Færeysk skoðanakönnun um samkynhneigð

  Í umræðunni vegna ummæla Jenis av Rana um íslenska forsætisráðherrann hefur borið á því að samasemmerki sé sett á milli færeysku þjóðarinnar og Jenis av Rana.  Meðal annars hefur verið vísað til þess að tveir aðrir formenn færeyskra lögþingsflokka hafi sýnt Jenis av Rana samstöðu með því að mæta ekki heldur í kvöldverðarboð sem íslenska forsætisráðherranum var haldið í Kirkjubæ.  Þar með hafi einungis 3 af formönnum 6 lögþingsflokkanna snætt kvöldverð með Jóhönnu og maka hennar.

  Hér með skal það leiðrétt að fjarvera umræddra 2ja formanna hafði ekkert að gera með afstöðu Jenis av Rana.  Formaður Fólkaflokksins var gestgjafi í öðru kvöldverðarboði á sama tíma.  Það kvöldverðarboð var haldið fyrir Norrænu ráðherrasamstarfsnefndina.  Það var sett á dagskrá löngu áður en tilkynnt var um heimsókn Jóhönnu til Færeyja.

  Formaður Sjálfstýrisflokksins hefur upplýst að hann hafi ekki átt heimangengt af persónulegum ástæðum og tekur fram að það hafi ekki neitt að gera með íslenska forsætisráðherrann.  Alls ekki.

  Nú hefur í nokkra daga staðið yfir skoðanakönnun á netsíðu færeyska dagblaðsins Dimmalætting.  Þar er spurt:  Eigum við að leyfa samkynhneigðum að ganga í hjónaband?

  Þegar þetta er skrifað hafa 16 hundruð atkvæði skilað sér í hús (jafngilda 10 þúsund atkvæðum á Íslandi,  miðað við höfðatölu).  Þannig eru tölurnar núna:

Já 68%

Nei 27%

Veit ekki 5%

  Ef þú vilt fylgjast með hvort staðan breytist er slóðin www.dimma.fo .

Ótrúlegir fordómar í Færeyjum

Athugasemdir

[Gunnar Hrafn (IP-tala skráð) 8.9.2010 kl. 19:14]

Vinabönd þjóðanna eru alltof sterk til að einn maður með umdeildar skoðanir geti haft nokkur áhrif á þau með því að mæta ekki í eitthvað kvöldverðarboð. Það er það sem öllu skiptir.

Góðar fréttir annars af þessari skoðanakönnun, heldurðu að niðurstöðurnar væru svipaðar í gallup könnun?

[Jens Guð, 8.9.2010 kl. 20:28]

  Gunnar Hrafn,  nei,  niðurstöðurnar yrðu ekki þær sömu í gallup könnun.  Ég hef samt trú á að það sé meirihlutafylgi í Færeyjum við hjónabönd samkynhneigðra.  Ungir Færeyingar eru svo miklu frjálslyndari en eldra fólkið.  Þar er stór munur á.

  Skýringar á því eru m.a. þær að fyrir tveimur áratugum eða svo fengu Færeyingar "fjölvarp" (aðgang að mörgum útlendum sjónvarpsstöðvum).  Þá hafa yngri Færeyingar tileinkað sér að fylgjast með útlendum netmiðlum.  Sífellt fleiri Færeyingar sækja framhaldsnám og vinnu að meira og minna leyti út fyrir eyjarnar (til að mynda færeyskir tónlistarmenn).  

  Á móti kemur að dagblaðið Dimmalætting er íhaldssamt.  Það höfðar meira til eldra fólks.  Yngra fólkið sækir frekar í dagblaðið Sósialin (með einu n) sem er mun frjálslyndara og nútímalegra.

  Ég sá að þú spurðir mig á fésbókinni út í hljómsveitina 200.  Ég setti fyrsta lagið þeirra á safnplötuna  Rock from the Cold Seas  fyrir 11 árum.  Ég á allar plötur 200, hef sótt sennilega á milli 10 og 20 hljómleika með 200 og hef lagt þeim lið í heimsóknum til Íslands.  Þetta eru góðir vinir mínir.

[Hólímólí (IP-tala skráð) 8.9.2010 kl. 21:02]

Það er allt of mikið gert úr þessu máli. Það er alveg vitað að alls staðar finnst fordómafullt fólk. Þessi uppákoma verðskuldaði ekki eina línu í fjölmiðlum hvað þá alla þá athygli sem hún hefur fengið.

[Gunnar Hrafn (IP-tala skráð) 8.9.2010 kl. 21:31]

Hólímólí: sammála

Jens: 200 eru aldeilis frábærir, félagi minn Freyr Eyjólfsson þekkir þá líka vel og segir þá mikla snillinga og hápólitíska textahöfunda. Mér finnast lögin "Muscle Man" og "MF 666" best af því sem ég hef heyrt, bæði af annarri plötu sveitarinnar:

http://www.myspace.com/200baby/music/albums/viva-la-republica-10618524

[Jens Guð, 8.9.2010 kl. 21:33]

  Gunnar Hrafn,  einmitt í þessum töluðu orðum um 200 var söngvarinn / gítarleikarinn að senda mér upplýsingar um að hann var að stofna fésbókarsíðun "Jenis hefur ekki þjóðina með sér":  http://www.facebook.com/pages/Jenis-har-ikke-befolkningen-pa-sin-side/107270975998640?v=wall#!/pages/Jenis-har-ikke-befolkningen-pa-sin-side/107270975998640?ref=mf

[Hrólfur Þ Hraundal, 8.9.2010 kl. 21:40]

Fyrirgefðu  Jens Guð.  Tek undir með Hólímólí, en Jóhanna Sigurðardóttir, núverandi forsætisráðherra  Íslands  opinberaði en einu sinni dómgreindarskort sinn og framleiddi með honum leiðindi þegar það átti að vera ærlegt á meðal frænda

[Jón Steinar Ragnarsson, 8.9.2010 kl. 21:43]

Hólímólí. Hefði það vakið athygli ef fréttin hefði hljóðað eitthvað á þessa leið: "Þigmaður fær skilaboð frá geimverum um að mæta ekki í partý."  eða " Þigmaður segir raddir í höfði sér ráða ákvörðunum sínum."

