Ákært vegna grófra ásakana um blýantsleysi

  Ríkissaksóknari hefur ákært Odd Eystein Friðriksson fyrir ærumeiðandi móðganir og aðdróttanir í garð forstjóra Sláturfélags Suðurlands,  Steinþórs Skúlasonar.  Ummæli Odds eru tekin af heimasíðunni www.slaturfelagid.com.  Þeirri skemmtilegu og fróðlegu síðu hefur nú verið lokað,  einhverra hluta vegna.

  Steinþór kærði síðuna til lögreglu.  Rannsókn hennar (lögreglunnar. Ekki síðunnar) leiddi til ákæru á hendur Oddi Eysteini.  Oddur þrætir fyrir aðkomu sína að síðunni.  Segist aldrei hafa átt nein samskipti við Steinþór og vísar til þess að ekkert í tölvum sem hann hafi aðgang að bendi til neinna tengsla við síðuna góðu.

  Ummælin,  sem kannski verða dæmd ómerk,  eru á þá leið að Steinþór sé húmorslaus og blýantslaus.  Hið rétta mun vera að Steinþór hefur húmor - þó fáir átti sig á þeim húmor.   Þá hefur hann aðeins einu sinni orðið blýantslaus.  Blýantsleysið stóð bara í örfáa daga.  Úr því var bætt  rækilega.  Síðan hefur Steinþór haft aðgang að tveimur blýöntum.  Einum ómáluðum og öðrum gulum.  Sá guli er með strokleðri.

  Saklausari ummæli á síðunni fljóta með í ákærunni til að gefa henni meiri þyngd.  Þar á meðal að Steinþór sé jafnan kallaður "forstjórafíflið" af starfsmönnum og sé sennilega leiðinlegasti maður í heimi - frá upphafi. 

  Það verður erfitt að meta að fullu þetta síðastnefnda.  Bæði er að þar er varnagli á með orðinu "sennilega",  svo og hitt að samanburður við forfeður okkar frá því maðurinn varð til er snúinn,  hvað þetta varðar.

  Steinþóri er kennt um vondan starfsanda innan fyrirtækisins.  Til hans er rakið að starfsmenn slást á árshátíðum,  þorrablótum og keilukvöldum fyrirtækisins.  Þetta getur ekki talist forstjóranum til lasts.  Það er alltaf gaman að sjá unga menn takast á og reyna sig í léttum áflogum.  Það er heilbrigt og hressandi á meðan enginn slasast verulega.  Að vísu hefur þetta leitt til nefbrots.  En hver hefur ekki gott af nefbroti einu sinni á ævinni?  Grétar á Goðdölum í Skagafirði nefbrotnaði tvisvar á ævinni og blés ekki úr nös eftir það.  En fór að taka í nefið til að hafa eitthvert not af því.

   Dómarar í þessu fjörlega meiðyrðamáli standa frammi fyrir fjölda vandamála.  Sönnunarbyrði um það hvort ummælin skuli dæmd ómerk er harðsótt.  Hvað ef ummælin reynast vera sönn og rétt?  Þá verður málið fyrst strembið fyrir alvöru.

.

    

Segist ekki bera ábyrgð á nafnlausum skrifum

Athugasemdir

[Einar Guðjónsson, 6.2.2010 kl. 16:21]

Einhver kjánalegasta kæru í Íslandssögunni fyrr og síðar, ákæran er það einnig enda hvorki ríkir almanna né einkahagsmunir að baki henni.

[Benóný Jónsson (IP-tala skráð) 6.2.2010 kl. 16:46]

Já þetta er hið undarlegasta mál. Skil samt ekki að SS sé að taka þetta mál upp. Þeir vilja vissulega vernda kónginn sinn og vilja sennilega um leið sýna að fólk má ekki tjá sig á Íslandi.

Sennilega er þessi ákæra 100 árum of seint á ferðinni. Hún hefði getað fengið framgang á síðasta áratug nítjándu aldar, þegar sýslumenn og aðrir í efsta laginu gátu látið fangelsa og sektað þá sem voru neðar.

