Smásaga um þjón

  Íbúar kaupstaðarins eru ekki á einu máli um þjónninn að sunnan.  Hann vinnur langar vaktir á vinsælasta veitingastaðnum.  Stelpunum þykir hann sætur.  Líka eldri konunum.  Þær viðurkenna það samt ekki allar.  Að minnsta kosti ekki svo karlinn þeirra heyri.  Karlinn er svo svakalega afbrýðisamur.  Og dyndóttur.

  Strákarnir eru ekki eins hrifnir af þjóninum.  Með nokkrum undantekningum.  Það sem strákarnir setja út á þjóninn er að hann kveður alla gesti með kossi.  Alla.  Ekki síst Alla Jóns. 

  Þetta er ekki mömmukoss á kinnina.  Nema þegar börn eiga hlut að máli.  Þjónninn er enginn perri.  Þeim mun meira leggur hann sig fram í kossaflensi við þá sem komnir eru af unglingsárum.  Hann fer í hörkusleik við þá.  Og fer ekki í manngreinaálit.  Hann gerir ekki upp á milli tvítugra stelpna og karla á níræðisaldri.  Að því frátöldu að hann leyfir öllum yfir áttrætt að borða frítt ef þeir eru í fylgd með foreldrum sínum.  Bara sínum.  Þess er vandlega gætt að þeir séu ekki í fylgd með foreldrum einhvers annars.

  Öldruðu gestunum þykir gaman að fara í sleik við þjóninn.  Eða ekki beinlínis gaman heldur þykir þeim kostur að í sleiknum þrífur hann allar matarleifar af gervigómunum þeirra.  Gamla fólkið veit ekki að þjóninum þykir þetta einnig hagkvæmt fyrir sig.  Hann fer aldrei svangur í rúmið og fær að smakka á helstu réttum veitingastaðarins hvern dag.  Hann skilgreinir þetta sem lið í gæðaeftirliti með kokkum staðarins.

  Þá sjaldan sem þjónninn lyftir sér upp og heimsækir íbúa kaupstaðarins fer hann einnig í sleik við gæludýrin er hann kveður.  Aðallega hunda og ketti.  Skiptir ekki máli.  Hann stendur sína plikt.  Samviskusemi er honum í blóð borin.  Þetta er góður þjónn. 

  Sumum þykir skrítið að út úr enni þjónsins stendur loftnet af gömlu útvarpstæki.  Þar hefur loftnetið verið síðan honum skrikaði eitt sinn fótur í ælu á gólfinu eftir matvandan gest.  Þjónninn flaug þá eins og sperrtur hani.  Því næst flaug hann beint á hausinn á útvarpstæki staðarins.  Í lendingunni stakkst loftnetið á kaf inn í ennið.  Um leið brotnaði það af útvarpstækin. 

  Þjóninum þykir flott að hafa loftnet á enninu.  Hann hefur alltaf hrifist af hyrndum kindum og kúm.  Honum þykir reisn yfir þeim.

  Í desember setur þjónninn jólaskraut á loftnetið.

-------------------------------------------------------------------------------------------

.

Fleiri smásögur og leikrit:

 - Gamall einbúi:

 http://jensgud.blog.is/blog/jensgud/entry/1036775

- Systur:

http://www.jensgud.blog.is/blog/jensgud/entry/1017021/

 - Jólasaga:

http://www.jensgud.blog.is/blog/jensgud/entry/1008279/

.

- Á rjúpnaveiðum:

http://www.jensgud.blog.is/blog/jensgud/entry/988782/

.

- Ólétt nunna:

http://www.jensgud.blog.is/blog/jensgud/entry/978349/

.

- Gullfiskur:

http://jensgud.blog.is/blog/jensgud/entry/965433

.

- Flugvélamódel:

http://jensgud.blog.is/blog/jensgud/entry/955702

.

- Miðaldra maður:

http://jensgud.blog.is/blog/jensgud/entry/944608

.

- Leyndarmál stráks:

http://jensgud.blog.is/blog/jensgud/entry/928198

.