Það gleðilega við þetta fár er það að þetta virðist einmitt vera svo absúrd að það telst fréttaefni. Það segir okkur aftur að kannski sé heimurinn að vitkast.  Færeyjar eru þó greinilega einhverri öld á eftir samtímanum fyrst enn eru þar ráðamenn sem fá kjörgengi, með slíka heimsku og forneskju sem grundvallarþema.  Líklega vilja þeir líka grýta fólk, sem vinnur á sunnudögum aða plantar tveim tegundum af korni í sama reit, svo eitthvað sé nefnt, sem er dauðasök í augum guðs.

 22-25% er of mikið Jens. Það væri gaman að sjá samanburðarkönnun hér.  Ég er svo ekki að kaupa afsökun þingmannsins sem hélt sig fjarri af "persónulegum" ástæðum.  Hann hefur líklega verið að hugsa um þennan fjórðung þjóðarinnar, sem gæti gert hann að lögmanni Færeyja í framtíðinni. Þeir eru hársbreidd ´r´kristilegum Talibanisma með þessa afstöðu.  Bara svo þeir fái að vita það hér.

[Jens Guð, 8.9.2010 kl. 21:50]

  Hólímólí,  verulegur hluti Færeyinga,  einkum yngra fólk,  er miður sín vegna upphlaups Jenis av Rana.  Sem formaður þingflokks með 3 af 32 færeyskum þingmönnum (sem deilast á 6 þingflokka) er Jenis opinber fulltrúi færeysku þjóðarinnar.  Einmitt þess vegna var honum boðið til kvöldverðar með íslenska forsætisráðherranum.

  Við erum þess vegna ekki að tala um einhvern vitleysing út í bæ.  Þar fyrir utan er Jenis forstöðumaður trúarsafnaðar.  Fyrir 2 árum eða svo komst upp að hann hafði haldið hlífðarskildi yfir barnaníðingi innan safnaðarins.  Hann beitti þöggun og braut gegn lögum um upplýsingaskyldu heimilislæknis.  

  Margt fleira mætti um framgöngu og mannvonsku Jenis av Rana tína til.  

  Fyrir þremur árum varð umræða og þrýstingur utanlands frá til þess sett voru lög í Færeyjum sem banna ofsóknir gegn samkynhneigðum.  Fyrir örfáum vikum var Jenis að leita stuðnings við frumvarp um að þessi nýju lög yrðu afnumin.  Hann vill að samkynhneigð verði lamin úr hommum.  Þeim til bjargar frá því að brenna um eilífð í vítislogum. 

[Hannes, 8.9.2010 kl. 22:00]

Ég er mest hissa á að 74% séu fylgjandi hjónabandi samkynhneigða miðað við að afturhadsseggir eins og Janis komast á þingið.

[Jens Guð, 8.9.2010 kl. 22:07]

  Hrólfur,  ég vísa í "komment" #8.  Og bæti því við að þessi umræða hefur rækilega girt fyrir það að frumvarp Jenis av Rana um afnám laga #266 nái fram að ganga.  Sem það svo sem hefði ekki gert.

  Þó má rifja upp að þegar mál Rasmusar Rasmussen (sjá bloggfærslu hér fyrir neðan "Jenis av Rana skýtur sig í fótinn") var tekið upp á vettvangi Norðurlandaráðs mætti það töluverðri andstöðú færeyskra þingmanna (með Janus av Rana fremstan í flokki).  Vegna þessa þrýstings utanlands frá var lagt fram frumvarpið sem bannar ofsóknir á hendur samkynhneigðum.

  Það er ekki rétt að Jóhanna hafi sýnt dómgreindarskort í þessu máli (þó ég kvitti ekki undir stuðning við hana í mörgum öðrum málum.  Það er annað mál).  Færeyingum var vel kunnugt um kynhneigð hennar.  Því dæmi hafði verið gerð góð skil í færeyskum fjölmiðlum alveg síðan hún varð forsætisráðherra.  

  Framan af virtist það ekki ná brautargengi.  Það var fellt í tvígang áður en það var samþykkt.  Í 3ju atrennu skipti máli umfjöllun um málið erlendis.  Og einnig það að færeysk ungmenni fjölmenntu á þingpalla í skyrtubolum með áletrun um hvatningu til að lögin yrðu samþykkt.  Sömuleiðis sýndu unglingahljómsveitir á hljómleikum stuðning við lögin.  

[Jens Guð, 8.9.2010 kl. 22:09]

  Jón Steinar,  ég kvitta undir þetta innlegg þitt.  Svona í megindráttum. 

[Jens Guð, 8.9.2010 kl. 22:10]

  Hannes,  ég vísa í "komment" #2. 