Það er til háborinnar skammar að Sláturfélag Suðurlands láti bendla sig við svona málaferli. Ef allt er í lagi hjá fyrirtæki heyrast ekki svona hlutir, en þegar stjórnun fer afvega fer orðrómur af stað strax.

Heldur þessi Steinþór Skúlason að hann sé einhver kóngur? Að það megi ekki anda á hann? Greinilega tímabært að skipta um mann í brúnni hjá þessu fyrirtæki.

kv: BJ

[Jón Flón (IP-tala skráð) 6.2.2010 kl. 17:34]

Maður spyr sig þá hvort kannski sé eitthvað til í þessu sem kom fram á þessum vef? ;)

[DoctorE (IP-tala skráð) 6.2.2010 kl. 17:43]

Hvað er lögregla og dómstólar að sinna leikskólamálum... svona er ísland í dag.

[Benedikt Halldórsson, 6.2.2010 kl. 18:09]

Þekki ekki þetta mál en almennt má segja að það eigi að vera jafn sjálfsagt að verjast níði með öllum tiltækum ráðum, alveg eins og þegar að verjum eigur okkar, t.d. bílinn, nú eða hvaðeina sem við teljum til verðmæta. Mannorð og orðspor hvers manns eru vissulega verðmæti sem flestir vilja varðveita eins og kostur er.  

Við hikum ekki að kæra kjaftshögg. Sá sem verður fyrir því er beinlínis hvattur til að kæra. Við ættum líka að hvetja fólk til að kæra "kjaftshögg" sem það verður fyrir á netinu ef hinn "lamdi" telur það meiðandi. Það ætti ekki að gera grín að fólki sem kærir. Vissulega er fólk mishörundsárt en hvað með það? Mega forstjóra ekki að verja sig? Eru engin mörk hvað hver getur sagt á netinu, undir nafni eða ekki. Fólk gengur lengra og lengra í að úthúða hvort öðru á netinu. Er það sem við viljum?

 Það er okkar sjálfra að meta hvort við teljum tilefni til að kæra og svo kemur bara í ljós hvað verður um kæruna. Það er engin skömm að kæra. Þær gera þó ekki annað en að vekja okkur til umhugsunar og staldra við. Ef engar eru afleiðingar að níða fólk á netinu mun það leiða til mikilla ógæfu og eineltis, það er nefnilega svo mikið af hömlulausu fólki sem vantar bremsuborðann.

[(IP-tala skráð) 6.2.2010 kl. 18:29]

Hvað var sagt svona ljótt um Steina? hef alveg misst af þessu. En mikið hrikalega hlýtur það að hafa verið gróft og ljótt til að þetta tilefni gefist. EF menn í opinberum stöðum þola ekki grófa íslensku ættu þeir nú bara að leita sér að örðu djobbi. Og þar sem Steini á nú ættir að rekja í Skagafjörðin á hann nú að þola töluvert.

[Jens Guð, 6.2.2010 kl. 19:23]

  Einar,  það er eitthvað bogið við þetta.  Eins og SS pylsurnar.

[Jens Guð, 6.2.2010 kl. 19:37]

  Benóní,  það virðist vera sérkennilegt andrúmsloft ríkjandi hjá SS.  Spurning hvort svona kærur hressi upp á móralinn?

[Anna Sigríður Guðmundsdóttir, 6.2.2010 kl. 21:48]

Já Jens, ég hef ekki svo sjaldan velt því fyrir mér hver stjórnar toppákvörðunar-lögframkvæmdum í þessu lýðræðis-ríki? Kanabis ræktanir eru aldrei teknar nema á lokastigi????....... M.b.kv. Anna

[JR (IP-tala skráð) 6.2.2010 kl. 22:22]

Segir þetta mál okkur ekki hvernig dómsstólar eru misnotaðir af ákveðnum aðilum , og hafa verið misnotaðir ?

Ef þú ert í klíkunni og jafnvel venslaður við sjálfstæðisflokkinn, þá getur þú notið þessarar þjóustu !

