létt

www.jensgud.blog.is/blog/jensgud/entry/398589

- Bílprófið

www.jensgud.blog.is/blog/jensgud/entry/337158

Athugasemdir

[Gulli litli, 12.9.2008 kl. 01:50]

Hún er bara töffari þessi kona..

[Jóna Kolbrún Garðarsdóttir, 12.9.2008 kl. 02:59]

Hún er frábær hún Anna, svo mikill sérvitringur.  Ég hef ekki ennþá getað spurt viðskiptavinina mína sem þekkja Önnu um sögur af henni, en ég geri það einn góðan veðurdag og segi þér frá því samdægurs. 

[Ía Jóhannsdóttir, 12.9.2008 kl. 08:03]

Heheheh reddaðir deginum Jensinn minn, ekki spurning, takk fyrir það!

[Berglind Leifsdóttir (IP-tala skráð) 21.11.2008 kl. 04:02]

Sælir Jens ekki hef ég séð þig áður en ég var mörg sumur í sveit hjá Önnu minni og Afa (Jón heitin Dan)kann ég margar og góðar sögur af henni og yndisleg er hún.