[Hannes, 8.9.2010 kl. 22:20]

http://visir.is/jenis-faer-barattukvedjur-fra-islandi--lesid-skeytin/article/2010236839864 mér þætti gaman að vita hverjir séu að senda Janis barráttukveðjur.

Það er nauðsýnlegt að öll heimili hafi aðgang af erlendum stöðvum og að íslenskum drasl (RÚV) stöðvum sé lokar.

[Jens Guð, 8.9.2010 kl. 22:26]

  Hannes,  við erum að tala um 11 stuðningsyfirlýsingar frá 320.000 manna þjóð.  Allar þjóðir eiga sína talibana.  Blessunarlega er hlutfallið lágt hérlendis.

[Jens Guð, 8.9.2010 kl. 22:29]

  Gunnar Hrafn,  það er eiginlega allt flott hjá 200.  En allra flottast er tríóið á hljómleikum.  Óli Palli setti lag með þeim á Rokklands plötur fyrir 2 árum.

[Hannes, 8.9.2010 kl. 22:32]

Jens hann birti ekki öll þeirra og allavega eitt bréfanna er frá samtökum á íslandi sem um 1000manns eru meðlimir í.

Ég væri ekki hissa þó að JVJ kæmi eitthvað nálagt þessum samtökum sem 1000íslendingar eru í.

[Vilhjálmur Örn Vilhjálmsson, 8.9.2010 kl. 23:00]

Guð minn, getur þú ekki beðið Eivöru um að syngja um þetta leiðinlega mál, kannski með Páli Óskari?

Jón Steinar, hvað með stjórnmálamenn (les trúða), sem horfa mest á klám?

[Jens Guð, 8.9.2010 kl. 23:02]

  Hannes, takk fyrir þessar upplýsingar.  Og klárlega eru íslenskir talibanar fleiri en 11.  Kannski jafnvel 1011.

[Jens Guð, 8.9.2010 kl. 23:08]

  Vilhjálmur,  Eivör er frá Götu.  Það þýðir að henni verður ekki sagt til um neitt.  Þá bregst hún við eins og Þrándur í Götu.  Þar fyrir utan er ég ekki áhugasamur um að þau Páll Óskar syngi saman.  Með fullri virðingu fyrir Páli Óskari.  Hans músík er ekki mín bjórdós.  Öfugt við plötur og tónlist Eivarar.

[Hrólfur Þ Hraundal, 8.9.2010 kl. 23:22]

Þakka þér Jens Guð fyrir upplýsingar sem ég skoða með vinum mínum.   Veit ekkert um Jens af Rana en á góða vini og ærlega í Færeyjum og hér heima frá Færeyjum.   

En þegar boðið er til veislu þá byrjar maður ekki á að segja að það þurfi að fara að mála forstofuna.  Þegar maður er gestkomandi þá startar maður ekki á að niðurlægja gestgjafann

[Ómar Ingi, 8.9.2010 kl. 23:29]

Ekki lengur grasafræðingur heldur Færeyjarfræðingur

[Jens Guð, 9.9.2010 kl. 00:01]

  Hrólfur,  það er gaman að þú skulir eiga góða og ærlega vini í Færeyjum.  Mér virðist sem það sé sameiginleg reynsla okkar sem höfum kynnst Færeyingum að það myndast hlý væntumþykja.  Fyrir hálfum öðrum áratug var ég beðinn um að kenna Færeyingum skrautskrift.  Strax á fyrsta námskeiði eignaðist ég kæra vini til lífstíðar.  Þeim fjölgaði hratt á næstu námskeiðum.  Eiginlega gengu Færeyingar fram af mér með elskulegheitum og gestrisni.  Ég lenti i aðstæðum þar sem ég varð grátklökkur af viðtökunum.

  Eitt dæmi af mörgum:  Á fyrsta 3ja daga námskeiði var mér á síðasta degi tilkynnt að nemendur vildu færa mér jólakveðju.  Þetta var í desember.  Orgeli var rúllað inn í kennslustofuna og hópurinn söng vel raddað "Heims um ból" á færeysku (þar heitir lagið "Gleðileg jól").  Námskeið mitt var kvöldnámskeið en nemendur höfðu æft að degi til (og tekið sér frí úr vinnu) undir kórstjórn raddsetningu á laginu.  Það var kveikt á kertum á öllum borðum en slökkt á loftljósum.  Þetta var svo fallegt að ég klökknaði.  

  Varðandi heimsókn forsætisráðherra Íslands til Færeyja þá vissu allir að hverju var gengið.  Samkynhneigð Jóhönnu hafði verið löngu áður fréttaefni í færeyskum fjölmiðlum.  

  Færeyingar eru yndislegasta fólk sem ég hef kynnst á minni næstum sextugs ára ævi.  Ég er með landakort af Færeyjum húðflúrað yfir allan framhandlegg hægri handar og færeyska hrútinn (veðrur) yfir vinstri framhandlegg.  Af mínum allra kærustu vinum er hlutfall Færeyinga mjög hátt.   

[Jens Guð, 9.9.2010 kl. 00:02]

  Ómar Ingi,  mér þykir vænst um það að þegar mín er getið í færeyskum fjölmiðlum (sem er nokkuð oft) er ég jafnan titlaður Færeyingavinur. 