- Ættleiðing:

http://jensgud.blog.is/blog/jensgud/entry/916687/

.

- Strákur með sög:

http://jensgud.blog.is/blog/jensgud/entry/903540

.

- Hundur:

http://jensgud.blog.is/blog/jensgud/entry/863130

.

- Boltabulla:

http://jensgud.blog.is/blog/jensgud/entry/718347

.

- Skokkari:

http://jensgud.blog.is/blog/jensgud/entry/606929

.

- Strákur skiptir um gír:

http://jensgud.blog.is/blog/jensgud/entry/538649

.

- Morðsaga:

http://jensgud.blog.is/blog/jensgud/entry/320299

.

- 27 ára:

http://jensgud.blog.is/blog/jensgud/entry/299380

.

- Um borð:

 http://jensgud.blog.is/blog/jensgud/entry/278812

.

- Matarboð í sveitinni:

http://jensgud.blog.is/blog/jensgud/entry/266411

.

- Í plötubúð:

http://jensgud.blog.is/blog/jensgud/entry/260037

Athugasemdir

[Jóna Kolbrún Garðarsdóttir, 12.4.2010 kl. 02:22]

  Sem betur fer þekki ég ekki svona þjón. 

[Grefillinn Sjálfur - Koma svo! (IP-tala skráð) 12.4.2010 kl. 02:28]

Mögnuð persónusköpun þarna á ferðinni. Söguhetjan lifir einhvern veginn áfram með manni, löngu eftir að lestri er lokið. Ég held það hljóti bera stíl höfundar fagurt vitni.

[Jens Guð, 12.4.2010 kl. 02:35]

  Jóna Kolbrún,  þú ert bara ekki að vinna á réttu veitingastöðunum :)

[Jens Guð, 12.4.2010 kl. 02:35]

  Grefill,  takk fyrir oflofið :)

[Grefillinn Sjálfur - Koma svo! (IP-tala skráð) 12.4.2010 kl. 02:58]

Þetta er ekkert oflof, kemur beint frá hjartanu.

Ég hef lesið nokkrar smásögur eftir þig og það er staðreynd að þær sitja margar hverjar í manni og fylgja manni. 

Mér - og þetta er bara eitt dæmi af mörgum - verður t.d. enn hugsað til geitarinnar í Sögunni um óléttu nunnuna.

Persóna hennar, geitarinnar meina ég, meitlaðist hreint og beint inn í undirmeðvitundina og vill ekki fara þaðan út aftur.

Hvaðan kom hún? Hvert fór hún eftir að þetta gerðist? Átti hún eftir að snúa aftur? Svoleiðis spurrningar.

Þannig að það sem ég sagði var ekki oflof, heldur staðreynd.

[J. Einar Valur Bjarnason Maack , 12.4.2010 kl. 08:22]

Átti þessi saga að gerast á Eskifirði?

[Jens Guð, 12.4.2010 kl. 21:37]

  Grefill,  það er virkilega gaman að þú skulir hafa gaman af sögunum.  Til þess er leikurinn gerður.

[Jens Guð, 12.4.2010 kl. 21:38]

  Einar Loki,  hvernig fattaðir þú það?

[tommi (IP-tala skráð) 13.4.2010 kl. 12:47]

Alli Jóns, er það ekki þessi Alli ríki ? En, enn ein snilldar sagan !

[Hannes, 13.4.2010 kl. 19:15]

Ég myndi skammast mín svo mikið fyrir að borða þarna að ég myndi fremja SJÁLFSMORÐ þegar ég kæmi heim.

[Jens Guð, 13.4.2010 kl. 22:12]

  Tommi,  ég útiloka ekki að Alli Jóns sé Alli ríki. 

[Jens Guð, 13.4.2010 kl. 22:16]

  Hannes,  þessi saga er byggð á raunveruleika.  Að vísu er fært í stílinn til að skerpa á lýsingunni í því knappa formi sem smásaga er.  En þjónninn er til í alvörunni þó hann sé ekki eins ýktur og í sögunni.