[Óskar Þorkelsson, 6.2.2010 kl. 22:34]

www.slaturfelagid.is  var síða sem ekki bara var eingöngu beint að Steinþóri sem slíkum heldur að sláturfélaginu sem fyrirtæki.  Það var margt sóðalegt inni á þessari síðu sem erfitt verður fyrir Odd að sverja af sér enda var hann með upplýsingar um fyrirtækið frá fyrstu hendi.. karl faðir hans var nefnilega fjármálastjóri SS ef ég man rétt frekar en starfsmannastjóri. honum og Steinþóri lenti saman áriðp 2007 og í framhaldinu var Frikka föður Odds sagt upp eða hann fór af sjálfsdáðum. Síðan opnaði í kjölfarið !   Oddur Friðriksson er eins sekur eins og mögulegt er að vera sekur ;)

[Óskar Þorkelsson, 6.2.2010 kl. 22:35]

..  .com var þessi síða en ekki .is. sorry

[Jens Guð, 6.2.2010 kl. 22:52]

  Jón Flón,  það segir kannski eitthvað um stöðuna að SS lenti í 116 sæti af 117 yfir vondan vinnuanda í könnun VR.  Ég tek fram að ég þekki nákvæmlega ekkert til eins né neins hjá fyrirtækinu. 

[Jens Guð, 6.2.2010 kl. 22:54]

  Þetta var klaufalega orðað.  Betur færi að segja að SS hafi lent í 116 sæti af 117 fyrirtækjum yfir GÓÐAN vinnuanda.  Mig minnir að starfsmenn hafi gefið því meðaleinkunina 9 af 100 (eða 0,9 af 10).

[Jens Guð, 6.2.2010 kl. 22:58]

  DoctorE,  svona er Ísland í dag.  Kókaín-sniffandi útrásarvillingar leika lausum hala þó þeir hafi keyrt allt bankakerfi landsins í þrot.  En dómskerfið fær verkefni upp á að fá niðurstöðu í ásökun starfsmann-s/a kjötvinnslu um hvort meiðandi móðgun sé að núa forstjóranum um nasir að hafa verið blýantslaus í nokkra daga.

[sigurður joð (IP-tala skráð) 7.2.2010 kl. 01:40]

Skrítið mál. Ég hélt að ríkissaksóknari  annaðist ekki æruvernd borgaranna, menn yrðu sjálfir að reka slík mál fyrir dómi. Reyndar man ég eftir máli sem snérist um ærumeiðingar í garð fyrrum staðarhaldara í Viðey. Saksóknari ákærði í því máli á grundvelli laga um að ekki mætti orði halla á opinbera embættismenn. Þótti mönnum það mál hæpið og úr takti við tíðarandann

Hér er engu slíku til að dreifa. Ekki kærði saksóknari Hannes Hólmstein, Jón Ólafsson varð að standa í því sjálfur fyrir eigin reikning.

[Guðrún María Óskarsdóttir., 7.2.2010 kl. 01:41]

Steinþór Skúlason bjargaði þessu samvinnufélagi bænda á Suðurlandi á sínum tíma og hefur rekið það vel allar stundir síðan.

kv.Guðrún María.

[Óskar Þorkelsson, 7.2.2010 kl. 10:11]

það má deila um það hversu vel SS er rekið Guðrún, en vissulega er Steinþór feiknalega gáfaður og klár karl.. en hefur einræðistilburði sem standa fyrirtækinu fyiri þrifum.. fólk þorir ekki að segja sína meiningu af ótta við að missa sínar stöður. 

[Friðrik Eysteinsson (IP-tala skráð) 7.2.2010 kl. 11:25]

Óskar,

Það er rangt hjá þér að ég hafi verið fjármála- eða starfsmannastjóri hjá Sláturfélagi Suðurlands. Ég gengdi hins vegar stöðu markaðs- og sölustjóra frá 1. febrúar 2005 til 31. janúar 2008. Það er líka rangt hjá þér að okkur Steinþóri hafi lent saman árið 2007 eða bara yfirleitt lent saman þó við hefðum vitanlega ekki sömu skoðanir á öllu. Og að síðustu þá sagði ég sjálfur upp enda ætlaði ég ekki að vera lengur en þrjú ár hjá Sláturfélaginu. Minn hugur hafði staðið til þess að fara aftur í háskólaumhverfið og möguleiki á því opnaðist í upphafi árs 2008 jafnframt því sem ég hafði efni á því þá.