[Jens Guð, 9.9.2010 kl. 00:31]

  Ég vil bæta því við vegna viðtalsins við Felix Bergsson sem þetta blogg er tengt við að það hefur orðið gríðarlega mikil viðhorfsbreyting í Færeyjum frá því að hann var þar 1999.  Ungt fólk í Færeyjum er almennt í dag jafn frjálslynt og Íslendingar í garð samkynheigðra.  En vissulega eru margir eldri Færeyingar í gömlu hjólförunum.  Gítarsnillingurinn Rasmus Rasmunssen,  sem var laminn 2006 fyrir að vera hommi,  hefur tekið upp sambúð með kærasta sínum í Færeyjum.  Hann neitar að fara landflótta vegna kynhneigðar sinnar.  Hann nýtur stuðnings alls rokkheims Færeyja og yngri kynslóðar Færeyinga.  

[Jón Steinar Ragnarsson, 9.9.2010 kl. 02:04]

Villi: Hvað með fornleifafræðinga sem horfa á klám? Eða hvur fjandinn sem er.  Það er annars vel til fundið að draga þá samlíkingu við trúarofstækið. Klámið gerir þó engum mein, en hitt er mannskemmandi.

[Jón Valur Jensson, 9.9.2010 kl. 04:03]

Ég hef ekki nokkra trú á þessari skoðanakönnun á Dimmalætting, Jens. Sé þetta netkönnun, nær hún líklega ekki til Færeyinga einna, auk þess sem sérstakir áhugamenn um breytingar á löggjöfinni eru líklegir til að vera fyrstir til að taka þátt. Vitað er, að Færeyingar eru ekkert "frjálslyndari" í þessu efni en aðrir Evrópumenn, t.d. Ítalir, en árið 2007 voru 54% Ítala á móti því að auka réttindi samkynhneigðra.

[Jón Valur Jensson, 9.9.2010 kl. 04:13]

Nei, Hannes, ég er ekki í þessum 1000 manna samtökum og hef ekki glæra glóru um það, hvaða samtök þar er um að ræða. Hef ekki sent mönnum stafkrók um þessi mál til Færeyja.

[Gsss (IP-tala skráð) 9.9.2010 kl. 08:26]

Samkynhneigðir eiga alveg sama rétt á að þást í hjónabandi, rétt eins og gagnkynhneigðir

[Gsss (IP-tala skráð) 9.9.2010 kl. 08:26]

þJást átti það að vera

[Óskar Sigurðsson, 9.9.2010 kl. 09:33]

Jenis er hugrakkur og besta skinn. Hann sagði sannleikann og mætti ekki, hinir notuðu dæmigerða pólitíska málamiðlunar afsökun að mæta ekki. Sjálbirgingar hér á blogginu kalla Færeyinga gamaldags í skoðunum, nema þegar þeir koma til að hjálpa okkur eftir að við erum búnir að klúðra málunum. Kannski þurfum við eftir nokkur á á siðferðilegu láni að halda frá Færeyjum. Nei Færeyingar eru skynsamir og heilir ekki eins og því miður að virðist margir Íslendingar sem siðblindir nýaldarnefapar sem þekkja ekki orðið hægri frá vinstri eða rétt frá röngu heldur hópa að sér því sem hentar hverju sinni, stefnulausir og villuráfandi þjóð undir forystu blindra leiðtoga. 

[doctore (IP-tala skráð) 9.9.2010 kl. 10:39]

Unga fólkið er fólkið sem mun jarða trúarbrögð... maður á aldrei að feta í fótspor föðurs síns... ef pabbinn gengur á vegum Gudda; Sá vegur leiðir menn beina leið í glötun.

[Gunnar Th. Gunnarsson, 9.9.2010 kl. 11:13]

Er Dimmalætting að nota nákvæmlega sama font og Morgunblaðinu í nafnið sitt?

[doctore (IP-tala skráð) 9.9.2010 kl. 12:31]

Guðmundur Sigurðrðsson veit ekki hvað hetjur eru, veit ekki hvað hugrekki er, veit ekki hvað siðferði er, veit ekki hvað skynsemi er.. veit ekki að hann er einn af þessum siðblindu íslendingum sem hann er að tala um...
Vesalings litli Sigurður er búinn að láta selja sér plat-lúxus eftir dauðann.. því er Sigurður tilbúinn í að traðka á mannréttindum... í nafni eigin gróða og ímyndaðs leiðtoga, leiðtogi sem samkvæmt bókinni er geðveikur fjöldamorðingi, styður nauðganir, vill myrða börn... Það er hetjan hans Sigga, Siggi er mútuþægur

Siggi siðblindi

[Jón Steinar Ragnarsson, 9.9.2010 kl. 12:37]

Jón Valur: Ítalir eru líka Kaþólikkar og búa í miðju gini ljónsins. Þessi tölfræði segir meira um trúarkölt þitt en nokkuð annað. 

[Jón Steinar Ragnarsson, 9.9.2010 kl. 12:40]

DoctorE: Hann Óskar ræfillin er sennilega í Betel þarna í Vestmannaeyjum hjá vitfirrtasta trúarleiðtoga landsins og jafnframt vitgrennsta, Snorra í Betel.  Það ætti náttúrlega að taka svona fólk úr umferð.

[doctore (IP-tala skráð) 9.9.2010 kl. 13:50]

Snorri í Betli.. .líkast til mesti vitleysingur íslands... hefur einhver hlustað á hann lýsa  draumförum sínum á Omega... algert geðsýkistal

Við vitum öll að JVJ er ein af síðustu risaeðlunum... JVJ veit það ekki sjálfur, enda með biblíupróf í vasanum

[Sigurður Grétar Guðmundsson, 9.9.2010 kl. 14:27]

Hrólfur Þ. Hraundal, þú segir í þinni athugsemd:

Þegar maður er gestkomandi þá startar maður ekki á að niðurlægja gestgjafann

Áttu við að Jóhanna hafi niðurlægt gestgjafa sína í Færeyjum. Hvernig væri að þú talaðirður  hreint út, segir hvað þú meinar, hefurðu ekki kjark til þess?

