Ódýrustu heyrnartæki á markaðnum

  Eins og öllum er bærilega kunnugt um þá fer heyrn okkar að hraka er við nálgumst miðjan aldur.  Um og upp úr miðjum aldri hrakar heyrn hratt og mikið.  Flestir sem komast á áttræðis aldurinn eru verulega heyrnarskertir.  Svo ekki sé talað um þá sem eru komnir yfir 100 ára múrinn. 

  Heyrnartæki eru dýr.  Að auki þarf sífellt að kaupa ný batterí í þau. 

  Þetta þarf ekki að vera svona.  Ódýrustu heyrnartæki á markaðnum býrð þú til sjálf/ur.  Það eina sem þarf að gera er að taka gúmmíið af drullusokkum heimilisins.  Gúmmíið er þrætt upp á eyrun.  Þetta skerpir á heyrninni alveg um 10%.  Gúmmíið er viðhaldsfrítt.  Það þarf ekkert batterí eða neitt í það. 

  Ef vaskur eða klósett stíflast er minnsta mál í heimi að rífa gúmmíið af eyrunum og smella því á gamla tréskaftið,  rétt á meðan losað er um stífluna.  Síðan er gúmmíið aftur þrætt upp á eyrun. 

  Ég fann enga mynd af neinum með drullusokkagúmmí á eyrunum.  Þessi mynd af manni með blómapotta komst næst því.

Athugasemdir

[Ásthildur Cesil Þórðardóttir, 9.7.2012 kl. 21:35]

Þetta sýnist mér nú samt vera blómapottar, sem er auðvitað ennþá betra, því maður á yfirleitt fleiri en einn blómapott

[Sigurður I B Guðmundsson, 9.7.2012 kl. 21:53]

Blómapottur eða drullusokkur skiptir ekki máli, heldur er það "lúkkið" sem er aðal málið. Þetta á eftir að slá í gegn!!

[Theódór Norðkvist, 9.7.2012 kl. 21:56]

Rétt að þrífa gúmmíin vel fyrst.

[Jens Guð, 9.7.2012 kl. 22:01]

  Ásthildur Cesil,  ég fann enga mynd af manni með drullusokkagúmmí á eyrunum.  Myndin af þessum með blómapottana komst næst því.

[Jens Guð, 9.7.2012 kl. 22:02]

  Sigurður I.B.,  svona skraut gerir hverja manneskju svipsterka og eftirminnanlega.

[Jens Guð, 9.7.2012 kl. 22:04]

  Theódór,  að minnsta kosti er upplagt að skola aðeins af þeim.  Það er líka auðveldara að smeygja gúmmíinu upp á eyrun ef það er blautt.

[Ásthildur Cesil Þórðardóttir, 9.7.2012 kl. 22:09]

Jamm sammála þetta slær í gegn.

[Jens Guð, 9.7.2012 kl. 22:17]

  Ég ætla að fá mér svona sjálfur þegar þetta verður orðin tíska.  Ég er nefnilega aðeins með 30% heyrn.  En kann að mörgu leyti vel við það.  Til að mynda á mjög háværum rokkhljómleikum.  Þar hljómar hávaðinn aðeins mildur og þægilegur í mín eyru.

[Þorsteinn J Þorsteinsson, 9.7.2012 kl. 22:23]

Madur kemur ser bara a Ting ta er tetta ju fritt asamt ymsu fleiru,hehe

[Röggi (IP-tala skráð) 9.7.2012 kl. 22:40]

Gítarleikari Dægurlagapönkhljómsveitarinnar Húfu kom aldrei fram öðruvísi en með Drullusokk á nauðarökuðum skallanum og hefur gengið undir nafninu Hreinn drullusokkur síðan.

Þetta var fróðleiksmoli dagsins !!!

[Jens Guð, 9.7.2012 kl. 23:29]

  Þorsteinn J.,  já,  fá þeir ókeypis heyrnartæki?  Eru það ekki eyrnatappar sem þeir fá?

[Jens Guð, 9.7.2012 kl. 23:32]

  Röggi,  takk fyrir fróðleiksmolann.  Frábær hljómsveit. 

[Gunnar Th. Gunnarsson, 10.7.2012 kl. 06:14]

Þetta hefurðu uppúr því að hlusta á fjandans þungarokks hávaðann

[Þorsteinn J Þorsteinsson, 10.7.2012 kl. 09:49]

Jens sastu ekki tad sem teir feingu laumad i gegn a lokadeiginum fri heyrnatæki likamsrækt og ymislegt annad hehe

[Jens Guð, 10.7.2012 kl. 12:00]

  Gunnar Th.,  það er alveg klárt að blessað rokkið á þátt í heyrnarskerðingunni.

[Jens Guð, 10.7.2012 kl. 12:02]

  Þorsteinn J.,  nei,  það fór framhjá mér.  Þó varð ég eitthvað var við að verið var að hneykslast á því að þingmenn komist frítt í líkamsrækt.  Ég vissi ekki að það væri nýr lúxus þar á bæ.

[Guðlaugur Ellert (IP-tala skráð) 10.7.2012 kl. 18:21]

Ég læt tækin frá HTÍ duga í bili ;))

[Theódór Norðkvist, 10.7.2012 kl. 20:35]

Ég sé að ég misskildi Þorstein, hélt að hann meinti að það væri svo mikið af drullusokkum á þingi.

[Jens Guð, 10.7.2012 kl. 20:36]

  Guðlaugur,  það má notast við þau.  Ef þau bila veistu af þessu ráði.

[Jens Guð, 10.7.2012 kl. 20:37]

  Theódór,  ég held að það megi líka skilja það þannig.