Meiriháttar flottar ljósmyndir af eldgosinu

  Fyrir tveimur árum (júní 2008) skrapp ég til Boston í Bandaríkjunum.  Svo einkennilega vildi til að á þeim tímapunkti fór þar á hausinn fríblað í eigu Íslendinga.  Mig minnir að það hafi heitið Boston News.  Það var í eigu Baugsfeðga.  Það kom mér á óvart að hljótt hafði farið um þetta blað í íslenskum fjölmiðlum.  Einnig þegar það fór á hausinn.  En í Boston gerðu "lókal"fjölmiðlar mikið úr örlögum þessa fríblaðs.

  Bostonbúar skildu hvorki upp né niður í þessu uppátæki Íslendinga að ryðjast inn á dagblaðamarkað í Boston.  Sögðu það ganga brjálæði næst.  Dæmið væri svo vonlaust. 

  Svo undarlega vildi til að í Boston rakst ég á fjölda Íslendinga.  Ég þekkti þá ekki alla með nafni.  En kannaðist við menn eins og Kára Stefánsson,  Geir Haaarde og Lúðvík Bergsveinsson (eða hvað hann heitir samfylkingargaurinn með öll bankalánin).  Þetta lið rölti um aðal verslunargötuna í Boston ásamt fjölda annarra Íslendinga.

  Áður en ég fór til Boston hef ég aðallega verið í suðurríkjum Bandaríkjanna.  Ólíkt suðurríkjamönnum eru Bostonbúar mjög evrópskir og fylgjast vel með heimsmálum.  Ég held að ég hafi ekki hitt neinn Bostonbúa sem var ekki neikvæður í garð Bush.  Jafnframt kom mér á óvart hvað margir þekktu til Íslands,  áttu plötur með Björk og Sigur Rós og voru bara vel á nótunum.  Töluvert annað en þegar rætt er við suðurríkjamenn.

  Hér er safn frábærra ljósmynda af eldgosunum á Íslandi birtar á boston.com (smelltu á slóðina):    http://www.boston.com/bigpicture/2010/04/more_from_eyjafjallajokull.html

Mun stærra íslenskt eldfjall „við það að springa“

Athugasemdir

[Grefillinn Sjálfur - Koma svo! (IP-tala skráð) 22.4.2010 kl. 23:59]

Ég á komment númer 1317

[Jens Guð, 23.4.2010 kl. 00:09]

  Grefill,  til hamingju með það!

[Jóna Kolbrún Garðarsdóttir, 23.4.2010 kl. 01:36]

Þarna eru margar fallegar myndir sem ég hef ekki séð áður.

[Grefillinn Sjálfur - Koma svo! (IP-tala skráð) 23.4.2010 kl. 01:40]

Þakka þér fyrir ... ég roðna alveg ...

[Ásdís Sigurðardóttir, 23.4.2010 kl. 12:13]

[Þorsteinn Briem, 23.4.2010 kl. 12:19]

Gleðilegt sumar, Jensinn minn!

[Jens Guð, 23.4.2010 kl. 12:21]

  Jóna Kolbrún,  þær eru ótrúlega flottar flestar.

[Jens Guð, 23.4.2010 kl. 12:21]

  Grefill,  láttu það eftir þér.

[Jens Guð, 23.4.2010 kl. 12:21]

  Ásdís,  takk fyrir innlitið.

[Jens Guð, 23.4.2010 kl. 12:22]

  Steini,  gleðilegt sumar!

[Ómar Ingi, 23.4.2010 kl. 14:57]

Sumarið Jens

hérna er eitt fyrir þig http://ommi.blog.is/blog/ommi/entry/1046506/

[Jens Guð, 23.4.2010 kl. 20:19]

  Ómar Ingi,  blessaðar skepnurnar. 

[Guðmundur Júlíusson, 23.4.2010 kl. 20:32]

sá þetta í vikunni og er alveg ótrúlega flott, en það er engu að síður skemtilegra að lesa kommentin í lok myndanna þar sem fólk hvaðanæva úr heiminum er að kommenta á þetta!

[Jens Guð, 23.4.2010 kl. 21:19]

  Guðmundur,  takk fyrir að benda á það.  Ég var sjálfur ekki búinn að fatta að "komment" fylgi myndunum.

[Jens Guð, 23.4.2010 kl. 23:11]

  Hannes,  það er alveg ljómandi að vera með öfga í músík.  Mér finnst það.  Ég er öfgakall í músík.  Það er gaman.

[Sigurbjörg Sigurðardóttir, 24.4.2010 kl. 00:45]

Er búinn að sjá marga myndir sendar til okkar sem vinnum í ferðabrasanum,en sumar sem þú sendir hef ég ekki séð.Frábærar.Takk,

[Jens Guð, 24.4.2010 kl. 01:01]

  Sigurbjörg,  ég er dolfallinn af hrifningu yfir þessum myndum á boston.com.  Mér þykir frábært að þessi vinsæli vefur skuli hafa smalað saman þessu myndum frá hinum ýmsu ljósmyndurum.  Þetta staðfestir fyrir mér og rifjar upp hvað Bostonbúar þekkja vel til Íslands.  Og hafa áhuga á þessari eyju í austri.  Sem er mjög ólíkt fáfræðinni í suðurríkjum Bandaríkjanna.

[Sigurbjörg Sigurðardóttir, 24.4.2010 kl. 01:25]

Fór til Boston fyrir 3 árum síðan (fyrsta skipti til hennar Ameriku) Frábær borg og hafði gaman af. En ég fór 19 janúar og herrar mínir það var -19 stiga frost jesus hef aldrei upplifað annans eins kulda.En skemtileg borg mjög svo evrópsk.

[Jens Guð, 24.4.2010 kl. 01:47]

  Sigurbjörg,  Boston er dálítið norðarlega og þar getur verið kalt.  Eitt sem ástæða er til að vekja athygli á fyrir Íslendinga sem ferðast til Boston:  Þegar lent er þar á flugvelli hringir maður á hótelið og er þá sóttur án aukagjalds á flugvöllinn.