Górillur leika sér í "klukki"

 

  BBC greinir frá því að rannsókn,  sem gerð var af háskólanum í Portsmouth,  hafi leitt í ljós að górillur eigi það til að bregða sér í eltingaleik,  samskonar þeim sem krakkar stunduðu fyrir daga tölvuleikja.  Þetta er svokallaður "klukk" leikur.  Ein górilla læðist aftan að annarri og slær létt í hana.  Um leið hleypur sú górillan sem sló á harðaspretti út í buskann.  Hin górillan eltir og reynir að "klukka" górilluna sem hóf leikinn.  Þegar það tekst snýst hlutverkið við.  Þannig getur leikurinn haldið áfram um hríð þangað til báðar górillurnar eru orðnar örmagna af þreytu. 

  Górillurnar fara ekki í "klukk" ef þær halda að fólk sjái til.  Rannsakendur háskólans í Portsmouth komust að þessu er þeir skoðuðu myndbandsupptökur af górillum.  Górillur og fleiri apategundir gera ýmislegt fleira þegar þær halda að fólk sjái ekki til þeirra.  Meira um það síðar.  Þangað til er upplagt að sjá í myndbandinu hér fyrir ofan apa skemmta sér við að hrekkja tígrisdýr.

Athugasemdir

[Ásdís Sigurðardóttir, 19.7.2010 kl. 13:50]

[Jens Guð, 19.7.2010 kl. 13:55]

  Ásdís,  takk fyrir þessa skemmtilegu sól.

[Gjagg (IP-tala skráð) 19.7.2010 kl. 16:26]

Thetta er med thví fyndnasta sem ég hef séd!  LOL HAHAHAHAHHAHAHAHA  Thessi api er med sjálfstraustid og húmorinn í lagi!

Takk fyrir thetta Gud!

[Gjagg (IP-tala skráð) 19.7.2010 kl. 18:05]

Og takk fyrir thessa faerslu líka.  Hver einasta mynd af kóngsa er sprenglaegileg!

Kallinn með hattinn. Broslegar myndir af Svíakonungi

  Öll þekkjum við fólk sem kann ekki við sig öðru vísi en með hatt,  klút eða einhverskonar húfu á höfði.  Jafnvel þó það sé ekki nema gyðingalegt pottlok.  Sænski kóngurinn,  Karl XVI Gústaf,  er friðlaus nema hann sé með eitthvað á hausnum.  Illar tungur segja það vera til að bæta upp að lítið sé í hausnum.  Kalli er glysgjarn eins og hrafninn.  Hann sækir í skraut,  gull og sterka liti.  Ekki þykir honum verra að dúskar,  eyru,  horn,  fánar eða eitthvað svoleiðis dúllerí fylgi með  

  "Vinna" sænska kóngsins felst aðallega í því að vera viðstaddur tiltekna atburði.  Kalli segist ekki upplifa sig sem alvöru þátttakanda í þeim atburðum nema bera höfuðfat sem hæfir tilefninu.  Hér eru nokkrar skemmtilegar myndir af kallinum með hattinn (neðsta myndin útskýrir kannski hvers vegna kappinn sækir í höfuðföt):

[makki (IP-tala skráð) 19.7.2010 kl. 18:06]

kettir eru bjánar!

[Jens Guð, 19.7.2010 kl. 21:11]

  Gjagg,  það er gaman að þessu.

[Jens Guð, 19.7.2010 kl. 21:12]

  Makki,  kettir eru svo miklir vitleysingar að það er oflof að skilgreina þá með kjánum.

[Hannes, 20.7.2010 kl. 00:16]

Skemmtilegur api sem mun einn daginn verða étinn ef hann heldur áfram að leika sér við ketti.

[Kjarri thaiiceland, 20.7.2010 kl. 17:29]

Sammála síðasta manni. Apinn mun sennilega ekki komast í hóp þerra sem hæstan aldur ná í apasamfélaginu. Gæti gert "smá" mistök einhvern tíman sem verður þá ekki aftur tekið.

[Jens Guð, 20.7.2010 kl. 20:26]

  Hannes og Kjarri,  hann er glanni þessi api.  Þó virðist hann hafa gott vald á því sem hann er að gera.  En lítið má út af bregða til að hann sé í vondum málum.  Tígrisdýr veiða svona apa sér til matar.

[Sigurbjörg Sigurðardóttir, 22.7.2010 kl. 16:35]

bráðfyndið mindband,og tala ekki um hattasmekkin hans kónsa.