Missið ekki af endurflutningi besta útvarpsþáttarins

 

  Á morgun,  á milli klukkan 11.00 og 13.00,  verður besti útvarpsþátturinn endurfluttur á Nálinni fm 101.5.  Fram og til baka og allt í kring  með Gunna "Byrds" var frumfluttur í gærkvöldi.  Í fyrri hluta þáttarins voru kynnt og spiluð gullkorn með The Byrds,  Love og Neil Young með tilheyrandi fróðleiksmolum.  Seinni hluti þáttarins var undirlagður umfjöllun um tónlist píanósnillingsins Guðmundar Ingólfssonar.  Þar naut Gunni liðsinnis Birnu Þórðardóttur,  ekkju og barnsmóður Guðmundar. 

  Það voru spiluð og fjallað um mörg lög með Guðmundi sem lítið hafa heyrst í útvarpi í bland við þekktari lög kappans.  Þetta var virkilega flottur þáttur.  Afar skemmtilegur og fróðlegur.  Þau Gunni og Birna voru á góðu flug.  Kát og hress að vanda.  Meðal annars fór fram heimsfrumflutningur á ljóðalestri Birnu við undirleik magnaðs lags Guðmundar,  Blús fyrir Birnu.  Missið ekki af endurflutningnum.  Þeir sem tök hafa á geta heyrt þetta á netinu með því að smella á http://media.vortex.is/nalinfm

Athugasemdir

[Jón Steinar Ragnarsson, 11.9.2010 kl. 04:24]

Bið að heilsa öðlingnum Gunna ef þú rekst á hann.

[Sigurður I B Guðmundsson, 11.9.2010 kl. 12:36]

Sæll Jens. Það var ekki Loftur Guðmundsson sem samdi textan "Bella símamær" heldur Guðmundur Guðmundarson. Þetta leiðréttist hér með.

[Jens Guð, 11.9.2010 kl. 23:42]

  Jón Steinar,  hann Gunni "Byrds" vinur okkar les þetta.  Þar fyrir utan held ég að hann ætli að mæta í spjall í þátt sem ég er með á Nálinni annað kvöld.  Ég kem kveðjunni til skila.

[Jens Guð, 11.9.2010 kl. 23:46]

  Sigurður,  takk fyrir leiðréttinguna.  Fyrir þá sem vita ekki um hvað málið snýst:  Í þætti Gunna "Byrds" var umrætt lag kynnt af Birnu Þórðardóttur kynnt þannig að textinn væri eftir Loft Guðmundsson.  Gunni "Byrds" les þetta og kemur i þáttinn til mín annað kvöld.  Vonandi grípur hann með sér óskalagið þitt með Lennon,  Luck of the Irish.  Ég veit að hann á það.