Klúður - má ekki endurtaka sig

 

  Í Fréttablaðinu í dag er birtur útdráttur úr grein eftir Guðmund Gunnarsson,  formann Rafiðnaðarsambandsins,  á Eyjunni.  Fyrirsögn greinarinnar er "Glundroðinn við völd".  Tilvitnunin hefst á þessum orðum:  "Afstaða stjórnarandstöðunnar með órólegu deildinni er orðin mjög stór þrándur í götu gagnvart upprisu íslensks atvinnulífs." 

  Þarna er rangt eftir Guðmundi haft.  Hann stafsetur nafn Þrándar réttilega með stóru Þ.  Hinsvegar stafsetur hann ranglega nafn þorpsins Götu með litlu g. 

  Þrándur í Götu var höfðingi á Austurey í Færeyjum fyrir þúsund árum.  Hann átti hálfa Austurey og var merkilegur maður um margt.  Þessi forfaðir færeysku álfadísarinnar Eivarar var fyrsti menntamálaráðherra Færeyja.  Barðist fyrir menntun Færeyinga.  Hann barðist gegn skattgreiðslum Færeyinga til norska kóngsins.  Hann var ásatrúarmaður og barðist gegn kristnitöku í Færeyjum. 

  Hérna erum við vinirnir,  ég og Þrándur í Götu.  Þrándur var svo þver og fastur fyrir að það er túlkað á snilldar hátt með styttunni af honum í Götu.

  Það er flott að vísa til Þrándar í Götu í því samhengi sem Guðmundur gerir.  En gætum að því að nota stórt Þ og stórt G þegar vísað er til Þrándar í Götu. 

Athugasemdir

[Einar (IP-tala skráð) 5.11.2010 kl. 00:46]

Góð mynd af þér.

Gekk Þrándur virkilega í gallabuxum ?

[Jens Guð, 5.11.2010 kl. 01:00]

  Einar,  þú ert að rugla mér og Þrándi saman.  Það er ég sem er í gallabuxunum.

[Einar (IP-tala skráð) 5.11.2010 kl. 01:16]

heyrðu ... alveg rétt. Sé það núna ;)

kv.

[Jens Guð, 5.11.2010 kl. 01:18]

  Það er auðvelt að rugla okkur vinunum saman.

[Gunnar Waage, 5.11.2010 kl. 01:23]

ágætur alveg:)

[Jens Guð, 5.11.2010 kl. 10:20]

  Gunnar,  takk fyrir það.  Það er margt skemmtilegt í tónspilaranum hjá þér.

[Ómar Ingi, 5.11.2010 kl. 16:15]

Shiiiiiii

[Jens Guð, 5.11.2010 kl. 17:24]

  Ommi,  þetta er svakalegt.

[Gsss (IP-tala skráð) 5.11.2010 kl. 17:36]

Hvernig set ég inn mynd í gegnum athugasemdar kerfið?

[Sigurður H. Einarsson (IP-tala skráð) 5.11.2010 kl. 17:49]

Þetta er snilldarmynd Jens.

[Jens Guð, 5.11.2010 kl. 18:59]

  Gsss,  mér hefur tekist það með því að skyggja myndina,  smella á copy og nota síðan paste til að setja hana inn í athugasemdakerfið.

[Jens Guð, 5.11.2010 kl. 18:59]

  Sigurður,  ég er alveg sammála.

[Jens Guð, 5.11.2010 kl. 21:00]

  Í Fréttablaðinu í dag er grein eftir Reyni Harðarson.  Þar spyr hann:  "Hvernig stendur á því að helsti Þrándur í Götu mannréttinda og jafnréttis hér á landi er ríkisrekið trúfélag?"

  Þarna er rétt með stóra stafi farið.  Þetta er til fyrirmyndar.

[Gunnar Waage, 6.11.2010 kl. 01:58]

Takk fyrir það Jens minn:)

[Jens Guð, 6.11.2010 kl. 09:23]

  Takk sömuleiðis.