Friðrik Eysteinsson

[Friðrik Eysteinsson (IP-tala skráð) 7.2.2010 kl. 11:46]

Óskar,

Þú segir, "Það var margt sóðalegt inni á þessari síðu sem erfitt verður fyrir Odd að sverja af sér enda var hann með upplýsingar um fyrirtækið frá fyrstu hendi ... karl faðir hans var nefnilega fjármálastjóri SS ef ég man rétt frekar en starfsmannastjóri."

Þetta eru ærumeiðandi ummæli Óskar. Þú fullyrðir að ég hafi veitt öðrum upplýsingar sem trúnaður átti að ríkja um. Jafnframt gefa ummæli þín í skyn að ég hafi framið lögbrot. Bið þig því um að finna þessum ummælum þínum stað en draga þau ella til baka hér á þessum vettvangi.

Friðrik Eysteinsson

[Óskar Þorkelsson, 7.2.2010 kl. 12:28]

Farðu í mál við mig Friðrik.. endilega :)

[Óskar Þorkelsson, 7.2.2010 kl. 12:30]

þínar aðferðir inn an SS fórul langt með að skemma allan vinnumóral með ótrúlegum brottrekstrum á fólki sme td hafði starfað innan SS í áratugi.. bara til að þú Friðrik gætir sýnt vald. söluskrifstofan var óstarfhæf um langt skeið eftir þitt inngrip.  svo ef þú vilt koma í skítkastskeppni þá á ég helling í handraðanum enda er ég gamall SS karl og vann þar í 15 ár og á marga vini þar innanborðs sem bera þér ekki góða sögu Friðrik.  Þú ert svona stjórnandi sem kemur og sópar kröftulega og hverfur síðan og skilur fyrirtækin eftir í sárum.

[Friðrik Eysteinsson (IP-tala skráð) 7.2.2010 kl. 12:53]

Óskar,

Ítreka ósk mína um að þú finnir fyrri ummælum þínum stað en dragir þau ella til baka á þessum vettvangi.  Hvað seinni ummælin varðar þá lít ég á þau sem þína skoðun enda ertu þar ekki að saka mig um neitt lögbrot.  Bið þig samt að vera ekki að blanda Sláturfélagi Suðurlands inn í skrif þín um mig.  Mér er mjög hlýtt til þess félags, starfsmanna þess  og eigenda.

Og nei, ég hef ekki í huga að fara í mál við þig.  Fyndist þú hins vegar maður að meiru ef þú drægir ummæli þín til baka.

Friðrik Eysteinsson 

[Óskar Þorkelsson, 7.2.2010 kl. 13:16]

"að vera maður að meiri" í þinum augum skiptir mig nákvæmlega engu máli Friðrik og ég sé enga ástæðu til þess að taka það tilbaka sem ég sagði að ofan. Ég á erfitt með að sjá hvaða hlýhug þú berð til fyrirtækis sem þú áttir stóran þátt í að tæta niður með þínum "stjórnunaðferðum" , þetta er svona hjal eins og maður heyri oft á íslandi meðal stjórnmálamanna og bankamanna ;)

[Friðrik Eysteinsson (IP-tala skráð) 7.2.2010 kl. 13:33]

Óskar,

Þú værir maður að meiru í augum þeirra sem lesa þessar athugasemdir. Þú ryðst fram á ritvöllinn.  Sakar aðra um ærumeiðandi ummæli og ert svo engu betri sjálfur.  Bætir meira að segja við svívirðingum ef sá sem fyrir ærumeiðingunum verður biður þig kurteislega um að draga þær til baka! 