[Jón Valur Jensson, 9.9.2010 kl. 15:42]

Jón Ragnarsson, af litlu þykistu sjá eitthvað ofboðslega mikið um kaþólsku kirkjuna! En hér er krókaleiðafrétt fyrir þig og kannski fleiri.

[doctore (IP-tala skráð) 9.9.2010 kl. 16:34]

Við vitum allt sem þarf að vita um barnaníðingskirkjuna þína JVJ... það er algerlega ljóst að kirkjan þín er saman í hóp með öllu því hryllilega sem skollið hefur á mannkyni...
En JVJ neitar að sjá þetta... JVJ talar um útrásarvíkinga og óheiðarleika... EN aldrei talar hann um stærsta og elsta barnaníðingsklúbb í heimi, kaþólsku kirkjuna.
JVJ er nefnilega alveg eins og útrásarvíkingur.. hann neitar að horfast í augu við glæpastarfssemi síns félags...

[Jón Valur Jensson, 9.9.2010 kl. 17:15]

Ljúgðu ekki, þótt þú kunnir að vera nógu langur til, gervidoktor, og hættu að skjóta svona úr launsátri. Ég hef víst skrifað um barnaníðingsmál sem hafa átt sér stað innan kaþólsku kirkjunnar, t.d. hér: Páfinn hneykslast að vonum á barnaníðingshætti prestahóps á Írlandi.

En segðu mér: Innan 1100 milljón manna samfélags með um 400.000 presta, hvernær verða undantekningarnar að reglu í þínum augum?

Neitaðu því svo ekki, að nú er tekið hörðum tökum á þessum málum þar. Svo verður vonandi einnig nú og framvegis innan Þjóðkirkjunnar.

[Hrólfur Þ Hraundal, 9.9.2010 kl. 18:07]

Fyrirgefðu þessa uppákomu utan efnisins Jens Guð.

Ég hef haft það fyrir sið Sigurður Grétar að skulda engum neitt.  Plagi mál mitt þig verulega þá getur þú komið og athugað með kjarkinn. 

Við vitum öll sem viljum hvernig þessum málum er háttað í Færeyjum og það er þeim sjálfum ekkert létt,  þess vegna var forsætisráðherra í lófalagið að sneiða hjá þessari uppákomu. 

En það hefur sýnt sig að dómgreind hennar er mjög fjarri öllu sem æskilegt getur talist af forsætiráðherra, en það ætla ég og um dómgeind Jens af Rana.  Ég læt vera að skilgreina þína að sinni Sigurður Gretar.

[Róbert Tómasson, 9.9.2010 kl. 18:14]

Sæll Jens

Ég skil reyndar ekki allt þetta fjaðrafok út af ákvörðun Jenis, hann tekur hana sjálfsagt útfrá sinni trú og því sem Biblían hefur kennt honum en hún gefur ákaflega skírt álit á samkynhneigð.  Mér finnst hann stækka ef eitthvað er frekar en hitt, þó ég sé alls ekki að segja að ég sé sammála honum, en það er alltaf virðingar vert þegar menn, sérstaklega stjórnmála menn þora að standa á skoðunum sínum.

Það er annað með t.d. íslensku þjóðkirkjuna sem frekar vill þóknast lýðnum til að afla sér vinsælda, en fylgja því orði sem biblían kveður.  Mér finnst að það megi líkja því við að spila fótbolta eftir handbolta reglum, gengur einfaldlega ekki upp enda hafa ráðamenn innan kirkjunnar snúist eins og vindhanar í skoðunum sínum gagnvart hneykslis málum sem Nota Bene hefðu aldrei komið upp ef viðkomandi stétt tryði því sem hún predikar.

[Gsss (IP-tala skráð) 9.9.2010 kl. 21:24]

Ég skil ekki þegar að fólk er að saka Jenis um fordóma (að dæma áður en að maður er búinn að kynnast einhverju). T.d. rasismar eiga að vera fordómafullir. Þá sakar kannski svertingi hvítan mann um að vera gráðugan - það eru fordómar því að það eru ekki allir hvítir menn gráðugir, bara lang flestir. En varðandi samkynhneigð þá er ekki um fordóma að ræða. Þá veit maður að það er eitthvað kynferðislega brenglað og maður vill ekki tengjast því, endilega. Þar er um að ræða dóm eftir þekkingu á hegðun/hneigð mannsins

[Hannes, 9.9.2010 kl. 23:43]

Jón. Ég hélt að það væri svo lítið til af trúarbrjálæðingum að þeir hlytu allir að vera í samtökum sem 1000manns eru í.

Það væri gaman af vita hvaða vitleysinga samtök sendu þessa stuðningsyfirlýsingu.

[doctore (IP-tala skráð) 10.9.2010 kl. 11:41]

Því miður fyrir þig JVJ.. .þá er kirkjan þín ein mesta plága sem mannkynið hefur orðið fyrir... allur heimurinn er að komast á þá skoðun... og kirkjan þín er búin að vera góurinn...
Ef eitthvað yfirnáttúrulegt er til.. þá er kirkjan hans JVJ kirkja djöfulsins... og Jesú faktískt "The anti-christ"... þar sem kaþólska kirkjan átti stærstan þátt í að búa skáldsöguna um Jesú til..

