Lagalistinn í kvöld

 

  Sunnudagshugvekjan á Nálinni 101,5 í kvöld tókst hið besta.  Það held ég nú.  Í flesta staði að minnsta kosti.  Ég er óðum að ná tökum á takkasúpunni.  Núna var búið að betrumbæta kerfið þannig að mun einfaldara en áður er að umgangast það fyrir tækjaklunna eins og mig. 

.

  Í kvöld bætti ég nýjum föstum lið í þáttinn.  Það er "Djass-perlan".  Gaman væri að heyra skoðun ykkar á því hvernig eitt vænt djasslag virkar á ykkur innan um rokkslagarana. 

.

  Sigvaldi Búi var meðstjórnandi  Sunnudagshugvekjunnar  í fyrstu þáttunum.  Hann bauð upp á "Soul-klassík dagsins".  Ég er ekki nógu áhugasamur um sálarpopp til að viðhalda þeim lið.  "Djass-perlunni" er ætlað að leysa soul-klassíkina af.  Jafnframt því að skerpa á fjölbreytninni.

.

  Þátturinn verður endurfluttur á föstudaginn á milli klukkan 19.00 og 21.00.  Þessi lög voru spiluð í þættinum í kvöld:

.

1    Kynningarlagið: The Clash:  Time is Tight

2    Inmates:   Sweet Sweet Lovin Lovin

3    Suzi Quatro:  You Keep a Knockin´

4    Black Sabbath:  Paranoid

5    Judas Priest:  Diamonds and Rust

6    Tommy James & The Shondells:  Crimson & Clover

7    The Byrds:  Lost My Driving Wheel

8    Óskalag fyrir Sigurð I.B. Guðmundsson:  John & Yoko: The Luck of the Irish

9    Pere Ubu:  Breath

10  Joe Cocker:  Lawdy Miss Clawdy

11  Roger McGuinn:  Rock and Roll Time

12  Long Tall Texans:  Should I Stay or Should I Go

13  Pönk-klassíkin:  The Lurkers: I´m on Heat

14  Úr reggí-lindinni:  Bunny Wailer:  This Train

15  Skrýtna lagið:  Napoleon XIV:  Their Coming to take me Away Ha Ha

16  Djass-perlan:  Brandford Marsalis:  Mo´ Better Blues

17  Fræbbblarnir:  Guðjón

18  Afel Bocoum frá Suður-Malí:  Jeeny

19  Steinn Kárason:  Þórscafé

20  200 frá Færeyjum:  Mogghövd!

23  Gyllinæð:  Djöflakallinn

24  Imperiet frá Svíþjóð:  Hollandsk Porslin

.

.

  Í þættinum spilaði ég  Diamonds and Rust  í rafmagnaðri útsetningu með Judas Priest.  Hér fyrir neðan flytja hjónn Richie Blakmore (Deep Purple) og Night sama lag:

 

 

  Og hér er það finnska hljómsveitin Thunderstone sem flytur þetta lag:

 

.

  Hér má sjá eldri lagalista:

http://www.jensgud.blog.is/blog/jensgud/entry/1083677/

http://www.jensgud.blog.is/blog/jensgud/entry/1085626/

http://www.jensgud.blog.is/blog/jensgud/entry/1087525/

http://www.jensgud.blog.is/blog/jensgud/entry/1089704

 http://www.jensgud.blog.is/blog/jensgud/entry/1091912/ 

.

http://www.jensgud.blog.is/blog/jensgud/entry/1094419/

Besti þátturinn var frumfluttur á Nálinni í dag

 

 Besti tónlistarþáttur í íslensku útvarpi er  Fram og til baka og allt um kring  með Gunna "Byrds" (Gunnar Gunnarsson,  Gunni í Faco,  Gunni í Japis).  Þátturinn er að öllu jöfnu frumfluttur á Nálinni 101,5 á fimmtudögum á milli klukkan 19.00 og 21.00.  Hann er síðan endurfluttur á laugardögum á milli klukkan 11.00 og 13.00.  Síðasta fimmtudag brá aftur á móti svo við að Gunnar lá lasinn heima.  Í stað frumflutnings var endurfluttur eldri þáttur.  Sem var ekki mikill skaði því sá þáttur var meiriháttar flottur.  Í seinni hluta hans var stiklað á stóru í ferli Guðmundar heitins Ingólfssonar píanósnillings.  Þar voru spilaðar sjaldheyrðar djassperlur með kappanum ásamt því sem gestur Gunnars,  Birna Þórðardóttir barnsmóðir og ekkja Guðmundar,  sagði frá.

