Hvað þýða þessar innihaldslýsingar?

  Í arma mér barst lítil og sæt rammíslensk ferna merkt sem jarðaberjasafi.  Á framhlið hennar er slegið upp á áberandi hátt að innihaldið sé án rotvarnarefna og án viðbættra gervibragðefna.  Þegar innihaldslýsing á fernunni er skoðuð kemur í ljós að jarðaberjasafinn inniheldur þráavarnarefni og ótilgreint bragðefni. 

  Hver er munur á rotvarnarefni og þráavarnarefnis?  Er rotvarnarefni eitthvað sem hægt er að bera á sig og hindrar að maður verði rotaður í fólskulegum líkamsárásum?  En þráavarnarefni dragi úr líkum á að drykkurinn þráni?

  Hver er munur á bragðefni og gervibragðefni?

Athugasemdir

[Ólafur Sigurðsson (IP-tala skráð) 28.6.2011 kl. 00:23]

Rotvarnarefni ver gegn rotnun, drepur bakteriur og aðallega myglusveppi í sultum, mörg þeirra sem eru aðeins leyfð í sultur virka vel í súru umhverfi. Fæst útí búð, fyrir sultugerð, líka bindiefni sem heitir pektín eða sultuhleypir, og þar hljóp ég framúr mér, því þú spurðir um þráavarnar-efni, sem ver til dæmis fitu, bragð- og litarefni gegn þránun þegar jarðaberin eru spöruð eða ekki nógu bragðmikil, þau draga sum sé úr hættu á að fita og olíur þráni fyrir áhrif súrefnis. Efnin geta sum sé hindrað litarbreytingar í afhýddum eða skornum ávöxtum og grænmeti. Geymsluþolið eykst skiljanlega. Þó bakteríurnar skemmi ekki sultuna með gerjun vegna rotvarnarefnnna, þá getur sultan orðið brún ef litarefnið (í berjunum, eða viðbætt) þránar. Og slíkt borðar enginn, þó brúna jarðaberjasultan væri í fínu lagi! 

Bragðefni eru oft unnin úr náttúrunni beint, eða tilbúin sem blönduð efni kokkuð við rétt hitastig og þrýsting. Bragðefni þurfa ekki E númer, þau eru hráefni.

Ef efnum sem er aukið í matvæli, það er aukefni,  - hafa E númer, máttu bóka það að þau eru ekkert óholl. E þýðir Evrópusamþykkt og þá ertu komin í EB, velkominn (smádjók).

E númer, er Evrópusamþykkt sem örguggt efni til síns brúks í matvælum, þá eru sérfræðingar búnir að skoða þetta fram og tilbaka og enn aftur og fleiri til og svo framvegis og framvegis, sum sé, þegiðu og éttu matinn þinn.

Annars til gamans, þá eru fávísir framleiðendur alltaf að búa til hollari vöru, ef það skyldi selja meir. Þetta var villandi lýsing eins og þú segir frá. En þetta er slæmt því þetta er villandi og ruglar fólk bara í ríminu. Vitleysingar, því þeir vita ekki hvað þeir gjöra.

[Jens Guð, 28.6.2011 kl. 00:46]

  Ólafur,  bestu þakkir fyrir fróðleiksmolana.

[Guðmundur Bjarnason (IP-tala skráð) 28.6.2011 kl. 05:57]

Sæll Jens.

Þú varst hér nokkrum bloggum fyrr að velta fyrir þér hvers vegna fólk notar salt í soðvatn með hinu ýmsa hráefni.

Ef þú veist af hverju vatn í stólpípu þarf að vera salt þá veistu svarið.

Hér er það himnufræði (e. osmosis)  sem útskýrir hlutina.

 

[Óskar Þorkelsson, 28.6.2011 kl. 09:21]

þessi E efna umræða er stundum kostuleg.. E er bara flokkun svo menn geti ekkisvindlað á innihaldinu.. stöðlun á efnum svo ALLIR geti áttað sig á hvað framleiðandinn setur í vörunna.. það mætti stundum halda að fólk vildi losna við þetta kerfi og úða svo í sig eiturefnum í gríð og erg til þess eins að hafa ekki E efni í vörunni.. fáfræðin er óskapleg í þessum málum á íslandi og umræðan afspyrnu heimskuleg.

E vitamin er þráavarnarefni.. :)

[Jens Guð, 28.6.2011 kl. 20:22]

  Guðmundur,  ég veit ekki af hverju vatn í stólpípum er salt.  Ég vissi ekki einu sinni að það væri salt.  Né heldur hvers vegna fólk er yfirleitt að brúka stólpípu. 

[Jens Guð, 28.6.2011 kl. 20:23]

  Óskar,  takk fyrir fróðleikinn.