Pönkbyltingin

  Á hippárunum á seinni hluta sjöunda áratugarins talaði ungt fólk stundum með tilhlökkun um það þegar "68-kynslóðin",  hipparnir,  myndu taka við stjórn landsins.  Fólkið sem mótmælti stríði,  sagðist kúka á kerfið,  boðaði frjálsar ástir og dópaði.  Það yrði fjör.  Það var heldur ekkert langt í að Davíð Oddsson yrði borgarstjóri,  forsætisráðherra,  Seðlabankastjóri,  ritstjóri Moggans;  Ásta Ragnheiður Jóhannesdóttir,  DJ-drottning,  yrði alþingiskona og allskonar;  rokkstjarnan Óttar Felix Hauksson - sem rokkaði með nakinni kvenmannsgínu - yrði formaður Sjálfstæðisfélags Kópavogs;  Már Guðmundsson yrði Seðlabankastjóri... Og svo framvegis.  Og svo framvegis.  Tony Blair varð forsætisráðherra Bretlands.  Bill Clinton varð forseti Bandaríkjanna.

  Vissulega urðu miklar breytingar á vestrænum samfélögum.  Frjálsræði jókst og gömul gildi úreltust.  En samt.  Þetta varð ekki eins og vonir stóðu til.  "Eitt sinn hippi,  ávalt hippi" varð meira þannig að "nú er hann orðinn kótelettukarl".

  1976/77 bylti pönkið hipparokkinu og ný kynslóð,  pönkkynslóðin,  varð ráðandi afl með nýjum viðhorfum.  Gerðu-það-sjálf/ur (Do-it-yourself) var hugmyndafræðin;  að kýla á hlutina.  Fræbbblarnir og Sex Pistols hraunuðu yfir hippana.  Anarkismi var málið.

 

  Nú hefur það gerst sem fáa óraði fyrir:  Pönkbyltingin er orðin staðreynd í borgarstjórn Reykjavíkur.  Jón Gnarr var áberandi í pönksenunni.  Myndin hér efst er af pönksveit hans,  Nefrennsli.  Óttar Proppe,  forsprakki hinnar frábæru pönksveitar Rass,  er kominn í borgarstjórn:

   Líka Einar Örn.  Hann er orðinn formaður Sorpu bs.

  Og Dr.  Gunni er þarna einnig.  Hann er orðinn formaður Strætó bs.

 

Jón Gnarr með lyklavöldin

Athugasemdir

[Hannes, 15.6.2010 kl. 23:10]

http://www.youtube.com/watch?v=s1lSMXE3W8w&feature=related

http://www.youtube.com/watch?v=0iOE6J2zEjw

Njóttu gamli.

[Jens Guð, 15.6.2010 kl. 23:26]

  Hannes,  mér varð á að skella upp úr.  Þú ert ótrúlegur.  Reyndar fer Paul Robson vel með þetta þjóðlag Cherokee indíána sem skoskur þrælaflutningaskipstjóri orti sálmakvæði við og frægt er sem,  Amazing Grace.  Bara ekki minn músíkstíll.  Reyndar ekki heldur:  http://www.youtube.com/watch?v=UvYIjFtPQEk

  Ég á þetta lag sungið á grænlensku.  Mig vantar pönkútgáfuna.

[Hannes, 15.6.2010 kl. 23:37]

Ég kann betu við útfærslu Paul Robeson persónulega þó að þessi sé góð líka enda er maðurinn snillingur.

 Það væri gaman að heyra lagið á Grænlensku.

Hvað var svona fyndið við kommentið?

[Jens Guð, 15.6.2010 kl. 23:56]

  Hannes,  mér þótti fyndið að vera nýbúinn að renna í gegnum mörg gullkorn pönksins og skipta svo yfir í Paul Robeson.  Töluvert önnur stemmning.  Vissulega er maðurinn virkilega flottur söngvari.  En ekki mín pönkdeild.

[Hannes, 16.6.2010 kl. 00:02]

Jens.  Hann er góður og með sérstaka og kraftmikla rödd.

[Jens Guð, 16.6.2010 kl. 00:17]

  Hannes,  ég kvitta alveg undir að Paul Robeson var frábær söngvari.  Með rosalega sterka og flotta rödd.  En ég hallast frekar að pönkdæmunum hér að ofan.

[Grefillinn Sjálfur - Koma svo! (IP-tala skráð) 16.6.2010 kl. 01:04]

Ég hló mikið að skónum hans Einars Arnar árið 1979 ... þeir voru fyrstu támjóu pönkskórnir sem ég hafði séð. Alveg svakalega langir. Svo var hann sjálfur auðvitað einn fyrsti alvöru pönkarinn á Íslandi ... og þá meina ég að hann var alveg á kafi í músíkinni sjálfri, fílaði hana í botn og vissi allt um hana á meðan aðrir voru bara pönk í stíl og stælum. Nú er hann nr. 2 maður í borgarstjórn.