  Þrátt fyrir slæma haustflensu reif Gunnar sig á fætur í morgun og frumflutti þátt sinn.  Ég veit ekki hvernig verður staðið að endurflutningi á honum.  Hvort það verður á fimmtudaginn eða hvort Gunni frumflytur þá að venju nýjan þátt.  Hvenær sem þátturinn frá í dag verður endurfluttur þá hlakka ég til að heyra hann aftur.  Bæði var lagavalið að venju verulega áhugavert og sömuleiðis flæðir fróðleikurinn af vörum Gunnars. 

  Í þættinum í dag kynnti Gunnar meðal annars Gene Clark,  bandarískan söngvahöfund,  söngvara og gítarleikara.  Gene var í The Byrds og dúettinum Dillard & Clark.  Hann gerði líka nokkarar plötur með Clöru Olsen.  Gunnar kynntist þessum Gene persónulega en Gene dó sama daginn og Bob Dylan vinur hans hélt upp á 50 ára afmæli sitt.

  Sitthvað fleira spilaði og kynnti Gunnar í þættinum í dag.  Til að mynda Elvis Costello,  Roger McGuinn og írska söngkonu sem ég man ekki nafnið á.  Þá upplýsti Gunnar hvaða Bítlalag er byggt á því lagi sem The Byrds flytja í myndbandinu hér fyrir neðan.  Ég ætla ekki að upplýsa það hér heldur láta ykkur vita hvenær þátturinn verður endurfluttur - þegar það liggur fyrir.  Það er nefnilega skemmtilegra að heyra lögin spiluðu í röð í þættinum.

 

Lagalistinn í kvöld

 

 Sunnudagshugvekjan  var á dagskrá Nálarinnar fm 101,5 á milli klukkan 19.00 og 21.00 í kvöld.  Það er eiginlega að komast hefð á að  Sunnudagshugvekjan  sé á dagskrá á sunnudögum á þessum tíma.  Svo er hún endurflutt á föstudagskvöldum á sama tíma;  á milli klukkan 19.00 og 21.00. 

  Sigvaldi Búi var tæknimaður og meðstjórnandi fyrstu vikurnar.  En það er eins og það hitti illa á fyrir hann að mæta á þessum tíma.  Að minnsta kosti spurðist ekkert til hans í kvöld.  Sem betur fer greip ég með mér á síðustu stundu nokkrar aukaplötur.  Til vara.  Það kom sér aldeilis vel.  Verra er að mig vantar meiri þjálfun á tækniborðið til að allt gangi eins og smurt fyrir sig.  Í kvöld varð mér einhvern veginn á að ýta á takka sem slökkti á músíkinni.  Það er gaman þegar svoleiðis gerist.  En ennþá meira gaman þegar mér tókst að finna út hvað olli vandræðunum.

  Þannig var lagalistinn í kvöld:

1    Kynningarlag þáttarins:  The Clash:  Time is Tight 

2    Eric Clapton:  It Hurts Me Too   

3    Miracle Legion:  Mr. Space Man (eftir The Byrds/Roger McGuinn)

4    Óskalag fyrir Guðmund Júlíusson:  Nazareth:  Broken Down Angel 

5    The Band:  Promised Land (eftir Chuck Berry)

6    Pönk-klassíkin:  Anti-Nowhere League:  Streets of London 

7    Reggí-perlan:  Derrick Morgan:  Some woman must Cry  (eftir Bob Marley)

8    M´as Blues Band frá Færeyjum:  Taxa Jón  

9    Fræbbblarnir:  Guðjón  (eftir Hörð Torfason)

10  Youssou N´Dour frá Senegal:  Bamako  

11  Steinn Kárason:  Of seint 

12  Thunderstone frá Finnlandi:  Diamond and Rust (eftir Joan Baez) 

13  Samsteypan:  Friður á jörð  (Give Peace a Chance)

14  Veckans Klubba frá Svíþjóð:  Vem Har snott mín sprit?

15  Megas:  Stína Ó Stína 

16  Norman Greenbaum:  Spirit in the sky 

17  Beck:  Leopard-Skin Pill-box Hat (eftir Bob Dylan)

18  Hawkwind:  Silver Machine 

19  The Byrds:  Tiffany Queen 

20  Public Image Limited:  Rise 

21  Afkynningarlag:  The Clash:  Time is Tight

.

