Tussufínt blogg

10.7.2012 | 22:03

Fyrir tveimur árum lak út tölvupóstur frá Elíasi Jóni Guðjónssyni, aðstoðarmanni menntamálaráðherra, Katrínar Jakobsdóttur. Yfirskrift póstsins var: Tussufínt. Efni póstsins var um að tiltekinn blaðamaður væri æstur í að "skúbba" einhverju.

Ekki upplýstist hverjum pósturinn var ætlaður. Talið var líklegt að hann hafi verið ætlaður einhverjum upplýsingafulltrúa ríkisstjórnarinnar. Á dularfullan hátt endaði pósturinn í tölvu hjá tímaritinu Grapevine. Þar á bæ birtu menn póstinn á vefsíðu Grapevine.

Nýyrðið tussufínt olli bylgju hneykslunar og fordæminga. Það þótti svakalega gróft. Argasta klám. Í netheimum, fésbók og bloggi, töpuðu menn jafnvægi. Þeir voru miður sín. Ekki síst þeir sem duglegastir eru að uppnefna stórnmálamenn og forsetann og saka þá um flesta glæpi sem til eru.

Hægt og bítandi náðu menn aftur jafnvægi. Orðið virtist ætla að gleymast. En nú sprettur það skyndilega fram á ólíklegustu stöðum. Bara í dag sá ég það í tveimur blöðum.

Fyrst átti ég leið í banka. Þar lá frammi áróðursrit LÍÚ, Morgunblaðrið. Ég fletti upp á leiðara DOddssonar. Þá blasti við mér fyrirsögnin "Tussufínn pistill".

Ég flýtti mér að hylja fyrirsögnina með höndunum. Leit svo í kringum mig til að ganga úr skugga um að hvorki börn né óharðnaðir unglingar væru á staðnum. Það voru aðeins örfáir rígfullorðnir þarna inni. Ég braut blaðið saman og faldi það.

Því næst fór ég á pósthús til að sækja póstinn minn. Þar á meðal var tímaritið Séð og heyrt. Ég fletti í gegnum það og staðnæmdist við opnu með plötuumsögnum. Þar æpti á mig fyrirsögnin "Tussufín plata". Átt var við plötuna Valtara með Sigur Rós.

Hvað er í gangi?

Meginflokkur: Fjölmiðlar | Aukaflokkar: Lífstíll, Menning og listir, Tölvur og tækni | Breytt 11.7.2012 kl. 01:05 | Facebook

Athugasemdir

Svona verða málískur til,hafa líklega oft komið úr eins manns huga.

Helga Kristjánsdóttir, 10.7.2012 kl. 22:49

Já þú segir nokkuð; Ef þessi tussufínu skrif þín eru ekki skrifuð með öfugum formerkjum þá er viðkvæmðni þín eitthvað að aukast Jens Guð. Orðið tussufínt er flott orð að mínu mati og ætti að notast hér og þar, en ég er viss um að það væri ferkar léttvægt orð t.d. um borð í togara.

Læt hér fylgja með eina togara-setningu um melluna. Eða; Nei sleppi því núna .)

Kristinn J (IP-tala skráð) 11.7.2012 kl. 09:44

Hljómar ekki illa í munni en er í vafa með það á prenti, reyndar er orðið Tussa til yfir raforkufyrirtæki í Noregi, kannski er vísað til þess. :):)

Ásdís Sigurðardóttir, 11.7.2012 kl. 12:00

Þetta er gamalt orð.. þú getur googlað þetta mörg ár aftur í tímann... ég man eftir þessu frá því á síðustu öld. Menn eitthvað viðkvæmari á nýrri öld ha :)

DoctorE (IP-tala skráð) 11.7.2012 kl. 13:35

Já, Jens. Þetta er aðstoðarmaður jafnréttis-kvenréttinda-ráðherra Samfylkingarinnar, sem lætur svona siðlausa málleysu frá sér fara.

Það er greinilega vel sofandi og siðblindu-valin kona (aðstoðarmaður) í hverju embætti, sem hika ekki við að nota sóðaummæli um konur eins og ekkert sé sjálfsagðara, eða hvað?

Karlarnir eru þó að mörgu leyti betri, því þeir eru heiðarlegri, og þykjast ekki vera heilagir baráttumenn fátækra kvenna samhliða því að svíkja þær um sjálfsögð mannréttindi.

Auðvaldið kvenstýrða hæðist að, svíkur og misnotar, bæði í orðum og verkum, illa staddar konur og börn.

Jafnrétti er ekki einkamál háttsettra og siðblindra stjórnsýslu-kvenna, heldur baráttumál allra misnotaðra og svikinna einstaklinga, óháð kyni. Og sérstaklega er mikilvægt að berjast gegn misnotkun og kerfis-svikum á varnarlausum börnum þessa brenglaða og siðspillta kerfis.

Börnin eru varnarlausust af öllum í glæpa-stjórnsýslulandinu, því þau eru ekki með löglegt leyfi til að nota sína rödd til að verja sig fyrir kerfisofbeldinu.

Hvar eru hugsjónakonurnar á alþingi og í ríkisstjórninni, sem eiga að berjast fyrir manarréttindum fátæku barnanna?

Hvernig geta mæður sem sitja á alþingi, látið sig það engu varða hvernig farið er með fátæk börn og foreldra þeirra á Íslandi? Hvar er mannúðar, jafnaðar og samfélags-siðferði þessara valdamiklu kvenna?

M.b.kv.

Anna Sigríður Guðmundsdóttir, 11.7.2012 kl. 14:32