En fyrst þú getur ekki hætt mætti ég þá ekki biðja um að þú takir það skýrar fram í næstu athugasemd að ég sé afspyrnulélegur stjórnandi og hundleiðinlegur í þokkabót svo enginn velkjist í vafa um hvaða skoðun þú hafir á mér.

Friðrik Eysteinsson 

[Óskar Þorkelsson, 7.2.2010 kl. 13:55]

"En fyrst þú getur ekki hætt mætti ég þá ekki biðja um að þú takir það skýrar fram í næstu athugasemd að ég sé afspyrnulélegur stjórnandi og hundleiðinlegur í þokkabót svo enginn velkjist í vafa um hvaða skoðun þú hafir á mér."

til hvers ?   Ég sagði ekkert af þessu, hef enga skoðun á þér sem skemmtilegum eða leiðinlegum, ég man eftir þér sem kennara í TÍ hér fyrir 15 árum eða svo og þar varstu alveg ágætur.. og ættir kannski að hugleiða orðtakið um þá sem kunna gera, þeir sem kunna ekki kenna !  Varðandi þína stjórnunarhætti þá einkenndust þeir af tillitsleysi og hroka gangvart starfsfólki sem hafði unnið gott starf hjá SS í áratugi.. en þú dumpaði þeim með skelfilegum afleiðingum fyrir SS og orðspor SS fór mjög halloka á þeim tíma úti á markaðnum, og hefur ekki náð sér enn. En þetta þykja víst góðir starfshættir hjá þröngum hóp stjórnenda sem hafa meiri reynslu af kennarastörfum en stjórnun. 

[Friðrik Eysteinsson (IP-tala skráð) 7.2.2010 kl. 14:21]

Æ, Óskar,

Er þér alveg fyrirmunað að fara rétt með nokkurn skapaðan hlut? Hið rétta er að í takt við nýjar áherslur þarf stundum að skipta um fólk, jafnvel fólk sem búið er að vinna gott starf þegar áherslur voru aðrar. Ef það er ekki gert þá er ekki hægt að innleiða þær. Enda sótti SS mjög í sig veðrið á markaðnum þann tíma sem ég var þar. Hið rétta er líka að ég hef álíka mikla reynslu af því að vera háskólakennari og stjórnandi út í atvinnulífinu sem er frábær blanda á hvorum staðnum sem er og enginn haldið öðru fram nema þú.

Geturðu svo ekki farið að tjá þig um eitthvað sem þú hefur meiri þekkingu eða vit á?

Friðrik Eysteinsson

[sæunn (IP-tala skráð) 7.2.2010 kl. 15:10]

það var sagt að stein.ór hafi misskilið tengingu sina við ss og haldið að ss þýddi steinþór skúlason og þvi rak hann þetta sem sitt og enginn mátti mæla á móti!!

[Óskar Þorkelsson, 7.2.2010 kl. 15:14]

"Enda sótti SS mjög í sig veðrið á markaðnum þann tíma sem ég var þar"

Mögnuð athugasemd þegar haft er í huga að SS hefur tapað hellings markaðshlutdeild, þeir eru enn stærstir.. en bara just.  Ímynd SS er fyrir löngu farinn veg allrar veraldar sem "leiðandi matvælaframleiðandi" .. gerðist það undir þinni stjórn Friðrik ? eða er það Steinþóri að kenna ?

annars er íslensk matvælaframleiðsla á brauðfótum, illa rekinn, engar framtíðarsýnir og ekki notuð bestu efni sem til eru á markaðnum til þess að bæta vörurnar.. heldur bara keypt inn það sem er "nógu" gott í skrílinn á klakanum.  3 flokks vörur almennt.

[Friðrik Eysteinsson (IP-tala skráð) 7.2.2010 kl. 17:44]

Óskar,

Markaðshlutdeindin hafði vaxið mjög í þeim vöruflokkum sem mestu máli skiptu Ímyndin meðal neytenda var mjög góð skv. mælingum. Og það var meira að segja hagnaður af rekstrinum þó hann hefði mátt vera mun meiri. Ef þetta hefur breyst, eins og þú segir, þá var það eftir mína tíð. Veit alla vega að hagnaðurinn snerist í 1,5 milljarða tap árið 2008. Sem er svolítið sérkennilegt í yfir 100 ára gömlu fyrirtæki.