Hér eru laglaistar eldri þáttanna:

http://www.jensgud.blog.is/blog/jensgud/entry/1083677/

http://www.jensgud.blog.is/blog/jensgud/entry/1085626/

http://www.jensgud.blog.is/blog/jensgud/entry/1087525/

http://www.jensgud.blog.is/blog/jensgud/entry/1089704

 http://www.jensgud.blog.is/blog/jensgud/entry/1091912/ 

.

  Á myndbandinu efst flytur Eric Clapton 70 ára gamlan blús eftir Leadbelly.  Það er athyglisvert að þarna spilar Klapparinn ekki á sólógítar.   Í  Sunnudagshugvekjunni  flutti Eiríkur gamlan blús eftir Elmore James.

  Hér fyrir neðan þvertekur Johnny (Rotten) Lydon fyrir að hann sé að syngja ástarsöng.  Lagið byrjar ekki spennandi en magnast verulega þegar á líður og hlustandinn fer að venjast stemmningu þess.  Í  Sunnudaghugvekjunni  voru Johnny og félagar í ennþá betri gír í laginu  Rise.  Þið heyrið það á Nálinni fm 101,5 á föstudaginn.  Eða með því að fara á netið og smella á http://media.vortex.is/nalinfm

  Til gamans má geta að Johnny Rotten efnaðist á tímabili með því að kaupa íbúðir í niðurnýslu í New York,  gera þær upp og selja með góðum hagnaði.  Svo hrundi húsnæðismarkaðurinn í Bandaríkjum Norður-Ameríku.  Þá dustaði Johnny rykið af Sex Pistols.  Núna hefur hann sett á markað Sex Pistols ilmvatn.  Sem er nokkuð skondið því liðsmenn Sex Pistols voru þekktir fyrir að lykta illa vegna áhugaleysis á hreinlæti.  Síðar á árinu kemur á markað Sex Pistols sápa og því næst Sex Pistols sjampó.  Johnny Rotten og félagar eru húmoristar.   

.

Missið ekki af endurflutningi besta útvarpsþáttarins

 

  Á morgun,  á milli klukkan 11.00 og 13.00,  verður besti útvarpsþátturinn endurfluttur á Nálinni fm 101.5.  Fram og til baka og allt í kring  með Gunna "Byrds" var frumfluttur í gærkvöldi.  Í fyrri hluta þáttarins voru kynnt og spiluð gullkorn með The Byrds,  Love og Neil Young með tilheyrandi fróðleiksmolum.  Seinni hluti þáttarins var undirlagður umfjöllun um tónlist píanósnillingsins Guðmundar Ingólfssonar.  Þar naut Gunni liðsinnis Birnu Þórðardóttur,  ekkju og barnsmóður Guðmundar. 

  Það voru spiluð og fjallað um mörg lög með Guðmundi sem lítið hafa heyrst í útvarpi í bland við þekktari lög kappans.  Þetta var virkilega flottur þáttur.  Afar skemmtilegur og fróðlegur.  Þau Gunni og Birna voru á góðu flug.  Kát og hress að vanda.  Meðal annars fór fram heimsfrumflutningur á ljóðalestri Birnu við undirleik magnaðs lags Guðmundar,  Blús fyrir Birnu.  Missið ekki af endurflutningnum.  Þeir sem tök hafa á geta heyrt þetta á netinu með því að smella á http://media.vortex.is/nalinfm

Jenis av Rana skýtur sig í fótinn

  Á síðustu 4 árum hefur orðið gríðarleg viðhorfsbreyting í Færeyjum gagnvart samkynhneigðum.  Vendipunkturinn var þegar gítarleikari rokksveitarinnar Makrel,  Rasmus Rasmussen,  varð fyrir fólskulegum barsmíðum nokkurra manna á skemmtistað.  Ástæða barsmíðanna var sú ein að Rasmus er samkynhneigður og hafði ekki flúið land,  öfugt við aðra samkynhneigða Færeyinga.  Daginn eftir sætti Rasmus hótunum um frekari barsmíðar.  Þegar fjölskylda Rasmusar óskaði eftir lögregluvernd kom í ljós að færeysk lög heimiluðu ofsóknir gegn samkynhneigðum.

