Eivör í 1. sæti i tveimur löndum með sitthvort lagið

  Nýja platan með Eivöru,  Larva,   er töluvert þungmeltari en fyrri plötur hennar.  Jafnframt er músíkstíllinn verulega frábrugðinn þjóðlagakenndri vísnatónlistinni sem Eivör er þekktust fyrir.  Á  Larva  er það rafmagnað tölvuhljómborð sem ræður för.  Engu að síður kunna margir vel að meta þessa frábæru plötu,  Larva.   Og ennþá fleiri eiga eftir að læra að meta hana þegar fram líða stundir.

  Upphafslag  Larva,  Undo your Mind,   flaug um helgina upp í 1. sæti vinsældalistans á rás 2.  Svo skemmtilega vill til að á sama tíma flaug annað lag af  Larva,  Vöka,  upp í 1.  sæti færeyska vinsældalistans.  Það er óvenjulegt að sami flytjandi sitji í toppsæti vinsældalista tveggja landa með sitthvort lagið.  En Eivör er ekki venjuleg og ekki Larva  heldur.  Larva  er þessa vikuna í 7.  sæti yfir söluhæstu plöturnar á Íslandi.

  Sjá plötuumsögn:  http://jensgud.blog.is/blog/jensgud/entry/1057725

Athugasemdir

[Hannes, 31.5.2010 kl. 21:42]

Þetta sýnir vel af hverju á að leggja þessa ömurlegu útvarpsrás niður ásamt móðurfélaginu.

[Ómar Ingi, 31.5.2010 kl. 22:04]

Nýjasti diskur hennar er alveg fantafínn