Í dag deyja milljónir á ári vegna rugls sem kemur frá kaþólsku kirkjunni,... þið vitið, kirkju skrattans...

[doctore (IP-tala skráð) 10.9.2010 kl. 12:39]

Foringinn hans JVJ kemur nú og segir að fyrirgefning/iðrun sé nóg fyrir barnaníðingspresta... er þetta ekki frábær kirkja..
http://doctore0.wordpress.com/2010/09/10/pope-says-penance-is-punishment-enough-for-abusive-priests/

Takið eftir að formið er það sama og hjá ríkiskirkju.... það er nefnilega ekki til neinn glæpur í kristni... nema það að hafna Sússa... þú mátt gera hvað sem er ef þú játast undir Sússa

[Sjóveikur, 10.9.2010 kl. 17:19]

Ég vil ekki að þið takið það sem illgirni að ég skýt fram rosalega leynilegum upplýsingum um niðurstöður skoðanakönnunar Dimmalætting um fjölkynhneygð  Flest já atkvæðin eru komin frá Íslandi undir ötulli forustu eins virtasta bloggara Íslands Láru Hönnu sem fór í gang með herferð á Facebook með áskorunum til allra að dreifa linknum og greiða atkvæði fyrir hönd Færeyinga  Sem sagt, bara gaman að leika smá Wikileak, bestu kveðjur til allra fjölkynhneygðra á Íslandi

[Gunnar Th. Gunnarsson, 10.9.2010 kl. 18:14]

Athyglisvert, Sjóveikur, ... en kemur samt eiginlega ekkert á óvart

[Árni Gunnarsson, 10.9.2010 kl. 18:15]

Ósköp hafa margir þörf fyrir að viðra skoðanir sínar á einkamálum fólks, svo sem kynhneigð og trúarskoðunum.

Hverjum ógnar kynhneigð Jóhönnu Sigurðardóttur eða trúarskoðanir einhvers Jóns eða Gunnu á meðan þetta fólk lætur aðra í friði með sín viðkvæmustu einkamál?

Ég bendi á það að Jóhanna Sigurðardóttir hefur enga tilburði haft í þá veru að hafa áhrif á kynhneigð fólks. Og með sömu rökum finnst mér að aðrir eigi ekki að sýna kynhneigð hennar ókurteisi.

Það er alltaf dýrmætt að láta sér annt um siðferði og byrja þá á því að sýna af sér gott siðferði sjálfur.

Það liggur misjafnlega vel fyrir okkur eins og sagt er.

[Jón Valur Jensson, 10.9.2010 kl. 19:05]

Tek undir með Gunnari Th. hér fyrir ofan (kl. 18:14).

Jens Guðmundsson, þú verður að fjarlægja það guðlast og það aðkast að stærsta kirkjusamfélagi heims, sem lesa mátti hér í óþverralegu innleggi gervidoktorsins kl. 11:41.

[Jens Guð, 10.9.2010 kl. 22:42]

  Jón Valur (#26),  ég vísa í "komment" #2.  Við það má bæta að Lára Hanna hefur hvatt Íslendinga til að kjósa með "já".  Það er ekkert rangt við það.  Íslendingar hafa iðulega stutt Færeyinga í kosningu á MTV og í fleiri tilfellum.  Færeyingar hafa sömuleiðis stutt við sitt fólk í kosningum á Íslandi í Júrivisjón,  Idol,  X-factor og svo framvegis.

  Vissulega skekkir niðurstöðuna hjá Dimmalætting að Íslendingar taki þátt í skoðanakönnun þar á bæ.  Ef könnunni er ætlað að ná aðeins til Færeyinga búsetta í Færeyjum.  En Dimmalætting gerir ekki kröfu um að þeir sem greiða atkvæði séu búsettir í Færeyjum.  Engu að síður:  Úrslitin gefa ekki rétta mynd af viðhorfi Færeyinga.  Þetta er þess vegna bara skemmtilegur samkvæmisleikur.

[Jens Guð, 10.9.2010 kl. 22:50]

  Hannes og Jón Valur,  ég átta mig ekki á um hvaða 1000 manna söfnuð er vitnað til.  Þau trúfélög sem telja 1000 eða fleiri eru - fyrir utan þjóðkirkjuna - töluvert fjölmennari (kaþólikkar,  Fríkirkjan, Háóðir, Hvítasunnumenn,  Ásatrúarfélagið) og þeir sem næst koma eru töluvert fámennari og ekki líklegir til að styðja Jensi av Rana (búddístar). 

[Jens Guð, 10.9.2010 kl. 22:51]

 Gsss,  þetta er gullkorn.

[Jens Guð, 10.9.2010 kl. 22:54]

  Óskar,  ertu hlynntur hlífðarskildi Jenisar yfir barnaníðingum?  Eða yfirlýsingum hans um nauðsyn þess að lemja samkynhneigð úr hommum?

[Jens Guð, 10.9.2010 kl. 23:01]

  DoctorE (#31),  það er dáldið til í þessu hjá þér.  Þó er það þannig í Færeyjum að ég merki ekki að lægra hlutfall sé á meðal ungs fólks sem aðhyllist kristni en á meðal þeirra eldri.  Hinsvegar er gríðarmikill munur á viðhorfum ungra Færeyinga og þeirra eldri til frjálslyndra viðhorfa á öllum sviðum.  Varðandi kristinna ungmenna í Færeyjum vísa ég til þess að sú færeysk hljómsveit sem náð hefur mestu fram erlendis er Boys in a Band.  Liðsmenn hennar eru jesú-drengir.  Yndislegir og skemmtilegir.  Og hljómsveitin flott. 