  Þetta vakti undrun og hneykslan víða um heim.  Ekki síst á Íslandi og hinum Norðurlöndunum.  Rannveig Guðmundsdóttir,  þáverandi þingkona,  tók málið upp á vettvangi Norðurlandaráðs.  Geir Haarde,  þá forsætisráðherra,  Guðrún Ögmundsdóttir,  þá þingkona,  ég og ýmsir fleiri létu frá sér heyra í færeyskum fjölmiðlum.  

  Þetta var hörmulegur atburður.  En nokkru skipti að Rasmus var vinsæll og virtur rokkari.  Hafði spilað með flestum helstu rokksveitum Færeyja.  Jafnframt stýrði hann eina alvöru rokkþættinum í færeysku útvarpi,  Rokkstovunni.  Færeyski tónlistarheimurinn snérist - eins og hann lagði sig - á sveif með Rasmusi.  Ég endurtek:  Eins og hann lagði sig.  Einnig yngri kynslóðin að uppistöðu til.  Ef einhver "no name" hommi hefði verið laminn er næsta víst að almenningsálitið í Færeyjum hefði ekki sýnt fórnarlambinu og málstaðnum sama stuðning. 

  Leikar fóru þannig að lögum í Færeyjum var breytt.  Nú er óheimilt að ofsækja samkynhneigða.  Jenis av Rana var fremstur í flokki þeirra sem börðust gegn nýju lögunum.  Hann taldi áríðandi að hommar væru lamdir þangað til þeir myndu afhommast.  Annars brenni þeir í vítislogum til eilífðar.  Það er víst alveg hrikalegt helvíti.  Jenis flaggaði í hálfa stöng ásamt trúfélögum sínum þegar nýju lögin voru samþykkt.   Nú í haust hefur Jenis reynt að vinna fylgi frumvarpi þess efnis að nýju lögin verði afnumin.  Nýjustu útspil hans hafa algjörlega komið í veg fyrir að þetta frumvarp hans eigi upp á pallborðið.  Hann er búinn að girða rækilega í veg fyrir það. Hann er búinn að skjóta sig í fótinn.

  Annað:  Síðast þegar ég vissi var Rasmus kominn með kærasta í Færeyjum og sestur að á fámennri norð-austur eyju.

  Enn annað:  Í sumar hélt Elton John hljómleika í Færeyjum.  Jenis brást við hart.  Sendi frá sér yfirlýsingu þess efnis að Elton John væri samkynhneigður útsendari Satans.  Ummælin vöktu meiri athygli í Danmörku en Færeyjum.  Elton John nýtur hlutfallslega hvergi meiri vinsælda en í Færeyjum.  Næstum 6 þúsund manns mættu á hljómleika Eltons í Færeyjum.  Það jafngildir því að 40 þúsund manns myndu borga sig inn á hljómleika á Íslandi.  Það hefur aldrei gerst.  Metið hérlendis er þegar 18 þúsund mættu á hljómleika hjá Metallica.  Númer 2 eru 12 þúsund sem borguðu sig inn á hljómleika Rammstein. 

  Hræðsla Jenis av Rana við Elton John og kenningin um að hann sé útsendari Satans varð aðhlátursefni í Færeyjum.  Ef Jenis hefði fordæmt á sama hátt einhverja minna vinsæla poppstjörnu hefðu kannski fleiri samsinnt bullinu í honum.