Annars finnst mér vanta einn í Besta flokkinn; Bógómil Sigtryggsson Baldursonar ... hvar er hann núna?

[Hjóla-Hrönn, 16.6.2010 kl. 12:02]

Kosningaskrifstofan hjá Besta flokknum var við hliðina á vinnustaðnum mínum.  Nú sé ég náttúrulega hvílíkt eftir því að hafa ekki boðið mig fram í sjálfboðavinnu og fengið sæti á listanum í staðinn.  Ég hefði smellpassað inn í hópinn.  Svo er bara spurningin hvort þetta fólk gefist upp á skriffinnskunni og leiðindum, það er ekki nóg að vera skemmtilegur og skapandi, svona störf eru fundasetur, kvabb og nöldur út í gegn.

[Jens Guð, 16.6.2010 kl. 12:10]

  Grefill,  Einar Örn átti stóran þátt í pönkbyltingunni.  Hann var umboðsmaður Utangarðsmanna.  Mjög drífandi umboðsmaður.  Svo og söngvari Purrksins og stofnandi plötufyrirtækisins Gramm.

  Er Sigtryggur ekki að spila í útlöndum með Emilíönu Torrini?

[Jens Guð, 16.6.2010 kl. 12:14]

  Hjóla-Hrönn,  ég hef setið í nokkrum nefndum og ráðum hjá borginni.  Flestir fundir þar á bæ eru ótrúlega leiðinlegir.  Fólk talar í löngu máli um það sem auðveldlega má segja í einni setningu,  endurtekur sig í sífellu (með setningum sem byrja á:  "Eins og ég var að segja..."),  endurtekur það sem aðrir voru að segja ("eins og hann var að segja...") og svo framvegis. 

  Þar sem fulltrúar BF eru formenn í sumum tilfellum má ætla að þeir breyti þessu með snöfurlegri fundastjórn.

[Stefán (IP-tala skráð) 16.6.2010 kl. 12:32]

Það var einhver fjöldi kjósenda Besta flokksins sem strikaði yfir nafn Einars Arnar. Líklega þeir hinir sömu og þola hann alls ekki sem söngvara, eða kanski það sé persónan sem pirrar svo marga. 

[Brjánn Guðjónsson, 16.6.2010 kl. 15:00]

flott hvernig SP settu tommarann í forgrunn, sem alla jafna eru settir aftast og enginn sér.

[Gjagg (IP-tala skráð) 16.6.2010 kl. 17:14]

Vardandi nefndarfundi...er ekki haegt ad tvinga fólk til thess ad halda sig innan tímamarka? 

Nú fyrir skömmu eins og allir vita thá drápu ísraelsmenn saklausa einstaklinga á althjódlegri siglingarleid sem voru ad hjálpa saklausu fólki sem ísraelsmenn svelta og hafa kúgad og raent landi, vatni og ödrum audlindum frá auk thess ad eydileggja bústadi thess.

Glaeparíkid Ísrael og zionist mordingjarnir eru ekki einungis álitnir glaepamenn af flestum á thessum hnetti...trúadir gydingar um allan heim eru á móti theim sbr thetta:

http://www.youtube.com/watch?v=Y48cYB89FXU

[Jens Guð, 16.6.2010 kl. 22:28]

  Stefán,  ég hef grun um að það hafi verið einhverjir sem þola ekki Ghostdigitals.  Eða vildu að Björk afgreiddi ein allan söng í Sykurmolunum.

[Jens Guð, 16.6.2010 kl. 22:31]

  Brjánn,  þetta var ekki regla hjá SP.  Trommarinn var oft aftast á sviðinu.  En varstu búinn að fatta að SP fjármögnun er skýrð eftir Sex Pistols?

[Jens Guð, 16.6.2010 kl. 22:42]

  Gjagg,  fundarstjóri hefur vald til að stýra fundi þannig að fólk blaðri ekki út í eitt.  Ég veit ekki af hverju því valdi er sjaldan beitt.  Kannski af því að stundum eru veglegar veitingar á borðum.  Sumum þykir gaman að sitja lengi yfir veitingum. 

  Hugsanlega mynda atvinnustjórnmálamenn þol gagnvart löngum fundum.  

  Takk fyrir hlekkinn.  Fjöldi gyðinga í og utan hryðjuverkaríkisins Ísraels er ofboðið hvað zíonistar hafa tileinkað sér nasisma rækilega.