Ísland sögusvið í útlendri háspennubók

  Allir kannast við bandaríska metsölubókahöfundinn James Rollins.  Bækur hans hafa verið gefnar út á hátt á fjórða tug tungumála.  Nú bætist eitt við á næstu dögum.  Háspennusaga hans,  Djöflanýlendan,  er að koma út í bók á íslensku.  Það sem gerir fréttina ennþá skemmtilegri er að sagan gerist að hluta á Íslandi.

  Bókin hefur fengið einstaklega lofsamlega dóma í Bandaríkjunum.  Þannig hljómar dæmigerð umsögn:

"Hræðileg leyndarmál, andblær sögunnar, sagnaskáldskapur af bestu gerð, stanslaus spenna ... Enginn – og ég meina enginn – gerir þetta betur en Rollins." –Lee Child

    

Athugasemdir

[Jón Steinar Ragnarsson, 11.11.2011 kl. 05:40]

Lee Child, sem skrifar dóminn er spennusagnahöfundur af billegri sortinni.  Líklega skiptast þeir á að skrifa lof um hvorn annan. Allavega get ég ekki tekið alvarlega dóma frá honum. Hann er hryllilega vondur og ofboðslega amerískur klysjuhöfundur.

Ert þú að gefa þetta út eða tengdur þessu?  Þú afsakar mig, en ég er alltaf tortryggin út í blogg sem auglýsa vörur svona beint. 

[Jens Guð, 11.11.2011 kl. 11:44]

   Jón Steinar,  ég er ekki að gefa út þessa bók né neitt slíkt.  Hinsvegar slæddist til mín í tölvupósti fyrir nokkrum vikum fyrrihluti bókarinnar.  Hann er virkilega spennandi og ég hlakka til að lesa bókina í heild.  En fyrst og fremst þykir mér saga til næsta bæjar að sagan gerist að hluta á Íslandi.  Það er  dæmi um að útlendingum þyki einhver ævintýraljómi tengjast Íslandi.  Höfundurinn hlýtur að hafa lagst í rannsóknarleiðangur til Íslands til að kynna sér staðhætti o.s.frv.

  Ég er alltaf snöggur að slá hér upp þegar ég verð var við að Ísland og/eða Íslendingar eða Færeyingar komi við sögu í útlöndum.  Það er svo gaman.

[G. Tómas Gunnarsson, 11.11.2011 kl. 16:24]

Ég las þessa bók fyrir all nokkru og get ekki sagt að mér hafi þótt hún merkileg, en sem afþreying slapp hún fyrir horn.  Ágætt að hafa hana með sér í kiljuformi og lesa í útilegum og þar sem þarf að bíða.

Sagn er af "Da Vinci Code" ættinni, ef ég má vera svo djarfur að flokka hana, en langt í frá nokkurt meistarverk.

Vestmannaeyjar koma örlítið fyrir í sögunni og varð sá huti einmitt til þessa ég keypti hana.  Íslendingar komast ágætlega frá sínu í sögunni, ef svo má að orði komast.  Gosið í Lakagígum kemur einnig fyrir í sögulegu samhengi.

En þörfin fyrir afþreyingarbókmenntir hverfur aldrei.

[Jens Guð, 11.11.2011 kl. 20:08]

  G. Tómas,  ég á eftir að lesa seinni helming bókarinnar.  Fyrri hlutinn lofar góðu.  Svona saga er aldrei "djúpt" bókmenntaverk heldur bráðskemmtileg afþreying þegar best lætur.

[Jón Steinar Ragnarsson, 13.11.2011 kl. 05:02]

Ísland er nefnt sem 13 ríki bandaríkjanna og bókin leggur út af því að Indíanar eða frumbyggjar landsins væru í Gyðingar. Nokkuð sem Mormónar halda fram, enda er maðurinn Mormóni og í miklu uppáhaldi hjá Mormónanum Glenn Beck. Þetta er svona trúboð vafið í reifaraform.

[Jens Guð, 13.11.2011 kl. 23:12]

  Eru mormónar ekki ágætir?