  Framkoma Jenis av Rana í garð forsætisráðherra Íslands hefur vakið hörð viðbrögð í Færeyjum.  Hver þungavigtarmanneskjan á fætur annarri hefur stigið fram og fordæmt Jenis av Rana.  Þar á meðal æðstu ráðamenn Færeyja.  Færeyingar bera mikinn og einlægan hlýhug til Íslendinga og finnst Jenis av Rana sýna íslensku þjóðinni skammarlegan dónaskap. Ef Jenis hefði sýnt fulltrúa annarrar þjóðar sömu viðbrögð er alveg klárt að samlandar hans hefðu ekki brugðist eins harkalega við.

  Jenis av Rana er í frekar lokuðum trúarsöfnuði.  Ekki alls fyrir löngu komst upp að Jenis hafði beitt sér í þöggun á barnaníði innan safnaðarins.  Einhverjir í söfnuðinum standa þétt við bakið á Jenis.  Almenningur er hinsvegar hættur að taka mark á honum.  Og jafnvel farinn að fyrirlíta hann og skoðanir hans. Og skammast sín fyrir kallinn.  Sem þeir þurfa ekki að gera.  Alls ekki.  Færeyingar eru frábærir.  Eitt og eitt skemmt epli breytir engu um það.  Við Íslendingar getum alveg greint Jenis av Rana frá færeysku þjóðinni.  En auðvitað erum við þakklát færeysku þjóðinni fyrir að láta okkur vita að Jenis sé ekki talsmaður hennar.

  Myndin hér fyrir neðan er af Rasmusi og borgarstjóra Reykjavíkur,  Jóni Gnarr.

Gegn vilja Guðs

Lagalistinn í Sunnudagshugvekjunni

.

  Sunnudagshugvekjan  í kvöld á Nálinni fm 101,5 var ekki alveg eins og að var stefnt.  Meðstjórnandi minni og tæknimaður,  Sigvaldi Búi,  komst ekki.  Ég varð því að bjarga mér einn.  Reyndar með dyggri aðstoð Jóns Hjálmarssonar.  Takk fyrir það.  Hann setti mig inn í tæknimálin þannig að ég gæti afgreitt svona þátt einn og óstuddur.

.

  Til að byrja með er dálítið ruglingslegt að kynna næsta lag á meðan einn diskur er tekinn úr spilaranum,  annar settur í,  rétta lagið fundið,  sett í startholur og það allt saman.  Allir þessir ókunnu takkar og sleðar eru ógnvekjandi til að byrja með.  Er leið á þáttinn varð þetta leikur einn.  Ég var í smá stund að átta mig á því að lögin eru í mismiklum styrk á milli diska.  Vonandi var ekki áberandi þegar ég þurfti að kljást við það.

.

  Mér hættir til að hafa kynningar helst til langar.  Það er svona þegar lög og flytjendur eru í uppáhaldi og margt um lög og flytjendur að segja.  Sigvaldi Búi hefur veitt mér aðhald hvað þennan kæk varðar.

.

  Reyndar kom þetta ekki verulega að sök í þetta sinn vegna þess að ég hafði reiknað með að Sigvaldi Búi kæmi með lagasafn.  Ég var ekki með fleiri lög tiltæk en þau sem ég spilaði og kann ekki að sækja lög í lagabanka Nálarinnar.  Þar fyrir utan reyni ég að velja til spilunar lög sem eru ekki í lagabanka stöðvarinnar.

.

1   Kynningarlagið:  The Clash:  Time is Tight

2   Iggy Pop:  Real Wild Child 

3   Sex Pistols:  Rock Around the Clock 

4   Óskalag fyrir Sigurð I.B. Guðmundsson:   Manfred Mann:  Fox on the Run 

5   Roger McGuinn:  The Trees are all Gone  

6   Reggí-perlan:  Desmond Dekker:  Israelites 

7   Pönk-klassíkin:  Adverts:  Gary Gilmore´s Eyes

8   Skrýtna lagið:  Sigríður Níelsdóttir:  Kúarekstur 

9   Pétur Kristjánsson & Rúnar Júlíusson:  Æði  (eftir Jóhann Helgason og Sverri Stormsker)

10  Manu Chao frá Frakklandi.  Sungið á spænsku:  Me Gustas Tu 

11  Steinn Kárason:  Hrunadans 

12  Sissisoq frá Grænlandi:  Pulateriaarsuk 

13  Kátir Piltar:  Sætar eru systur 

14  Clickhaze frá Færeyjum:  Skirvin Flá 

15  Lou Reed:  Hooky Wooky

16  The Clash:  Robber Dub

  .