Friðrik Eysteinsson

[Benedikt Halldórsson, 7.2.2010 kl. 19:35]

Ég er ekkert inn í þessum deilum en bæjarins bestu SS pulsur eru mjög góðar með öllu nema remúlaði og miklu sinnepi!

[Friðrik Eysteinsson (IP-tala skráð) 7.2.2010 kl. 20:24]

"Afkoma kjötiðnaðar batnaði frá fyrra ári ... en veltuaukning þyrfti þó að vera meiri en raun ber vitni" (úr ársskýrslu 2005).

"Afkoma kjötiðnaðar batnaði frá fyrra ári ...ónógt framboð af hráefnum takmarkaði veltuaukningu. Pylsuframleiðsla, grillkjöt, fjölbreytt áleggslína og 1944 réttirnir eru kjölfestan í framleiðslu kjötvinnslunnar og framleiðsla á skólamáltíðum hefur vaxið og dafnað (úr ársskýrslu 2006)

Starfsemi afurðadeildar einkenndist af of litlu framboði af gripum frá bændum og mikilli eftirspurn eftir kjöti og sá þess merki í flestum kjöttegundum ...Helstu vörulínur kjötiðnaðarins gengu vel á markaði á liðnu ári. Má þar nefna vínarpylsur, kryddlegið kjöt,fjölbreytta áleggslínu og 1944 réttina. Þá hefur framleiðsla á skólamáltíðum og öðrum tilbúnum matarlausnum vaxið og dafnað" (úr ársskýrsla 2007).

Friðrik Eysteinsson

[Hrönn Sigurðardóttir, 7.2.2010 kl. 22:20]

Fyndnast finnst mér samt alltaf í svona ærumeiðingarmálum þegar fjölmiðlar tyggja aftur og aftur ærumeiðingarnar upp......

Ekki hafði ég hugmynd um að Oddi þætti Steinþór svona afspyrnuleiðinlegur fyrr en annar kærði hinn ;)

[Jens Guð, 7.2.2010 kl. 23:29]

  Benedikt,  eins og þú veit ég ekkert um þetta mál.  Ég þekki ekkert þá sem þarna koma við sögu.  Hinsvegar get ég tekið undir flest sem þú nefnir í "kommenti" #5.  Jafnframt vekur þetta kærumál upp spurningar um mannleg samskipti.  Án þess að þekkja neitt til SS,  það er að segja innanhúsmála þar,  má lesa út úr málsgögnum að eitthvað virðist í ólagi þarna.  Hröð starfsmannavelta bendir til þess að margir uni sér ekki á þessum vinnustað.  Það að fyrirtækið sé í sæti 116 af 117 í könnun VR á góðum vinnuanda hnígur í sömu átt.  Sömuleiðis þessi netsíða sem nú hefur verið lokað.  Ég fann aðra netsíðu sem er mjög á sömu línu.  Til að skvetta ekki olíu á eld læt ég hjá líða að gefa upp netslóð þeirrar síðu. 

  Á þeim vinnustöðum sem ég hef spriklað á langri ævi hefur bestur vinnuandi verið þar sem stjórnendur eru vinir og félagar starfsfólksins.  Hópurinn verður "team" þar sem liðsandinn einkennist af vinskap.  Sem betur fer hef ég ekki kynnst starfsanda sem hefur leitt til óvildar og málaferla,  ákæra vegna meiðyrða eða annað í þeim dúr.  Að vísu vann ég í álverinu í Straumsvík um miðjan áttunda áratuginn.  Þar var skörp stéttskipting á milli æðstu stjórnenda og almennra starfsmanna.  En það var meira á léttu nótunum.  Ég hafði mikla skemmtun af smá stríðni í garð þeirra sem þar töldu sig vera merkilegri öðrum vegna stöðu sinnar.  Af því varð oft mikið fjör og mikið gaman.    

