Íslensk terta

  Á færeyskri netsíðu rakst ég á bráðskemmtilega uppskrift að íslenskri tertu.  Hún er kannski áhugavert innlegg í umræðu um "íslenska kúrinn" hans Sigmundar Davíðs Gunnlaugssonar,  eiganda 600 milljón króna.  Uppskriftin er þannig:  Tekinn er tertudiskur ofan úr skáp.  Á hann er lögð há skál á hvolf.  Hún þarf að vera örlítið minni en diskurinn.  Utan á skálina er raðað súkkulaðikexi sem heitir Kit-Kat.  Það er að vísu útlent (að ég held).  En mestu máli skiptir að utan um kexið sé hnýttur borði í íslenskum fánalitum. 

  Skálinni er varlega lyft upp og í hennar stað hellt M&M súkkulaðikúlum.  Þær eru reyndar líka útlenskar (að ég held).  Þegar kúlurnar hafa fyllt upp í rýmið eftir skálina er tertan tilbúin.  Kannski má nota súrsaða hrútspunga í staðinn fyrir M&M kúlurnar?  Að minnsta kosti á virkum dögum.  En M&M kúlurnar á laugardögum (nammideginum). 

.  

Glæpsamlegur kleinuhringur

Athugasemdir

[Gunnar (IP-tala skráð) 25.8.2011 kl. 08:24]

Er Sigmundur ekki bara þambandi mysu og skóflandi í sig lifrapylsu?

[Vilhjálmur Örn Vilhjálmsson, 25.8.2011 kl. 09:48]

Þú lýgur þessu. Þetta er kakan sem Siggi Einars pantaði þegar hann var búinn að eignast 12 banka, sem voru tómir en skörtuðu litfögrum kúlulánum. Utan um svikakökuna stóðu svo máttarstólpar Íslensks þjóðfélags vörð, hnýttir saman í þjóðernisrembingi og græðgishjúp. 

[Ásdís Sigurðardóttir, 25.8.2011 kl. 12:00]

Nammi namm

[Birna Jensdóttir, 25.8.2011 kl. 16:44]

Glæsileg þessi.

[Sigurbjörg Sigurðardóttir, 27.8.2011 kl. 13:01]