.

.

  Sunnudagshugvekjan  er endurflutt á föstudaginn á milli klukkan 19.00 og 21.00.

  Fyrri lagalistar  Sunnudagshugvekjunnar: 

http://www.jensgud.blog.is/blog/jensgud/entry/1083677/

http://www.jensgud.blog.is/blog/jensgud/entry/1085626/

http://www.jensgud.blog.is/blog/jensgud/entry/1087525/

http://www.jensgud.blog.is/blog/jensgud/entry/1089704/

Heimsfrumflutningur í Sunnudagshugvekjunni í kvöld

  Á slaginu klukkan 19.00 í kvöld hefst  Sunnudagshugvekjan  á Nálinni 101,5.   Það verður nú meira fjörið.  Alveg til klukkan 21.00 í það minnsta.  Hvað í boði verður er óljóst á þessari stundu.  Að mestu.  Þó liggur fyrir heimsfrumflutningur í útvarpi á nýju íslensku lagi.  Það er spennandi.  Einhverjir fastir liðir skjóta upp kollinum að venju.  Þar á meðal verða reggí-lag dagsins,  pönk-klassíkin og skrýtna lagið.  Skrýtna lagið er einkar áhugavert.  Eins og reyndar yfirleitt.

  Sigvaldi Búi býður væntanlega upp á sérvalda soul-perlu.  Í heimspopphluta þáttarins hef ég grun um að við heyrum sungið á spænsku og fleiri áheyrilegum tungumálum.  Mig langar til að heyra sungið á grænlensku.  Kannski gengur það eftir.  Og kannski kem ég líka með sparnaðarráð.

  Óskalagið  Fox on the Run  með Manfred Mann verður spilað fyrir Sigurð I.B. Guðmundsson.

  Mörgum þykir þægilegra að hlusta á Nálina á netinu.  Ekki síst þeim sem eru staðsettir utan útsendingasvæðis Nálarinnar á stuttbylgju.  Til að hlusta á Nálina á netinu þarf aðeins að smella á þessa slóð:  http://media.vortex.is/nalinfm

Skúbb! Goðsagnakennd hljómsveit endurreist með nýjum trommara

  Við erum að tala um hljómsveit sem var í hópi mest áberandi og umtöluðustu hljómsveita pönkbyltingarinnar á Íslandi á fyrri hluta níunda áratugarins.  Því var gert skil í heimildarmyndinni sívinsælu  Rokki í Reykjavík.  Ári eftir frumsýningu myndarinnar sló hljómsveitin rækilega í gegn með spræka tölvupönklaginu  Böring  og hélt fræga hljómleika í Stuð-búðinni.   

  Ég veit ekki hvenær eða hvort hægt er að staðsetja að Q4U hafi einhverntíma hætt.  Kannski má frekar segja að hljómsveitin hafi af og til tekið sér allt upp í 12 ára hlé - á milli þess sem hún hefur komið fram á einum og einum hljómleikum. 

.

  Nú er hinsvegar verið að endurvekja Q4U til lengri tíma og með stórum áformum.  Til að það gangi eftir hefur nýr trommuleikari verið ráðinn til starfa.  Sá er heldur betur góður fengur:  Halldór Lárusson,  sem á árum áður gerði garðinn frægan með Bubba og MX-21.  Þar áður var hann í hljómsveitunum Bodies,  Með nöktum og Spilafíflum.  Dúndur skemmtilegur trommari,  eins og heyrist í myndbandinu hér fyrir neðan.  Það er eyrnakonfekt að hlera trommuleika Halldórs. Hann er svo laus við sýndarmennsku og stæla en þeim mun uppteknari af að styðja við framvindu tónlistarinnar.

.

  Liðsmenn Q4U stefna á hart og þétt hljómleikahald,  bæði hérlendis og erlendis,  plötuupptöku og sitthvað fleira.  Það verður hvergi gefið eftir.  

.

  Auk Halldórs er Q4U skipuð söngkonunni Ellý,  hljómborðsleikaranum Árna Daníel,  bassaleikaranum Gunnþóri og gítarleikaranum Ingólfi Júlíussyni.  

