Dýr eru furðufuglar

  Flest - eða jafnvel öll - dýr þurfa að sofa endrum og eins.  Þó ekki sé nema til að taka smá kríu.  Sum dýr verða pínulítið brosleg þegar þau sofa.  Önnur verða krúttleg þegar þau sofa.  Norska dagblaðið VG efndi á dögunum til samkeppni um bestu ljósmyndir af sofandi dýrum.  Þátttaka var góð.  Hátt á annað þúsund mynda bárust.  Þessar þóttu bestar:

  Hvutti kom sér makindalega fyrir í ferðavöggu ungabarnsins,  naut sín í botn og steinsofnaði.

  Þessi ku vera sofandi þó að rifi í annað augað.  Myndin er á hvolfi.  Ef að hún snýr rétt skilar sér ekki hvað hvutti er eitthvað krumpaður.

  Það er arfgengt hjá sumum hundum að sýna tennurnar í svefni.  Kenningin er sú að þetta sé varnaraðferð.  Aðrir hundar og önnur dýr sjá að tennurnar eru beittar og sterklegar.  Jafnframt virðist dýrið vera vakandi þó að það sofi.

  Hárlausir kettir hringa sig saman í svefni.  Þannig nýta þeir betur líkamshitann. 

  Þessi sefur með eyrun sperrt.  Hann er á vakt gagnvart minnsta grunsamlega hljóði þó að hann leyfi sér að dotta.

  Þessi hvutti er vanur að sofa undir sæng.  En þegar heitt er í veðri lætur hann aftari hluta líkamans standa undan sænginni. 

 

  Merðir mynda hjartaform þegar þeir fá sér dúr.

  Flest dýr teygja úr sér þegar þau vakna.  Sum teygja úr sér á meðan þau sofa. 

  Krúttlegt.

Hvolpur fastur í vél bílsins

Athugasemdir

[Rebekka, 9.7.2013 kl. 07:11]

Mér synist upphringadi hundurinn vera frekar köttur í hundagæru...   samt eiginlega engri gæru, tví hann er af hárlausri tegund

[Ásthildur Cesil Þórðardóttir, 9.7.2013 kl. 10:27]

Virkilega gaman að þessum myndum. 

[Jens Guð, 9.7.2013 kl. 20:46]

  Rebekka, takk fyrir ábendinguna.  Ég stökk til og leiðrétti textann.  

[Jens Guð, 9.7.2013 kl. 20:47]

  Ásthildur Cesil,  takk fyrir innlitið.