[Jens Guð, 10.9.2010 kl. 23:09]

  Gunnar Th.,  leturgerðin í haus Moggans er sérteiknuð af Íslendingi (sem ég man í augnablikinu ekki hver er þó ég eigi að þekkja nafnið).  Leturgerðin í haus Dimmalætting er eldri.  Eða frá 18-hundruð-og-eitthvað.  Ég held að hún sé ekki sérteiknuð fyrir þann haus.  Mig grunar að hún sé úr þýskri leturgerð.  Er samt ekki viss.  Um er þó að ræða náskylt gotneskt letur sem flokkast undir vinstri skuggalínu.  Leturgerð Dimmalætting er opnari,  léttari og mýkri.  Það er að segja að þar eru mjúkar línur í stað kantaðra í letri Morgunblaðsins með áherslustriki í köntum. 

[Jens Guð, 10.9.2010 kl. 23:12]

  DoctorE (#33),  ég fatta ekki í hvaða Guðmund og Sigurð þú ert að vitna.

[Jens Guð, 10.9.2010 kl. 23:31]

  Jón Steinar og DoctorE (#35 og 36),  er þetta ekki dáldið langt gengið í lýsingum á mönnum sem eru á annarri skoðun?  Snorri í Betel er hvorki vitgrannur né geðsjúkur.  Ég deili ekki skoðunum með honum.  En hann er alveg í andlegu jafnvægi og nógu klár til að færa þokkaleg rök fyrir sínum viðhorfum.  Þó ég ég kvitti ekki undir þær.

[Jens Guð, 10.9.2010 kl. 23:37]

  Sigurður Grétar,  forsætisráðherra Íslands hefur í engu niðurlægt gestgjafa sína.  Löngu fyrir opinbera heimsókn Jóhönnu til Færeyja hafði kynhneigð hennar verið fréttaefni í færeyskum fjölmiðlum.  Jenis av Rana hefur talað um heimsókn hennar til Færeyja með maka sínum sem ögrun.  Ögrun við hverja?  Ekki gestgjafa hennar.  Ekki við færeysku þjóðina.  Ögrun við Jensi av Rana?  Mann sem hefur beitt þöggun gagnvart barnaníði innan hans trúfélags.  Mann sem borðar að lemja skuli samkynhneigð ur hommum. 

[Jens Guð, 10.9.2010 kl. 23:49]

  Hrólfur,  þú þarft ekki að afsaka neitt.  Né heldur forsætisráðherra Íslands.  Færeyskum gestgjöfum hennar var full kunnugt um kynhneigð hennar og hjónaband hennar.  Færeyskur almenningur hefur fagnað opinberri heimsókn hennar til Færeyja og umræðunni sem sú heimsókn hefur kallað fram.

  Annað stærsta dagblað Færeyja,  Dimmalætting,  er íhaldssamt blað.  Á íslenskan mælikvarða íhaldssamara en Mogginn.  Í leiðara Dimmalætting var þetta afgreitt á þann hátt að Jenis av Rana hafi orðið sér og færeysku þjóðinni til skammar.  Það er jafnframt viðhorf hins almenna Færeyings.  Umræðunni er hinsvegar fagnað.  

[doctore (IP-tala skráð) 11.9.2010 kl. 13:21]

Ég hef hugsanlega ruglast á nöfnum.. .ætlað að tala við Óskar ofuróskhyggjumann :)

[Arnfinnur (IP-tala skráð) 11.9.2010 kl. 18:03]

Hæ Jens,

Hvers vegna þurkadir þú mitt innlegg út?

[Jens Guð, 11.9.2010 kl. 19:15]

  Arnfinnur (# 62),  ég hef ekki þurrkað neitt innlegg út.  Ég veit ekki af hverju það birtist ekki hér.  Það hefur skilað sér í póstinn minn.  Ég var ekki búinn að skoða "kommenta" kerfið hér svo ég veit ekki hvort innleggið birtist einhverntíma hér.  En allavega þá hef ég ekki fjarlægt neitt innlegg.

[Jens Guð, 11.9.2010 kl. 19:19]

Þetta birtist í póstinum mínum en ekki hér:

Ný athugasemd hefur verið rituð við færsluna "Jenis av Rana skýtur sig í fótinn - II" á jensgud.blog.is.



Höfundur: Arnfinnur



Netfang:



Athugasemd:





Ekki ad ég sé ad mæla Jóhønnu bót í pólitík, þar erum vid á øndverdum meidi, hinsvegar ad rádast á hennar persónu og hennar kynhneigd finnst mér ná út yfir alla þjófabálka. Sjálfur hef ég átt því láni ad fagna ad búa í Færeyjum í 6 ár med minni yndislegu Færeysku konu, ( Klaksvík) og get bara sagt ad yndislegara fólk er vart hægt ad hugsa sér. Ad sjálfsøgdu er til øfgafólk þar sem og annarstadar. Nú er þad svo ad altaf þarf ad blanda trúmálum í allar umrædur, med eda á móti kristi eda med eda á móti biblíuni, vitandi ad allar helstu styrjaldir eru framdar í nafni trúar. Ég er ekki í nokkru trúfélagi en fyrir um þad bil 15 árum sídan hengdi ég þórshamarinn um háls mér og sama gerd konan fyrir um 5 árum sída, og var hún sannkristin fyrir, ástædan er ad vid fengum nóg. vid lifum yndislegu lífi hér í Danmørku í dag og getum leyft okkur ad kenna í brjósti yfir svona illa upplýstu fólki eins og Jenis og fleirum, ég meina vid hafa 2010 ekki satt. Annars erum vid virkilega glød fjøl!

 skyldan med þína pistla Jens, erum bædi hjónin komin vel yfir 50 ára aldurinn, og vildum gjarnan vita ef vid gætum fundid þinn þátt á netinu. kærar kvedjur



Arnfinnur Lena og fjølskylda



Hirtshals



Danmørk.

