Kallinn reddar þessu III

  Það er alltaf mega gaman að kallinum sem reddar hlutunum á "nótæm".  Eitthvað fer úrskeiðis og kallinn grípur það sem hendi er næst til og vandamálið er úr sögunni "med det samme".  Hér eru nokkur skemmtileg dæmi.  Hægt er að sjá fleiri slík með því að smella á slóðina:  http://www.jensgud.blog.is/blog/jensgud/entry/1096306/.

  Eitt hjólið hefur dottið undan verslunarhillunni.  Kallinn lítur í kringum sig.  Vatnsmelóna úr grænmetisdeildinni smellpassar undir hilluna.

  Það var í ógáti ekið yfir naglamottu.  Hún tætti báða hjólbarða undan bílnum vinstra megin.  Sem betur fer var þetta í námunda við verslunarmiðstöð.  Kallinn var snöggur að redda málunum með innkaupakerru og tveimur hlaupahjólum sem voru í skottinu á bílnum. 

  Konan vildi endilega fá afturendann á nýja bílnum viðarklæddan.  Það var ekki í boði á bílasölunni.  Kallinn reddaði því snarlega.  Viðarklæddur skal skuturinn vera.

  Festing á púströrinu undir bílnum gaf sig.  Kallinn reddaði því í hasti með öryggisbeltinu.

  Krakkinn þarf að drekka mjólk úr pelanum sínum.  Kallinn hefur öðrum hnöppum að hneppa en halda undir pelann.  Hann reddaði málinu í hvelli.

  Krakkarnir báðu hjólabrettapall.  Í næsta nágrenni var nóg af vörubrettum.  Kallinn reddaði í einum grænum hjólabrettapalli.

  Bleyjurnar kláruðust.  Kallinn leysti málið með pappamáli.

Athugasemdir

[Sigrún Aðalsteinsdóttir, 26.9.2010 kl. 01:44]

Ég segi nú bara, hvar værum við stelpurnar án ykkar snillinganna

[Ómar Ingi, 26.9.2010 kl. 02:36]

[Hoppandi (IP-tala skráð) 26.9.2010 kl. 08:21]

Hvar fær maður svona glas með gati? Er ekki betra að hafa lokið á?

[Jens Guð, 26.9.2010 kl. 08:31]

  Sigrún,  þá væri allt í klessu.  Eða hvort þá væri málunum reddað af fagmennsku?

[Jens Guð, 26.9.2010 kl. 08:31]

  Ómar Ingi,  tak fyrir innlitið.

[Jens Guð, 26.9.2010 kl. 08:33]

  Hoppandi,  fæst það ekki í Hagkaup?  Það er rétt að betra væri að hafa lokið á.  En það þarf þá að vera við hendina.

[Sigurbjörg Sigurðardóttir, 26.9.2010 kl. 15:58]

Þú ert alltaf með frábærann Humor.

[Jens Guð, 26.9.2010 kl. 16:39]

  Sigurbjörg,  skrýtin húmor skulum við segja.