  Það verður kátt í höllinni.  

.

Missið ekki af endurflutningi besta þáttarins á laugardaginn

  Vonandi misstu fáir eða engir í kvöld af besta tónlistarþættinum í útvarpi,  þættinum  Fram og til baka og allt í kring á Nálinni fm 101,5.  Í þættinum í kvöld reitti Gunni "Byrds" af sér í bráðskemmtilegum kynningum fróðleiksmola um hina ýmsu tónlistarmenn og lög.  Lagavalið var fjölbreytt að venju:  Allt frá Bítlunum og Dylan til Louis Armstrongs og Ellu Fitzgerald.  Lögin tengdust þó öll á einhvern hátt - þennan 2ja klukkutíma þátt út í gegn.

  Eins og oft áður hristi Gunni fram úr erminni nokkrar sjaldgæfar upptökur með frægu tónlistarfólki.  Að þessu sinni voru það heimagerðar upptökur með John og Yoko.

  Samkvæmt skoðanakönnun hér ofarlega til vinstri á þessari síðu hefur um helmingur þátttakenda ekki hlustað á Nálina.  Því er hætta á að einhverjir þeirra hafi misst af þættinum í kvöld.  Mikilvægt er að bæta úr því.  Þátturinn er endurfluttur á milli klukkan 11.00 til 13.00 á laugardaginn.  Það er gert með því að stilla á 101,5 á fm eða smella á þessa slóð á netinu:   http://media.vortex.is/nalinfm 

  Til að muna þetta er upplagt að láta húðflúra þessar upplýsingar á framhandlegg hægri handar.

Lagalistinn í Sunnudagshugvekjunni í kvöld

 

  Sunnudagshugvekjan  í kvöld á Nálinni fm 101,5 varð öðruvísi en til stóð.  Þegar ég mætti í húsakynni Nálarinnar var Sigvaldi Búi fjarri góðu gamni og átti ekki heimangengt.  Ég var einungis með minn helming af lögunum sem átti að spila í þættinum.  Nú voru góð ráð dýr.  Mér til lífs varð að ég var með einhver af lögum úr eldri  Sunnudagshugvekjum  inni á minnislyklinum mínum.  Ég gat því bætt þeim inn í lagalistann sem á vantaði í stað laganna frá Sigvalda Búa. 

  Þannig var lagalistinn í þættinum í kvöld:

1   Kynningarlagið:  The Clash:  Time is Tight

2   Týr frá Færeyjum:  The Wild Rover

3   Backbeat:  Long Tall Sally

4   Gram Parsons:  Big Mouth Blues

5   Óskalag fyrir Sigurð I. B. Guðmundsson:  Mannfred Mann:  Ha! Ha! Said the Clown

6   Pönk-klassíkin:  Generation X:  Gimme Some Truth

7   Reggí-lag þáttarins:  Apache Indian:  Boom Shak-A Lak

8   Skrýtna lagið:  Stan Freberg:  Banana Boat

9   Kolrassa krókríðandi:  Spáðu í mig

10 Ticky Tock frá Þýskalandi:  Auf Der Flucht Vor Staub und Drek

11 GCD:  Hótel Borg

12 Clickhaze frá Færeyjum:  Daylight

13 Mannakorn:  Komdu í partý

14 Kolt frá Póllandi:  Nochny Express

15 Georgie Satallites:  Hippy Hippy Shake

16 Nazareth:  Razamanaz

17 Joan Baez:  The Night They Drow Old Dixie Down

18 Uriah Heep:  Eazy Livin´

19 Bítlarnir:  Helter Skelter

20 Bítlarnir:  Revolution # 9

21 Afkynningarlagið:  The Clash:  Time is Tight 

  Sunnudagshugvekjan  er endurflutt á föstudagskvöldum á milli klukkan 7 og 9.  Hún er send út á netinu á slóðinni  http://media.vortex.is/nalinfm 

Lagalista eldri þátta má sjá hér:

http://www.jensgud.blog.is/blog/jensgud/entry/1083677/

http://www.jensgud.blog.is/blog/jensgud/entry/1085626/

http://www.jensgud.blog.is/blog/jensgud/entry/1087525/