Hvað er í gangi?

  Að undanförnu hafa rignt yfir mann útvarpsauglýsingum frá kaffitegund sem kallast Merrild.  Ég veit ekkert um þá kaffitegund frekar en aðrar kaffitegundir.  Ef undan er skilið að einhver kaffitegund er þannig að kettir éta kaffibaunirnar.  Eftir að þeir hafa skilað baununum af sér eru þær einhverjar bestu kaffibaunir sem um getur.  Ég held að það sé ekki Merrild.

  Í auglýsingunum frá Merrild hótar maður nokkur að verja með kaffikaupandanum heilum degi.  Það geti maður átt á hættu ef keypt er Merrild kaffi.  Þetta hljómar óspennandi: Að sitja uppi með ókunnugan mann í heilan dag.  Ætli þurfa að fóðra hann líka í heilan dag?  Og fara kannski með hann í Húsdýragarðinn eða niður á tjörn til að gefa öndunum brauð?  Þetta er skelfileg tilhugsun.  Er ekki hægt að kaupa einhverja aðra kaffitegund en Merrild og losna við þessi ósköp?

Athugasemdir

[Guðmundur Júlíusson, 22.5.2011 kl. 00:25]

Jens, er ekki verið að tala um ofurtöffarann og meikupsérfræðingin Karl Berndsen sem segir: elskan mín, þetta  er allt í kaffinu" ? og varðandi kettina, eru það ekki apar í himalayafjöllum  sem skila með úrgangi sínum bestu kaffibaunum heims, eða er ég eitthvað að rugla?

[Ásthildur Cesil Þórðardóttir, 22.5.2011 kl. 11:54]

Mér finns að maður ætti að sjá mynd af þessum manni svo hægt sé að vita hvort þetta verður gott date eða ekki

[Gunnar Heiðarsson, 22.5.2011 kl. 21:41]

Það eru apar sem vinna kaffibauni fyrir lúxuskaffið, hvar þeir búa veit ég ekki. Það er nokkuð ljóst að Merrild er ekki búið til úr þeirri lúxusvöru!

Það er annars magnað að nokkur skuli drekka kaffi úr baunum sem hafa fengið meðferð apanna og borga stór fé fyrir. Margur verður af aurum api!

Það er vel hugsanlegt að konur vilji eyða degi með Kalla, en ef þær færu með hann í húsdýragarðinn, eins og þú nefnir Jens, ættu þær að passa vel upp á að hann komi þaðan út með þeim aftur, svo þær geti nú skilað honum. Það er leiðinlegra að fá eitthvað lánað og týna því svo.

[Númi (IP-tala skráð) 22.5.2011 kl. 22:55]

Bragakaffið svíkur engan.

[Jens Guð, 23.5.2011 kl. 19:46]

  Guðmundur,  það má vera að viðkomandi sé þessi make-up náungi.  Ég þekki hann ekki.  Né Merrild kaffi.  Kannski eru það apar sem éta og skila af sér kaffibaununum.  Ég er ekki klár á þessu.  Kannski eru það apakettir.

[Jens Guð, 23.5.2011 kl. 19:47]

  Ásthildur Cesil,  ég hef bara heyrt útvarpsauglýsinguna.  Kannski er líka til sjónvarpsauglýsing sem sýnir mynd af kallinum.

[Jens Guð, 23.5.2011 kl. 19:51]

  Gunnar,  takk fyrir upplýsingarnar.  Og þarfa ábendingu um nauðsyn þess að týna ekki gaurnum.

[Jens Guð, 23.5.2011 kl. 19:54]

  Númi,  takk fyrir ábendinguna.  Ég er lítið fyrir kaffi.  En það getur verið gott að vita þetta.