[Jens Guð, 7.2.2010 kl. 23:31]

  Sigurlaug frá Laugabakka,  segðu mér frekari deili á þessum sveitunga okkar.  Hverra manna er hann?

[(IP-tala skráð) 8.2.2010 kl. 00:48]

Ekki er ég nú frá Laugabakka heldur Laugarbóli Jens minn. Við Steini vorum saman í sveit á sínum tíma á Vindheimum hjá Önnu sem og hann er frændi minn sonur Skúla Steinþórssonar  flugstjóra og Ólafar Sigurðardóttur fyrrum flugfreyju og bankastarfsmanns, og á systir sem heitir Ólöf Rún Skúladóttir fréttakona með meiru. Ég er hins vegar svo illa að mér að ég þori ekki að fara með ættfræðina nema ég veit að það tengist Ingólfi afa og Steinþóri föður Skúla, en hvernig man ég ekki.

[Guðmundur Pétursson (IP-tala skráð) 8.2.2010 kl. 04:12]

Þessi SS gaur Steinþór Skúla var alinn upp af pabba sínum frá blautu barnsbeini til að stjórna stórveldinu Sláturfélagi Suðurlands.

En mistök í uppeldi gerðu drenginn hændann að hindurvitnum og öðru sem falsspámenn ná að blekkja auðtrúa sakleysingja að.

Kristallar t.d. urðu mikilvægir hlutir á lokaðri skrifstofu forstjórans og ásókn í að geimverur á snæfellsnesi myndu tala við hann fóru með andlega heilsu hans þegar þær sýndu sig ekki.

[(IP-tala skráð) 8.2.2010 kl. 09:39]

Það er greinilegt að Guðmundur Pétursson þekkir illa til svo ekki sé meira sagt.

[Gjagg (IP-tala skráð) 8.2.2010 kl. 10:18]

SS bjó einu sinni til ágaetis kaefu.  Thessa gráu í plastinu.  Nú er thessi kaefa algerlega óaet og hefur verid mjög lengi.  SS byrjadi nefnilega ad haekka fituinnihaldid svo rosalega mikid til thess ad graeda meir á vörunni.  Núna er SS kaefan vidbjódslegur fitukeppur med örfáum kjöttaetlum.

[Benedikt Halldórsson, 8.2.2010 kl. 17:26]

Það er alltaf einhverja illdeilur í gangi hverju sinni. Sumar deilur eiga erindi við þjóðina en þegar deiluaðilar eru orðnir álíka reiðir og Ástþór Magnússon.....hvað skal segja?

Einu sinni þótti "vidbjódslegur fitukeppur" rosalega góður en það var kæfa sem var svo feit að hún var skorinn í sneiðar! Hún þótti góð oná rúgbrauð.

Ég ætla bara að vona að SS að illdeilurnar hafi ekki aukið fituinnihaldið í SS pylsunum. Mér finnst þær vera jafn góðar og áður og vera álíka bognar.

[Sigurbjörg Sigurðardóttir, 8.2.2010 kl. 18:03]

Frábær brandari að fylgjast með um hvað verður úr þessu.

[Jóhanna Magnúsdóttir, 8.2.2010 kl. 19:10]

Ég myndi nú aðeins fara að líta í eigin barm ef ég lenti í svona neikvæðu umtali....  En auðvitað á enginn skilið að vera rægður - og það á nafnlausri síðu.

[Jens Guð, 8.2.2010 kl. 21:10]

  Anna Sigríður,  þetta er áhugaverð spurning hjá þér:  Hvers vegna eru kannabisræktendur bara teknir þegar framleiðslan er á lokastigi?  Það hlýtur að vera til einhvert vitrænt svar við henni.

[Jens Guð, 8.2.2010 kl. 22:04]

  JR,  dómstólar taka ekki jafn snöfurlega á öllum málum.  Svo mikið er víst.  Og ekki er forgangsröðin alltaf til samræmis við vægi mála.

[Jens Guð, 9.2.2010 kl. 00:25]

  Óskar,  þú segir tíðindi.  Það eru margar hliðar á sumum málum.  Misgóðar.