[Jens Guð, 11.9.2010 kl. 21:22]

  Arnfinnur,  ég var að uppgötva að þú skrifaðir þetta ekki við þessa bloggfærslu heldur næstu á undan.  Þar birtist það.

[Jón Valur Jensson, 11.9.2010 kl. 21:54]

Arnfinnur, fyrri og seinni heimsstyrjöld voru ekki háðar vegna trúar, ekki fransk-prússneska stríðið um 1870, ekki rússnesk-japanska stríðið 1905, ekki Napóleonsstyrjaldirnar, ekki Víetnamstríðið, ekki Kóreustríðið o.s.frv. Þú þarft að snúa þinni setningu við og segja: Allar helztu styrjaldir eru framdar í nafni veraldlegra hagsmuna, en lítill minnihluti vegna trúar.

[Arnfinnur (IP-tala skráð) 11.9.2010 kl. 23:10]

Jón, hvad er gydinga hatur og útrímíng annad en trúar stríd, ( seinni heimstyrjøld )

[Arnfinnur (IP-tala skráð) 11.9.2010 kl. 23:18]

Annars Jens takk fyrir og enn og aftur vildum vid gjarnan fá link inn á þinn þátt á nálinni.

Kvedja Arnfinnur

[Jens Guð, 11.9.2010 kl. 23:54]

  Róbert,  það er margt til í þessu hjá þér.  Þetta snýst líka um hvað menn eru uppteknir af öðrum boðum Biblíunnar:  Að mola hausinn á heiðingjum og drepa börn sem óhlýðnast foreldrum sínum;  hvernig þrælar eigi að umgangast húsbændur sína og fleiri heillaráð.

[Jens Guð, 11.9.2010 kl. 23:57]

  Gsss,  þarna eru ágætir punktar hjá þér.  Líka má velta fyrir sér hvort Jenis av Rana hafi gert rétt í að halda hlífðarskildi yfir barnaníðingum innan trúfélags síns.  Eða baráttu hans fyrir því að samkynhneigð sé lamin úr hommum.  Þeim til bjargar frá vítislogum um eilífð.

[Jens Guð, 11.9.2010 kl. 23:58]

  Hannes,  ég vitna í "komment" #52.

[Jens Guð, 12.9.2010 kl. 00:02]

  DoctorE,  (#45 og 46),  er þetta ekki dálítið yfirdrifin lýsing hjá þér?

[Jens Guð, 12.9.2010 kl. 00:06]

  Sjóveikur og Gunnar Th.,  ég hef orðið var við hvatningu Láru Hönnu á fésbók fyrir því að mannréttindabaráttu Færeyinga sé sýndur stuðningur með þátttöku í skoðanakönnuninni.  Það er ekkert rangt við það en skekkir vissulega niðurstöðuna ef hún á að túlka einungis viðhorf Færeyinga. 

[Jens Guð, 12.9.2010 kl. 00:07]

  Árni,  ég kvitta undir hvert orð.

[Jens Guð, 12.9.2010 kl. 00:10]

  Jón Valur (#50),  ég hef aldrei fjarlægt "komment".  Ég veit ekki hvort ég kann það. 

[Jens Guð, 12.9.2010 kl. 00:12]

 DoctorE (#62),  hugsanlega...

[Jens Guð, 12.9.2010 kl. 00:22]

  Arnfinnur,  ég tek undir með þér að ég hef aldrei kynns yndislegra fólki en Færeyingum.  Ekki síst Klaksvíkingum sem eru töluvert uppteknari eða áhugasamari um Jesú en til að mynda Þórshafnarbúar.  Það skiptir bara engu máli.  Þannig lagað.  Ég hef alltaf haldið því á lofti í Klaksvik og annarsstaðar í Færeyjum að ég sé í Ásatrúarfélaginu.  Það virðist aldrei trufla neina Færeyinga í samskiptum við mig.

  Ég hef spurt góða færeyska Jesú-unnandi vini mína út í þetta.  Þeir hafa bent á að Færeyingar séu vanir því að fólk sé í öðrum trúfélögum en þeir sjálfir.  Það sé þess vegna ekkert framandi fyrir þá að ég sé í öðru trúfélagi en þeir. 

[Jens Guð, 12.9.2010 kl. 00:23]

  Arnfinnur,  þú getur hlustað á Nálina á á http://media.vortex.is/nalinfm

[Gunnar Th. Gunnarsson, 12.9.2010 kl. 00:36]

Takk fyrir fróðlegt svar, Jens. Ég vissi að ég kæmi ekki að tómum kofanum hvað leturgerð varðar, hjá þér.

[Jens Guð, 12.9.2010 kl. 01:00]

  Gunnar Th.,  leturfræði er áhugamál mitt og atvinna sem skrautskriftarkennara.  Mér þykir rosalega gaman að grúska í því dæmi.